uThixo (2/4)

Ngoko ke, nimanywe neNkosi nje, yonwabani! Ewe, ndiyaphinda ndithi vuyani! KWABASEFILIPI 4:4

XHO96

Ngoko ke, nimanywe neNkosi nje, yonwabani! Ewe, ndiyaphinda ndithi vuyani!
KWABASEFILIPI 4:4 uvuyo
Mhlonele uyihlo ndawonye nonyoko, khon' ukuze ube nokuzinza kwelo lizwe ndikunika lona mna Ndikhoyo Thixo wakho.
EYEMFUDUKO 20:12 intsikelelo usapho
Ndisindiswa nguThixo, uliwonga lam.
UThixo yinqaba yam, ndizimela ngaye.
INdumiso 62:7 thembela usindiso
Ekuqaleni, kungekadalwa, wayeselekho uLizwi. ULizwi lo wayekunye noThixo, naye ngokwakhe enguThixo.
UYOHANE 1:1 ILizwi likaThixo
Njengoko ungayazi indlela yomoya,
ungamazi nokuba wenziwa njani na umntu esizalweni sonina,
kananjalo soze ukuqonde nokusebenza kukaThixo onguMdali weento zonke.
AMAVA ENGQONDI 11:5 ukuqonda
Khumbulani kaloku ukuba uNdikhoyo uThixo wenu lo nguThixo ekukuphela kwakhe, kungekho wumbi ngaphaya; futhi ke uthembekile. Uyawugcina umnqophiso wakhe, futhi izibele zakhe ziphuphumela kwâbo bamthandayo beyigcina imiyalelo yakhe kuse kumawaka ezizukulwana.
UHLAZIYO-MNQOPHISO 7:9 ukuthembeka umthetho umnqophiso
“Ndim isiqalo nesiphelo,” itsho iNkosi uThixo, uSomandla, uNdikhoyo, owayekho, lowo uya kusoloko ekho.
ISITYHILELO 1:8 ubomi obungunaphakade ukuthembeka ukuza kwesibini
Uze uyithande ke iNkosi uThixo wakho ngentliziyo yakho iphela, nangomphefumlo wakho uphela, nangengqondo yakho iphela, nangamandla akho ephela.
UMARKO 12:30 uthando amandla
Uncedo lwethu luvela kuNdikhoyo
ongumdali wamazulu nehlabathi.
INdumiso 124:8 indalo izulu
Kaloku wonke umntwana kaThixo uyaloyisa eli hlabathi. Ke kaloku ihlabathi siloyisa ngokukholosa ngoThixo.
1 KAYOHANE 5:4 ukholo ukoyisa ukuzalwa ngokutsha
UNdikhoyo uyalifezekisa icebo lakhe ngam.
Kambe ke, Ndikhoyo, izibele zakho zisisimakade;
ungabi sawushiya umsebenzi wezandla zakho.
INdumiso 138:8 ukuthembeka ukhuseleko uthembekile
Kuvumeni nikwamkele ukuba uNdikhoyo unguThixo wamazulu nehlabathi. Akukho Thixo wumbi ngaphandle kwakhe.
UHLAZIYO-MNQOPHISO 4:39 izulu umhlaba izithixo
Lufuneni kuNdikhoyo uncedo;
mfuneni aph' akhoyo ngawo onke amaxesha.
INdumiso 105:4 ukufuna ukusondela
Ndinqwenela into enye kuphela kuNdikhoyo,
ndaye ndifuna yona kanye:
le yokuba ze ndihlale kwaNdikhoyo yonke imihla yobomi bam,
ndiqwalasele ubuhle bakhe, ndimfune endlwini yakhe.
INdumiso 27:4 uthando ukusondela
Kaloku mnye uThixo, ukwamnye nalowo ungumxolelanisi kaThixo nomntu. NguKrestu Yesu ongumntu ncakasana.
1 KUTIMOTI 2:5 UYesu umlamli
Obo bulumko ke buvela kuNdikhoyo uSomandla-onke;
kaloku yena yintshatsheli ngamacebo,
ngenene yena ubalasele ngobulumko.
UISAYA 28:29 ukucwangcisa ubulumko
Kuba: “Lowo uzibika ebiza igama leNkosi wosindiswa.”
KWABASEROMA 10:13 usindiso unqulo
Kodwa yena ongenalo uthando akamazi uThixo, kuba uThixo uluthando.
1 KAYOHANE 4:8 uthando
UNdikhoyo uyabanakekela abo bamhlonelayo
nabo bathembe izibele zenceba yakhe.
INdumiso 33:18 ukuthembeka ukumoyika uthixo
Bathi bebonke bavume bengafihlisi
ukuba uYesu Krestu yiNkosi,
bebonakalisa ubungangamsha bukaThixo onguBawo.
KWABASEFILIPI 2:11 ukuthobela ukuvuma
Ewe, nanizimisele ukundenzakalisa, kodwa uThixo yena walijika elo yelenqe labubuhle, khon' ukuze kusinde abantu abaninzi abaphilayo ngoku ngenxa yeso senzo senu.
EYEZIQALO 50:20 ubomi ububi
Uthetha ngelizwi athi:
“Phezani, ndim uThixo.
Ndizivelele izizwe;
nehlabathi ndilikrobele.”
INdumiso 46:10 uxolo
Ke uNdikhoyo uya kuba ngukumkani wehlabathi jikelele. Ewe, ngaloo mini iya kuba nguNdikhoyo yedwa, igama lakhe libe kuphela kwagama elitshatsheleyo.
UZAKARIYA 14:9 ubukumkani
Nalu ke udaba endaluva ngoNyana kaThixo, nendinixelela lona: UThixo ukukukhanya; abukho konke kuye ubumnyama.
1 KAYOHANE 1:5 isono ukukhanya
Ukuba uNdikhoyo akayakhi indlu,
bafumana bebulaleka abayakhayo.
Ukuba asaluswa nguNdikhoyo isixeko,
ancam' ubuthongo ngelize amajoni alindayo.
INdumiso 127:1 ukuxhomekeka