- Verkry wysheid, verkry insig;
vergeet nie en wyk nie af van die woorde van my mond nie. - Die beginsel van die wysheid is: Verwerf wysheid
en verwerf insig deur al wat jy besit. - Hoor, my seun, en neem my woorde aan;
dan sal die lewensjare vir jou vermeerder word. - In die weg van die wysheid onderrig ek jou,
ek laat jou die spore van opregtheid betree. - My seun, luister na wat ek sê,
neig jou oor tot my woorde,
laat hulle nie wyk uit jou oë nie,
bewaar hulle binne-in jou hart. - Bewaak jou hart meer as alles wat bewaar moet word,
want daaruit is die oorspronge van die lewe. - Verwyder van jou die valsheid van mond,
en hou ver van jou af die verkeerdheid van lippe. - Laat jou oë reguit kyk
en jou ooglede hulle reg voor jou uit hou. - Maak die pad van jou voet gelyk,
en laat al jou weë vas wees. - Wyk nie regs of links af nie,
hou jou voet ver van boosheid.
Bybelvers van die dag
God laat die eensames woon in 'n huisgesin,Hy lei die gevangenes uit in voorspoed;
maar die wederstrewiges woon in 'n dor land.