Iivesi zeBhayibhile malunga nenguqu

«»

• Ke kaloku thina sonke, sinobuso obutyhiliweyo, ubuqaqawuli beNkosi sibubona ngokungathi kusesibukweni. Ngoko ke siyaguqulwa sifane nayo ncam, sinesidima esiya sikhula. Yonke ke le nto ivela eNkosini ekwanguMoya.
  2 KWABASEKORINTE 3:18Umoya
• Musani ke ukuthatha isimilo sabantu beli phakade, kodwa iingqondo zenu maziguquke zihlaziyeke, nize niyivume intando kaThixo, yona ilungileyo, ikholekileyo, igqibeleleyo.
  KWABASEROMA 12:2ngokungenatyalaukuthobelaubomi
• Ngamana yanithundeza iNkosi, nimthande uThixo, nibe nenyameko efuze ekaKrestu.
  2 KWABASETESALONIKA 3:5uthandoukulandelauthembekile
• Nazi ke zona iziqhamo zoMoya: luthando, novuyo, noxolo; umonde, ububele, ukulunga, nentembeko; ubulali, nokuzeyisa. Awukho ke umthetho ochasa izinto ezinjengezi.
  KUMAGALATI 5:22-23umthethoUmoyaintsikelelo
• Ngoko ke yitshitshiseni iphele kuni imikhwa yeli hlabathi: ukurheletya, ukungcola, ukutshiseka, iinkanuko, nokunyoluka okukwalunqulo-zithixo.
  KWABASEKOLOSE 3:5isonoiminqwenoukuthanda izinto eziphathekayo
• Egameni leNkosi yethu uYesu Krestu ndiyanibongoza, mawethu, ukuba nivane, nithethe nto-nye, kungabikho zimbambano phakathi kwenu. Manyanani nibe luqilima, nimxhelo mnye, ninazimvo zinye.
  1 KWABASEKORINTE 1:10uluntuusaphongokungenatyala
• Ke yena othe wawasela amanzi endiya kumpha wona mna, soze anxanwe naphakade. Amanzi endiya kumnika wona, aya kuba ngumthombo ompompoza kuye, emnika obona bomi bungenasiphelo.
  UYOHANE 4:14ubomi obungunaphakadeukwamkela
• Ndithi sanukuzikrazula izinxibo,
  koko zisoleni kukrazuk' iintliziyo.
  Buyelani kuNdikhoyo uThixo wenu;
  kaloku yena unesisa kwanemfobe,
  uza kade umsindo,
  yimvuze-mvuze ngobubele;
  ewe, unebuyambo, akananqala.
  UJOWELI 2:13intliziyoubabalouthando
• Guqukani ke ngoko, nibuyele kuThixo, ukuze zicinywe izono zenu.
  UMSEBENZI WABATHUNYWA 3:19uguquloisonouxolelo
• Ngoku nisilahlileyo isimo esidala sanukuxokisana. Kaloku ngoku nambethe isimo esitsha, athe chu kuhle ukusihlaziya uThixo, ukuze sifuze yena mdali waso, nokuze nani nimazi ngokupheleleyo.
  KWABASEKOLOSE 3:9-10ukuxokaubomiuguqulo
• Kuba kaloku oko besisengama-athalala, uKrestu uthe ngexesha elimiswe nguThixo, wabafela abangamhloneliyo uThixo.
  KWABASEROMA 5:6umbingeleloUYesu
• Ukususela ngoko uYesu washumayela esithi: “Guqukani, kuba ulawulo lukaThixo lusemnyango.”
  UMATEWU 4:17UYesuuguquloukuvangela
• Wathi uPetros kubo: “Guqukani ezonweni zenu nonke ngabanye, nibhaptizwe egameni likaYesu Krestu, ukuze nixolelwe izono zenu, nize namkele isipho soMoya oyiNgcwele.”
  UMSEBENZI WABATHUNYWA 2:38uxoleloUmoyaubhaptizo