Umoya (2/3)

Thina noMoya oyiNgcwele osisipho sikaThixo kwabo bamthobelayo, singamangqina azo ezi zinto. UMSEBENZI WABATHUNYWA 5:32

Thina noMoya oyiNgcwele osisipho sikaThixo kwabo bamthobelayo, singamangqina azo ezi zinto.
UMSEBENZI WABATHUNYWA 5:32 ukuthobela ukwamkela uMoya oyiNgcwele
Wathi uPetros kubo: “Guqukani ezonweni zenu nonke ngabanye, nibhaptizwe egameni likaYesu Krestu, ukuze nixolelwe izono zenu, nize namkele isipho soMoya oyiNgcwele.”
UMSEBENZI WABATHUNYWA 2:38 uxolelo ubhaptizo uguqulo
UMoya ngokwakhe ungqinelana nathi ukuthi singabantwana bakaThixo.
KWABASEROMA 8:16 uThixo abantwana
Ke ukunyamekela izinto zesimo esonakeleyo kusa ekufeni, kanti ke ukunyamekela ezoMoya kusa ebomini naseluxolweni.
KWABASEROMA 8:6 uxolo ubomi
Ekuqaleni uThixo wadala izulu nomhlaba. Kwakuselubala nje emhlabeni, kungekho nto ikhoyo. Inzonzobila yamanzi eyayigubungele konke yayithiwe gqume sisithokothoko sobumnyama. UMoya kaThixo wafukama phezu kwaloo manzi.
EYEZIQALO 1:1-2 indalo izulu uMoya oyiNgcwele
Xa banibambayo banise ezinkundleni, musani ukuyixhalela into eniya kuyithetha, kodwa thethani oko nithe nakunikwa ngelo xesha, kuba asinini abathethayo, nguMoya oyiNgcwele.
UMARKO 13:11 ukuthetha ukukhathazeka uMoya oyiNgcwele
Kaloku udaba lukaThixo aluzanga ngokuzithandela komntu, koko abantu baluthetha udaba lukaThixo beqhutywa lifuthe loMoya oyiNgcwele.
2 KAPETROS 1:21 isiprofeto ukuthetha uMoya oyiNgcwele
Ekuyikhonzeni kwabo iNkosi, bezila ukutya, uMoya oyiNgcwele wathi kubo: “Ndikhetheleni uBharnabha noSawule, ukuze benze umsebenzi endibabizele wona.”
UMSEBENZI WABATHUNYWA 13:2 unqulo ukuzila ukutya umthandazo
Ke kaloku thina sonke, sinobuso obutyhiliweyo, ubuqaqawuli beNkosi sibubona ngokungathi kusesibukweni. Ngoko ke siyaguqulwa sifane nayo ncam, sinesidima esiya sikhula. Yonke ke le nto ivela eNkosini ekwanguMoya.
2 KWABASEKORINTE 3:18 inguqu
UMoya enimamkeleyo akanenzi amakhoboka, wona aphakuzelayo. Kaloku namkele uMoya onenza oonyana abathi: “Tata!” kuThixo.
KWABASEROMA 8:15 uloyiko abantwana ubukhoboka
Zondelelani ningatyhafi. Yibani nefuthe loMoya. Yikhonzeni iNkosi.
KWABASEROMA 12:11 ukuthobela ukukhonza
Nantsi ke into endithetha yona kuni: Ukuba nikhokelwa nguMoya kaThixo, aniyi kuzenza izinto ezinqwenelwa sisimo esidala.
KUMAGALATI 5:16 isono iminqweno
Ke ekubhaptizweni kwento eninzi yabantu, noYesu ebhaptiziwe, kwathi ethandaza, lavuleka izulu, wehlela phezu kwakhe uMoya oyiNgcwele enembonakalo yehobe. Kwavakala nezwi livela ezulwini, lisithi: “UnguNyana wam endimthandayo wena; ndikholisiwe nguwe!”
ULUKA 3:21-22 ubhaptizo umthandazo UYesu
Kaloku ndiyazi ukuba ngemithandazo yenu, nangoncedo loMoya kaYesu Krestu ndiya kusinda.
KWABASEFILIPI 1:19 usindiso umthandazo
Zamelani ukuhlala ngoxolo niyilaa mbumba yamanyama wanenza nayiyo uMoya oyiNgcwele.
KWABASE-EFESE 4:3 uluntu uxolo
Ke nam bendingamazi, kodwa lowo wandithumayo ukuba ndibhaptize ngamanzi, nguye owathi kum: ‘Lowo ùbone uMoya esihla phezu kwakhe, ahlale kuye, nguye obhaptiza ngoMoya oyiNgcwele.’
UYOHANE 1:33 UYesu ubhaptizo uMoya oyiNgcwele
Ke ngoko, ndithi kuni, zonke izono nezinyeliso baya kuzixolelwa abantu, kodwa kona ukunyelisa uMoya oyiNgcwele akuyi kuxolelwa.
UMATEWU 12:31 isono uxolelo uMoya oyiNgcwele
Ewe, Thixo, intliziyo yam yidale ngokutsha, ibe nyulu;
wuhlaziye umoya wam, ndikhaliphe.
INdumiso 51:10 ukusulungekiswa intliziyo
Ndiyabuya; andiyi kunishiya niziinkedama.
UYOHANE 14:18 umthuthuzeli UYesu ukuthembeka
Ukuba ke uMoya kaThixo owamvusayo uYesu ekufeni ukho kuni, neyenu imizimba uThixo uya kuyinika ubomi ngoMoya wakhe okhoyo kuni.
KWABASEROMA 8:11 UYesu ubomi
Ndiya kuninika intliziyo entsha, ndiniphe nomoya omtsha; ndiya kuyikhupha kuni intliziyo eqaqadeke okwelitye, ndininike intliziyo yentobeko.
UHEZEKILE 36:26 intliziyo usindiso
Ekufikeni komhla wePentekoste babehlangene ndawonye bonke. Ngesaquphe beva isandi esingathi kukuza komoya omkhulu, uvuthuza esibhakabhakeni. Sayizalisa indlu ababehleli kuyo isandi eso.
UMSEBENZI WABATHUNYWA 2:1-2 izulu ipentekoste
UThixo wazityhila kuthi ke ezi ndaba ngoMoya wakhe; kuba uMoya uphengulula zonke izinto, nobunzulu bobume bukaThixo.
1 KWABASEKORINTE 2:10 uThixo ukucwangcisa ukuqonda
Okuzalwa yinyama negazi kuyinyama negazi; okuzalwa nguMoya kunguMoya.
UYOHANE 3:6 ukuzalwa ngokutsha
Wonke umntu oyithobelayo imiyalelo kaThixo umanyene noThixo, noThixo uhlala kuye. Into ecacisa ukuba uThixo uhlala kuthi nguMoya lo asinike yena.
1 KAYOHANE 3:24 umthetho uThixo