- Ndohlala ndimbonga uNdikhoyo;
andisayi kuyeka ukumdumisa. - Ndazibika kuNdikhoyo waza wandiva,
wandikhulula kuko konke ukoyika kwam. - Lwazibika udwayi, waluva uNdikhoyo,
walukhupha kuzo zonke iinkxwaleko zalo. - Khanibuxhamle ububele bukaNdikhoyo;
ngenene unoyolo umntu othembela ngoNdikhoyo! - Neengonyama ziyaswela zilambe,
kodwa abo bamfunayo uNdikhoyo akukho nto intle bayiswelayo. - Makazilumle ekuthetheni kakubi,
ayeke ukuthetha ubuxoki. - Makahlukane nobubi, enze okulungileyo;
makaphuthume uxolo, ahlale kulo. - Kaloku uNdikhoyo uwalusile amalungisa,
uyayiva imithandazo yawo. - Kodwa ubafulathele abenzi bobubi,
abaphanzise bangabi sakhunjulwa emhlabeni. - Uyaweva amalungisa akuzibika kuye,
awakhulule kuzo zonke iinzima zawo.
UNdikhoyo ukufuphi nâbo badakumbileyo,
ebaphakamisa abo baphelelwe lithemba. - Zininzi iingxaki ezivelela ilungisa,
kodwa uyalikhulula kuzo zonke uNdikhoyo. - UNdikhoyo wozihlangula izicaka zakhe;
bonke abakholose ngaye abayi kugwetywa.
Izihloko ezinxulumeneyo
Ukuphulaphula
Khumbulani le nto, zihlobo...
Usindiso
Usindiso lufumaneka ngaye kuphela...
Ububi
Musa ukoyiswa bububi; boyise...
Intsikelelo
Wanga angakuthi jize ngamathamsanqa...
Ukuthetha
Ukuthetha komntu kulawula ukuphila...
Ukufuna
Nondifuna nindifumane, xa nindifuna...
Ivesi yeBhayibhile yosuku
Awu, Thixo, zimaseka phezulu esibhakabhakeni;isidima nesihomo sakho masibe phezu kwehlabathi jikelele.