- MAAR ek vermaan julle, broeders, in die Naam van onse Here Jesus Christus, om almal eenstemmig te wees, en dat daar geen skeuringe onder julle moet wees nie, maar dat julle verenig moet wees in dieselfde gesindheid en in dieselfde mening.
- Want Ek, die Here jou God,
gryp jou regterhand aan, Ek wat vir jou sê:
Wees nie bevrees nie, Ek help jou. - Roep My aan, en Ek sal jou antwoord en jou bekend maak groot en ondeurgrondelike dinge wat jy nie weet nie.
- Kom na My toe, almal wat vermoeid en belas is, en Ek sal julle rus gee.
- Groter liefde het niemand as dit nie, dat iemand sy lewe vir sy vriende gee.
- Wie 'n oortreding bedek, soek liefde;
maar hy wat 'n saak weer ophaal, skei vriende van mekaar. - GESEËND is die God en Vader van onse Here Jesus Christus, die Vader van ontferminge en die God van alle vertroosting, wat ons troos in al ons verdrukking, sodat ons die wat in allerhande verdrukking is, kan troos deur die vertroosting waarmee ons self deur God getroos word.
- Ons het Hom lief, omdat Hy ons eerste liefgehad het.
- Die siel wat seën, word versadig;
en hy wat laaf, word self ook gelaaf. - Al beswyk my vlees en my hart —
God is die rots van my hart
en my deel tot in ewigheid. - Wie geregtigheid en weldadigheid najaag,
sal die lewe, geregtigheid en eer vind. - Daarom, bemoedig mekaar en bou die een die ander op, soos julle ook doen.
- Maar die vrug van die Gees is liefde, blydskap, vrede, lankmoedigheid, vriendelikheid, goedheid, getrouheid, sagmoedigheid, selfbeheersing. Teen sulke dinge is die wet nie.
- Oefen die seun volgens die eis van sy weg;
dan sal hy, ook as hy oud word, daar nie van afwyk nie. - Hy gee die vermoeide krag
en vermenigvuldig sterkte vir die wat geen kragte het nie. - Want julle is almal kinders van God deur die geloof in Christus Jesus; want julle almal wat in Christus gedoop is, het julle met Christus beklee.
- En word daders van die woord en nie net hoorders wat julleself bedrieg nie.
- Wat buig jy jou neer, o my siel,
en wat is jy onrustig in my?
Hoop op God, want ek sal Hom nog loof —
die verlossing van my aangesig en my God! - Bewaak jou hart meer as alles wat bewaar moet word,
want daaruit is die oorspronge van die lewe. - Loof die Here, want Hy is goed,
want sy goedertierenheid is tot in ewigheid. - Waak, staan in die geloof, wees manlik, wees sterk.
- Of weet julle nie dat julle liggaam 'n tempel is van die Heilige Gees wat in julle is, wat julle van God het, en dat julle nie aan julself behoort nie? Want julle is duur gekoop. Verheerlik God dan in julle liggaam en in julle gees wat aan God behoort.
- Trek die volle wapenrusting van God aan, sodat julle staande kan bly teen die liste van die duiwel.
- Die hele Skrif is deur God ingegee en is nuttig tot lering, tot weerlegging, tot teregwysing, tot onderwysing in die geregtigheid, sodat die mens van God volkome kan wees, vir elke goeie werk volkome toegerus.
- Soos in die water aangesig teenoor aangesig is,
so is die hart van die mens teenoor die mens.
'n Oorsig van die 100 gewildste Bybelverse op DailyVerses.net.
