Iivesi zeBhayibhile malunga nenyaniso

«»

• Ngulowo uhambo ingenabala,
  owenza ubulungisa,
  ayithethe inyaniso engafihlisi.
  Ngulowo unganyelisiyo,
  ungamenziyo into embi uwabo,
  ungamhlebiyo ummelwana wakhe.
  INdumiso 15:2-3ngokungenatyalaukuhlebaukuxoka
• Bantwana bam, uthando lwethu malungabi lolomlomo nje kuphela, koko malube lolungahanahanisiyo, lubonakaliswa ngezenzo.
  1 KAYOHANE 3:18ukunyanisekaukuthetha
• Akukho nto indonwabisa njengokuva ukuba abantwana bam bahlala bethe ngcembe enyanisweni.
  3 KAYOHANE 1:4uvuyoabantwana
• Ke ngoko uYesu wathi kumaJuda abeke ithemba kuye: “Ukuba nithe nazingisa ukuhlala nisenza oko ndinifundisileyo, niya kuba ngabafundi bam benene. Niya kuyiqonda ke inyaniso; yaye inyaniso iya kunenza nikhululeke.”
  UYOHANE 8:31-32ILizwi likaThixoukulandelaukuba likhoboka
• Xa ke sithi sinobudlelane noThixo, kodwa sibe sihleli ebumnyameni, sithetha ubuxoki, nezenzo zethu azingqinelani nenyaniso.
  1 KAYOHANE 1:6isonoukunyanisekaukuxoka
• Mandiphethe ngelithi, mawethu, hlalani nicinga ngezinto eziyinyaniso nezindilekileyo nazo zonke izinto ezilungileyo nezinyulu, zonke ezithandekayo nezinesidima, nangezinto ezintle ngokupheleleyo kwanezincomekayo.
  KWABASEFILIPI 4:8ubulungisaiingcamangodumisani
• Waphendula uYesu wathi: “Ndim indlela, ndim inyaniso, ndim ubomi. Akukho namnye unokuya kuBawo engayi ngam.”
  UYOHANE 14:6UTataubomiumlamli
• Ndaweni yaloo nto inyaniso masiyithethe siqhutywa luthando, khon' ukuze siye simfuza uYesu ngokupheleleyo. Kaloku nguye intloko.
  KWABASE-EFESE 4:15uthandoUYesuicawa
• Zama kangangoko unako ukuba ukholeke kuThixo, ube ngumntu ongenadyudyu ngomsebenzi wakhe, uyifundisa ngokufanelekileyo inyaniso.
  2 KUTIMOTI 2:15ukunyanisekaumsebenzi
• Ndikhokelele enyanisweni yakho, undifundise.
  Kaloku nguwe, Thixo, umkhululi wam;
  ndihleli ndikulindele imini yonke.
  INdumiso 25:5ukufundaithembausindiso
• Umntu onengqondo uthetha amazwi afanelekileyo;
  kambe ke sona isikhohlakali sithetha amazwi akrwempayo.
  IZAFOBE 10:32ubulungisaukuthethaukuxoka
• Makazilumle ekuthetheni kakubi,
  ayeke ukuthetha ubuxoki.
  INdumiso 34:13ukuthethaububiukuxoka
• Ukukholwa ke kukuqiniseka ngezinto esinethemba lazo; kukwakukuqiniseka nangobukho bezinto esingaziboniyo.
  KUMAHEBHERE 11:1ukholoithemba
• Ndenze isigqibo sokuba ndinyaniseke;
  ndizimisele ukusithobela isigwebo sakho.
  INdumiso 119:30ukholoumthetho
• Yonke into ayithethayo uThixo ithembekile;
  ulikhaka kwabazimela ngaye.
  IZAFOBE 30:5ILizwi likaThixoukukhuselwa
• UThixo unguMoya; abo ke bamnqulayo kufuneka bamnqule ngoMoya benyanisekile.
  UYOHANE 4:24unquloUmoya
• Ngaphezu koko ke, mawethu, musani ukufunga xa nisenza isithembiso; nditsho nangezulu, umhlaba, nangantoni na. Xa nivuma yithini: “Ewe,” nithi: “Hayi,” xa nisala, kube kuphela, ukuze ningabi sesichengeni sokugwetywa.
  EKAYAKOBI 5:12ukunyanisekaukuthethaumgwebo
• Kodwa ke nina uKrestu unithambise ngoMoya oyiNgcwele. Ngalo lonke ixesha uMoya wakhe ehleli kuni anidingi kufundiswa mntu. Kaloku uMoya uyanifundisa yonke into, ibe ke imfundiso yakhe ayibobuxoki, yinyani. Ngoko ke yithobeleni imfundiso kaMoya, nize nihlale nimanyene noKrestu.
  1 KAYOHANE 2:27ukufundaukwamkela
• Wathi akuthanda uThixo wasizala ngokutsha ngelizwi lenyaniso, saza ke saba lulibo lwayo yonke indalo yakhe.
  EKAYAKOBI 1:18indaloubomi
• Siyazi ukuba uNyana kaThixo ufikile wasinika ukuqonda, ukuze simazi uThixo onguye ngenene. Thina simanywe nalowo unguThixo ngenene, kuba kaloku simanywe noNyana wakhe uYesu Krestu. Yena ke unguThixo ngenene; nguye obona bomi bungenasiphelo.
  1 KAYOHANE 5:20UYesuukuqondaubomi obungunaphakade
• UNdikhoyo uyamcaphukela umntu oxokayo,
  kodwa uyakholiswa ngonyanisekileyo.
  IZAFOBE 12:22ukuxokaukuthethaukunyaniseka
• Kaloku ilizwi likaNdikhoyo linyanisekile,
  nemisebenzi yakhe yonke inyanisekile.
  INdumiso 33:4ukuthembekaILizwi likaThixo
• Mabungabikho ubuxoki emlonyeni wakho,
  nentetho ekhohlisayo ibe kude lee emilebeni yakho.
  IZAFOBE 4:24ukuthethaukuxoka
• Uthando aluvuyiswa bububi, luvuyiswa yinyaniso. Uthando aluncami; lukholwa zizinto zonke, luthemba izinto zonke, lunyamezela izinto zonke.
  1 KWABASEKORINTE 13:6-7uthandoububiukukhuselwa
• Akukho nto ifihliweyo ingayi kudizwa, nanto igqunyiweyo ingayi kwaziwa.
  ULUKA 12:2ukunyaniseka