Bybelverse oor Trooster
- GESEËND is die God en Vader van onse Here Jesus Christus, die Vader van ontferminge en die God van alle vertroosting, wat ons troos in al ons verdrukking, sodat ons die wat in allerhande verdrukking is, kan troos deur die vertroosting waarmee ons self deur God getroos word.
- Ek sal julle nie as wese agterlaat nie; Ek kom weer na julle toe.
- As my gedagtes binne-in my vermenigvuldig,
dan verkwik u vertroostinge my siel. - Maar die Trooster, die Heilige Gees, wat die Vader in my Naam sal stuur, Hy sal julle alles leer en sal julle herinner aan alles wat Ek vir julle gesê het.
- Salig is die wat treur,
want hulle sal vertroos word. - Maar Ek sê julle die waarheid: Dit is vir julle voordelig dat Ek weggaan; want as Ek nie weggaan nie, sal die Trooster nie na julle kom nie; maar as Ek weggaan, sal Ek Hom na julle stuur.
- En Ek sal die Vader bid, en Hy sal julle 'n ander Trooster gee om by julle te bly tot in ewigheid.
- Uit die benoudheid het ek die Here aangeroep;
die Here het my verhoor in die ruimte. - Ek is dit wat julle troos!
Wie is jy, dat jy bevrees is vir die mens wat moet sterwe,
en vir die mensekind wat oorgegee word soos gras? - Hulle sal nie meer honger en nie meer dors hê nie, en nooit sal die son of enige hitte op hulle val nie; want die Lam wat in die middel van die troon is, sal hulle laat wei en hulle na lewende waterfonteine lei, en God sal alle trane van hulle oë afvee.
- Want soos die lyde van Christus oorvloedig is in ons, so is ons troos ook oorvloedig deur Christus.
- Maar as die Trooster gekom het wat Ek vir julle van die Vader sal stuur, die Gees van die waarheid wat van die Vader uitgaan, sal Hy van My getuig.
- En mag die God van lydsaamheid en bemoediging aan julle gee om eensgesind onder mekaar te wees ooreenkomstig die wil van Christus Jesus.
