Iivesi zeBhayibhile malunga nokuzingca

«»

• Musani ukusunduzana. Izinto sanukuzenza ngokuzigwagwisa nangokuqhayisa. Ndaweni yaloo nto zithobeni, nibaphakamise kunani abanye abantu.
  KWABASEFILIPI 2:3ukuthobekaummelwane
• Makungabikho bani ufuna ukulungelwa yedwa; elowo makakhathalele nokwabanye.
  1 KWABASEKORINTE 10:24uthandoummelwane
• Uthando lunomonde, lunobubele. Uthando alunamona, alugwagwisi, lungakhukhumali. Uthando alugezi, alufuni okukokwalo, alunachuku, alunanzondo.
  1 KWABASEKORINTE 13:4-5uthandoumondeumsindo
• Ke apho kukho umona nokuzigwagwisa kuba nguqulukubhode nazo zonke iintlobo zeentlondi.
  EKAYAKOBI 3:16isonoububi
• Umntu ophayo uba nenkqubela;
  ukuba ùyabanceda abanye abantu nawe uya kuncedwa.
  IZAFOBE 11:25isisaukutyaukupha
• Koko masithi sonke ngabanye sikholise abamelwane bethu ezintweni ezilungileyo ezinokulukhulisa ukholo lwabo.
  KWABASEROMA 15:2ukhuthazoummelwane
• Umntu osisiyatha akanamdla wakuqonda nto –
  nto angxamele ukuyenza kukuvakalisa ezakhe iimbono.
  IZAFOBE 18:2ukuthethaubulumko
• Owesibini ke ngulo: ‘Uze umthande ummelwane wakho kanye ngale ndlela uzithanda ngayo nawe.’ Akukho myalelo wumbi ubalulekileyo kunalé mibini.
  UMARKO 12:31umthethouthandoummelwane
• Makungabikho namnye uzikhohlisayo. Ukuba ubani kuni uba usisilumko kweli hlabathi, makabe “sisidenge” ukuze abe sisilumko ngenene.
  1 KWABASEKORINTE 3:18ubulumkoumhlabaiingcamango
• Intliziyo yam mayinxanele imfundiso yakho
  ndaweni yokusukelana nenzuzo yobuqhophololo.
  INdumiso 119:36umthethoukubawaintliziyo
• Ngoko ke ayisendim ophilayo, nguKrestu ophilayo kum. Ubomi ke endibudlayo ngoku ndimanywe noNyana kaThixo, ndibudla ngokholo kulowo wandithandayo, wabuncama obakhe ubomi ngenxa yam.
  KUMAGALATI 2:20ukholoUMsindisiubomi
• Kodwa kum ukuphila akubalulekanga ngaphezu kokuba ndilufeze ubizo lwam, ndiwugqibe umsebenzi endawunikwa yiNkosi wokuvakalisa iindaba ezimnandi zesisa sikaThixo.
  UMSEBENZI WABATHUNYWA 20:24ubabaloukuvangelaubomi
• UYesu wasibizela kuye isihlwele kwanabafundi bakhe, wathi kubo: “Othanda ukundilandela makazincame, awuthwale umnqamlezo wakhe, andilandele.”
  UMARKO 8:34usindisoUYesuukulandela