Iivesi zeBhayibhile malunga nokhuseleko

«»

• Ithembekile yona kambe iNkosi. Yonikhusela inigcine kuhlaselo lwendoda enobuqhokolo.
  2 KWABASETESALONIKA 3:3ukuthembekaamandlaumtyholi
• InguNdikhoyo nje ondikhanyiselayo,
  inguye nje ondisindisayo, ndingoyika ntoni?
  InguNdikhoyo nje inqaba yam, ndingoyika bani?
  INdumiso 27:1uloyikoukukhanya
• Lowo uhleli ekhuselwe nguPhezukonke,
  uhlala esemthunzini kaSomandla.
  Yena uya kuthi: “Ndikhoyo, ungumkhuseli wam;
  uyinqaba yam, wena Thixo, ndiya kuthembela kuwe.”
  INdumiso 91:1-2thembelaphumlausomandla
• UThixo ulihlathi nenqaba yethu;
  ngexesha leenkathazo uluncedo oluhlala lulungile.
  INdumiso 46:1ukuthembekaukukhuselwa
• Wena uyinqaba endizifihla kuyo;
  uyandikhusela xa ndisebunzimeni.
  Undirhangqe ngosindiso lwakho;
  ngoko ke ndimemelela ndinemincili.
  INdumiso 32:7uvuyoukukhuselwaukucula
• Ndiya kuphumla ngenzolo, ndilale;
  nguwe kuphela kaloku, Ndikhoyo, ondinqabisayo.
  INdumiso 4:8phumlauxolo
• Ewe, uNdikhoyo ulungile:
  ungumqolomba ngamaxesha eenkathazo;
  ubakhathalele abo bathembele kuye.
  UNAHUM 1:7ukukhuselwaukulungathembela
• Iingxaki zakho ziphose kuNdikhoyo;
  yena uya kukuxhasa, akayi kuze aliyekele ilungisa.
  INdumiso 55:22ukuthembekaubulungisa
• Umntu ondwebileyo uthi akuyibona ayicezele ingozi,
  kanti ke yena ongaqiqiyo uphoseka kuyo enzakale.
  IZAFOBE 27:12ingqondoukukhuselwaisohlwayo
• Akwambathise ngamaphiko akhe, akufihle ekhusini lakhe,
  kube likhaka nekhuselo lakho ukuthembeka kwakhe.
  INdumiso 91:4ukukhuselwaukuthembekauthembekile
• Ke wena ubathi jize ngenzolo
  abo banjongo zingajika-jikiyo,
  kuba behlala bekholose ngawe.
  UISAYA 26:3thembelauxolo
• Umntu onyanisekileyo uhamba engaxhalele nto;
  ke yena onamaqhinga uya kubhaqwa.
  IZAFOBE 10:9isonoubomiukuxoka
• Anditsho ukuba ubasuse ehlabathini, koko ndicela ukuba ubakhusele kongendawo.
  UYOHANE 17:15umlamliububiumhlaba
• UNdikhoyo uyalifezekisa icebo lakhe ngam.
  Kambe ke, Ndikhoyo, izibele zakho zisisimakade;
  ungabi sawushiya umsebenzi wezandla zakho.
  INdumiso 138:8ukuthembekauThixouthembekile
• Masingalali buthongo ke thina njengabanye abo; masiphaphe, singanxili.
  1 KWABASETESALONIKA 5:6ukuzibamba
• Into ebhetele kukuzimela ngoNdikhoyo,
  kunokuba uthembele ngomntu.
  INdumiso 118:8thembelaukukhuselwa
• Ndobahlaziya abatyhafileyo, ndibondle abafa yindlala.
  UJEREMIYA 31:25umphefumlo
• UNdikhoyo ngumqolomba:
  bazimela kuye abalungisayo, basinde.
  IZAFOBE 18:10uThixoukukhuselwa
• Ndizimela ngaye, nguye ondisindisayo.
  Yinqaba yam, soze ndichukunyiswe.
  INdumiso 62:2usindisoukukhuselwaukuthembeka
• Thembela kuNdikhoyo wena, wenze okulungileyo;
  uya kuba sisima-mhlaba, ube nekamva.
  INdumiso 37:3thembelaukulunga
• NguNdikhoyo inqaba yokuzimela abacinezelwayo;
  nguye ikhusi ngamaxesha eembandezelo.
  INdumiso 9:9ukukhuselwa
• Ngoko ke zinikeleni ngokupheleleyo kuThixo. Mchaseni uSathana azokunibaleka.
  EKAYAKOBI 4:7ukuthobelaukuba likhobokaumtyholi
• Nokuba ndingade ndingqongwe ngumkhosi,
  andiyi kuba naluvalo konke.
  Nokuba ndirhawulwe yimfazwe,
  ndiya kuthembela ngoNdikhoyo.
  INdumiso 27:3uloyikointliziyothembela
• Ngoko ke xhobani ngezikrweqe zikaThixo, ukuze nibe nako ukuxhathisa xa kunyembelekile, nize nifeze konke nimile ngxishi.
  KWABASE-EFESE 6:13ukukhuselwaububiumtyholi
• Ndiphilise, Ndikhoyo, ndiphile qete.
  Ndisindise, khon' ukuze ndisinde.
  Kaloku nguwe udumo lwam.
  UJEREMIYA 17:14ukuguladumisaniukuphilisa