Amavesi EBhayibheli ngezimangaliso

«»

• UJesu ebabheka wathi: “Kubantu akunakwenzeka, kepha kuNkulunkulu akunjalo; ngokuba kuNkulunkulu kungenzeka konke.”
  NgokukaMarku 10:27insindisoUJesu
• UJesu wayesethi kuye: “Uma unamandla! Konke kungenzeka kokholwayo.”
  NgokukaMarku 9:23inkoloukuphulukisa
• Bheka, nginguJehova uNkulunkulu wenyama yonke, kukhona okungahlulayo na?
  UJeremiya 32:27UNkulunkuluusomandla
• Kepha wathi: “Okungenzeki kubantu kungenzeka kuNkulunkulu.”
  NgokukaLuka 18:27insindisoUJesu
• Kepha uJesu ekuzwa lokho wamphendula wathi: “Ungesabi, kholwa kuphela; izakusinda.”
  NgokukaLuka 8:50uvaloinkoloukuphulukisa
• Ngokuba akukho lutho olungenzeke kuNkulunkulu.
  NgokukaLuka 1:37ukunqobausomandla
• Ngokuba wena uzenzile izinso zami,
  wangaluka esiswini sikamame.
  Ngiyakukubonga,
  ngokuba ngenziwa ngokwesabekayo nangokumangalisayo;
  imisebenzi yakho iyamangalisa;
  umphefumulo wami uyakwazi kahle.
  AmaHubo 139:13-14indaloumphefumuloubuhle
• Kepha uJesu ebabheka wathi kubo: “Kubantu akunakwenzeka; kepha kuNkulunkulu kungenzeka konke.”
  NgokukaMathewu 19:26insindisoukuqonda
• Wayesethi kubo: “Kungenxa yokukholwa kwenu okuncane. Ngokuba ngiqinisile ngithi kini: Uma ninokukholwa njengembewu yesinaphi, niyakuthi kule ntaba: ‘Suka lapha, uye laphaya,’ iyakusuka; akukho okuyakunahlula.”
  NgokukaMathewu 17:20ukwethembainkolo
• Wazithabatha izinkwa eziyisihlanu nezinhlanzi ezimbili, wabheka ngasezulwini, wazibusisa, wazihlephula, wanika abafundi ukuba babele isixuku. Badla, basutha bonke, kwabuthwa imvuthuluka eyasala kubo, iziqabetho eziyishumi nambili.
  NgokukaLuka 9:16-17ukudlaumkhulekoisinkwa
• Ngiyakumbonga uJehova ngayo yonke inhliziyo yami;
  ngiyakulanda zonke izimangaliso zakho.
  AmaHubo 9:1khulekelaukubongainhliziyo
• Wayefundisa kwelinye lamasinagoge ngesabatha. Bheka, kwaba khona owesifazane onomoya wobuthakathaka iminyaka eyishumi nesishiyagalombili, eseqhothile engenakululama nempela. Kwathi uJesu embona, wambiza, wathi kuye: “Mame, ukhululiwe ebuthakathakeni bakho.” Wabeka izandla phezu kwakhe; weluleka khona lapho, wamdumisa uNkulunkulu.
  Umphathi wesinagoge, ecunukile ngokuba uJesu ephulukisile ngesabatha, waphendula, wathi kuso isixuku: “Kukhona izinsuku eziyisithupha okufanele ukusetshenzwa ngazo; ngakho-ke anoza ngazo, niphulukiswe, kungabi ngosuku lwesabatha.”
  Kepha iNkosi yamphendula yathi: “Bazenzisi, kanti yilowo nalowo kini kayithukululi yini ngesabatha inkabi yakhe noma imbongolo yakhe emkhombeni, ayise ukuyoyiphuzisa, na? Kepha lona, eyindodakazi ka-Abrahama, uSathane abembophile, bhekani, iminyaka eyishumi nesishiyagalombili, bekungafanele yini ukuba akhululwe kuleso sibopho ngosuku lwesabatha na?”
  Wathi ukuba asho lokho, bajabha bonke ababemelene naye; isixuku sonke sathokoza ngemisebenzi yonke yenkazimulo eyenziwe nguye.
  NgokukaLuka 13:10-17ukuphulukisaisabatha
• UJesu wayesephendula, ethi kubo: “Ngiqinisile ngithi kini: Uma ninokukholwa, ningangabazi, aniyikwenza okomkhiwane kuphela, kodwa noma nithi kule ntaba: ‘Nqukuleka, uphonseke elwandle,’ kuyakwenzeka.”
  NgokukaMathewu 21:21inkoloukukhulumaukwethemba
• Sebembonile ehamba phezu kolwandle, bacabanga ukuthi yisithunzi; bakhala. Ngokuba bonke bambona, bethuka.
  Kepha washesha wakhuluma nabo, wathi kubo: “Yimani isibindi; yimina, ningesabi.”
  NgokukaMarku 6:49-50UJesuuvaloisibindi
• Ngawa phansi emhlabathini, ngezwa izwi lithi kimi: ‘Sawulu, Sawulu, ungizingelelani na?’
  IzEnzo 22:7ukukhulumaushushiso
• Kwathi eseshilo lokho, wakhushulwa bebuka; ifu lamsusa emehlweni abo.
  IzEnzo 1:9UJesuizuluukwenyuka
• Kwathi sebekhulekile, kwazanyazanyiswa indawo lapho bebebuthene khona, bagcwaliswa bonke nguMoya oNgcwele, bakhuluma izwi likaNkulunkulu ngesibindi.
  IzEnzo 4:31ipentekosteUMoya Oyingceleumkhuleko
• Ngalokho iNkosi uqobo iyakukunika isibonakaliso: bheka, intombi iyakukhulelwa, izale indodana, ibize igama layo ngokuthi u-Imanuweli.
  U-Isaya 7:14ukhisimusiUJesuisiprofetho
• Khona wayesengena nomfundi omunye ofike kuqala ethuneni, wabona, wakholwa; ngokuba bebengakawuqondi umbhalo wokuthi ubefanele ukuvuka kwabafileyo.
  NgokukaJohane 20:8-9iphasikaukuvukaukuqonda
• Yesabani uJehova kuphela, nimkhonze ngeqiniso ngenhliziyo yenu yonke, ngokuba bhekani okukhulu anenzele khona.
  1 uSamuweli 12:24mangalaukukhonzainhliziyo
• Lokhu konke kwenzeka ukuba kugcwaliseke okwakhulunywa yiNkosi ngomprofethi ukuthi: “Bheka, intombi iyakukhulelwa, izale indodana; bayakuyiqamba igama lokuthi u-Emanuweli,” okungukuthi ngokuhunyushwa “uNkulunkulu unathi”.
  NgokukaMathewu 1:22-23isiprofethoUJesuukhisimusi
• Ukuzalwa kukaJesu Kristu kwaba nje: unina uMariya esemiselwe uJosefa, bengakahlangani wafunyanwa ekhulelwe ngoMoya oNgcwele.
  NgokukaMathewu 1:18ukhisimusiUMoya Oyingcele