- Die hemele vertel die eer van God,
en die uitspansel verkondig die werk van sy hande.
Die een dag stort vir die ander 'n boodskap uit,
en die een nag kondig vir die ander kennis aan. - Die wet van die Here is volmaak:
dit verkwik die siel;
die getuienis van die Here is gewis:
dit gee wysheid aan die eenvoudige. - Die bevele van die Here is reg:
hulle verbly die hart;
die gebod van die Here is suiwer:
dit verlig die oë. - Laat die woorde van my mond
en die oordenking van my hart
welbehaaglik wees voor u aangesig,
o Here, my rots en my verlosser!
Bybelvers van die dag
My seun, luister na wat ek sê,neig jou oor tot my woorde,
laat hulle nie wyk uit jou oë nie,
bewaar hulle binne-in jou hart.