Iivesi zeBhayibhile malunga nokholo

Ngenxa yoko ndithi kuni, zonke izinto enizicela nithandaza, kholwani ukuba senizinikiwe; nozifumana ke. UMARKO 11:24

Ngenxa yoko ndithi kuni, zonke izinto enizicela nithandaza, kholwani ukuba senizinikiwe; nozifumana ke.
UMARKO 11:24 umthandazo ukwamkela
Ndiyambongoza ukuba ngobubele bakhe uSosidima anomeleze imo yenu entsha ngoMoya wakhe, khon' ukuze ngokholo uKrestu ahlale ngaphakathi kuni. Nanga ningasekelwa eluthandweni nendele.
KWABASE-EFESE 3:16-17 uthando Umoya
Ukukholwa ke kukuqiniseka ngezinto esinethemba lazo; kukwakukuqiniseka nangobukho bezinto esingaziboniyo.
KUMAHEBHERE 11:1 inyaniso ithemba
Kuba siphila ngokukholwa, kungekuko ngezinto esizibonayo.
2 KWABASEKORINTE 5:7 thembela ubomi
Wanga ke uThixo, umthombo wethemba, angáthi ngokukholwa kwenu anivuyise kakhulu, aniphe uxolo, ukuze ithemba lenu liye lisanda ngokwanda ngamandla oMoya oyiNgcwele.
KWABASEROMA 15:13 Umoya ithemba uMoya oyiNgcwele
Kodwa ke loo mntu makacele ekholwa, engathandabuzi konke. Kaloku umntu othandabuzayo ufana namaza alatyuziswa ngumoya elwandle.
EKAYAKOBI 1:6 thembela umthandazo
Lungekho ke ukholo akukho ukumkholisa uThixo. Kaloku wonke ubani ozayo kuye kufuneka akholwe ukuba ukho uThixo, yaye uyabavuza abo bamlangazelelayo.
KUMAHEBHERE 11:6 uvuyo ibuyiselo ukufuna
UYesu wathi kuye: “Bendingatshongo na kuwe okokuba uya kuwabona amandla kaThixo ukuba uyakholwa?”
UYOHANE 11:40 UYesu
Wathi kuye uYesu: “Oo, uthi: ‘Ukuba ndinako;’ – zonke izinto zinokwenzeka kokholwayo.”
UMARKO 9:23 imimangaliso ukuphilisa
Kaloku isiqhamo sokumelana nezilingo ngokholo lunyamezelo.
EKAYAKOBI 1:3 isilingo ukuba likhoboka
Anikamboni nokumbona, kodwa niyamthanda. Niyakholwa nokukholwa kuye, naxa ningekamboni nje. Senizele naluchulumacho olungenakuchazwa, kuba seniyibona injongo yokholo lwenu; ndixela inkululeko yenu.
1 KAPETROS 1:8-9 uvuyo usindiso
Konke enikucelayo ngomthandazo nikholwa, nokwamkela.
UMATEWU 21:22 ukuthembeka umthandazo
Waza wathi kuye uYesu: “Ndim uvuko; ndim ubomi. Lowo ukholwayo kum wodla ubomi nokuba ebefile. Wonke odla ubomi ekholwa kum, soze afe naphakade. Ke wena ngaba uyakholwa koku?”
UYOHANE 11:25-26 ukufa uvuko izithembiso
Kaloku wonke umntwana kaThixo uyaloyisa eli hlabathi. Ke kaloku ihlabathi siloyisa ngokukholosa ngoThixo.
1 KAYOHANE 5:4 uThixo ukoyisa ukuzalwa ngokutsha
Lowo ke uswele amandla elukholweni, mamkeleni, kodwa kungabi nganjongo yakuphikisana nezimvo zakhe.
KWABASEROMA 14:1 uluntu
Kodwa ke, wena mntu uzinikele ngokupheleleyo kuThixo, zicezele zonke ezi zinto. Phuthuma ukulungisa, unqulo, ukuthemba, uthando, ukunyamezela, nobulali.
1 KUTIMOTI 6:11 uthando ubulungisa
Wathi kuyo uYesu: “Hamba uhambe; ukholo lwakho lukuphilisile.”
Yabona ke kwangoko, yamlandela uYesu endleleni apho.
UMARKO 10:52 usindiso ukuphilisa
Phaphani, nime zinzi elukholweni! Khaliphani, nomelele!
1 KWABASEKORINTE 16:13 amandla isibindi ukhuthazo
Ndingade ndibe naso nesiphiwo sokushumayela ngefuthe, ndinalo lonke ulwazi, ndizazi nezinto ezingàziwa mntu, ndinalo nokholo olugungqisa iintaba, kodwa ndingenalo uthando, andinto konke!
1 KWABASEKORINTE 13:2 uthando isiprofeto
Wathi kubo uYesu: “Ndim isonka sobomi. Ozayo kum akasoze alambe, nokholwayo kum akasoze anxanwe.”
UYOHANE 6:35 ukutya ubomi isonka
Xa umntu egula, makabize amadoda amakhulu ebandla; wona aya kumthandazela, amthambise ngeoyile egameni leNkosi. Lo mthandazo uphuma elukholweni uya kumnyanga umntu ogulayo, iNkosi imbuyisele empilweni, zithi nezono azenzileyo zixolelwe.
EKAYAKOBI 5:14-15 ukugula umthandazo ukuphilisa
Ndenze isigqibo sokuba ndinyaniseke;
ndizimisele ukusithobela isigwebo sakho.
INdumiso 119:30 umthetho inyaniso
Kaloku umntu ukholwa ngentliziyo, aze abe lilungisa phambi koThixo; uvuma ngomlomo, aze asindiswe.
KWABASEROMA 10:10 ukuthetha usindiso ukuvuma
Ngokholo nkqu noSara owayengazali, naxa wayeselegugile nje, wafumana amandla, wakhawula, kuba wathemba ukuba uThixo lo uthembisileyo wosigcina isithembiso sakhe.
KUMAHEBHERE 11:11 thembela ibuyiselo ukuba nesiqhamo
Ngezi ndaba zimnandi kaloku kutyhilwa indlela uThixo asenza amalungisa ngayo: kungokholo qha, njengoko zitshoyo neziBhalo ukuthi: “Ngokholo lwakhe olilungisa uya kudla ubomi.”
KWABASEROMA 1:17 ubulungisa usindiso