Usindiso (2/4)

Noba ungade ungadubuli umkhiwane, umdiliya ungabi nazo neziqhamo, nokuba awungevelisi nto umnquma… UHABHAKUKI 3:17-18

XHO96

Noba ungade ungadubuli umkhiwane,
umdiliya ungabi nazo neziqhamo,
nokuba awungevelisi nto umnquma,
namasimi ngokwawo angabi nasivuno,
zingade zingabikho iigusha esibayeni,
nobuhlanti bungabi nazo nazinkomo,
ewe, khona kungade kube njalo,
kodwa mna ndochwayita kuNdikhoyo,
ndibe nemihlali kuThixo ondisindisayo.
UHABHAKUKI 3:17-18 uvuyo unqulo ukuvuna
Kum uxabisekile ke kambe;
yeka elo wonga, andikuthandi ngako!
Ndincam' izizwe ngenxa yakho;
ndinikezel' iintlanga, ndizuze wena.
UISAYA 43:4 uthando ukhuthazo ixabisekile
Kuba: “Lowo uzibika ebiza igama leNkosi wosindiswa.”
KWABASEROMA 10:13 uThixo unqulo
Ndisindiswa nguThixo, uliwonga lam.
UThixo yinqaba yam, ndizimela ngaye.
INdumiso 62:7 thembela uThixo
Ndim isango; othe wangena ngam wosindiswa. Wongena ephuma, atye anele.
UYOHANE 10:9 UYesu
Kaloku udaba lokufa kukaKrestu emnqamlezweni okunene lububudenge kwabatshabalalayo, kodwa kuthi, thina basindiswayo, lungamandla kaThixo.
1 KWABASEKORINTE 1:18 amandla ukubethelwa emnqamlezweni
Liya kuhlokoma ilizwi lesiphatha-zithunywa, sivakale nesandi sexilongo likaThixo, ize iNkosi ngokwayo ihle ezulwini. Bothi abo bafa bemanywe noKrestu bavuke kuqala, nathi ke baya kuba besaphila ngelo xesha sixhwilwe sidibane nabo emafini, size sihlangane neNkosi esibhakabhakeni. Ke siya kuhlala neNkosi njalo-njalo.
1 KWABASETESALONIKA 4:16-17 ukufa izulu iingelosi
Kaloku uThixo ihlabathi ulithande kangangokuba ude wancama uNyana okuphela kwakhe, ukuze wonke umntu ozinikele kuye ngokupheleleyo angatshabalali, koko abe nobona bomi bungenasiphelo.
UYOHANE 3:16 ubabalo ubomi obungunaphakade ukholo
Umntu omfumeneyo uNyana, ubufumene ubomi; kanti ke yena ongekamfumani uNyana kaThixo, akanabo ubomi.
1 KAYOHANE 5:12 UYesu ubomi
Ke lowo uzingisa kude kube sekupheleni wosindiswa.
UMATEWU 24:13 umonde
Ndiya kuninika intliziyo entsha, ndiniphe nomoya omtsha; ndiya kuyikhupha kuni intliziyo eqaqadeke okwelitye, ndininike intliziyo yentobeko.
UHEZEKILE 36:26 intliziyo Umoya
Ndiyakuthanda, Ndikhoyo, mandla am.
NguNdikhoyo iliwa lam; nguye inqaba yam; nguye umkhuseli wam.
Xa ndizimele ngoThixo wam ndihlala ndikhuselekile.
Nguye ikhaka lam, nguye ondigcina ndifihlakele.
INdumiso 18:1-2 amandla umhlawuleli
Esi sisizathu esibangela ukuba abe nako ukubasindisa ngokupheleleyo abo beza ngaye kuThixo, njengoko ehlala ehleli ebathethelela.
KUMAHEBHERE 7:25 ubomi obungunaphakade UMsindisi
Kaloku ngoKrestu uThixo wayelixolelanisa naye ngokwakhe ihlabathi, engasababeki tyala abantu ngezono zabo, waza wasiphathisa umsebenzi woxolelaniso.
2 KWABASEKORINTE 5:19 isono UYesu umhlaba
Ngoku ke, mawethu, ndithanda ukunikhumbuza ngeendaba ezimnandi zikaThixo endanishumayeza zona; ezo nazamkelayo, enimi nithe zinzi kuzo. Ludaba lukaThixo ke olo, enosindiswa ngalo ukuba nibambelele ngokuthe nkqi kulo ngale ndlela ndinishumayeza ngayo – ngele kokuba ke nafumana nakholwa lilize nje.
1 KWABASEKORINTE 15:1-2 ukholo ukuvangela
Kuba othe wafuna ukusindisa ubomi bakhe, wolahlekelwa bubo, kodwa othe wabuncama ubomi bakhe ngenxa yam, wobusindisa.
UMATEWU 16:25 ukufa ubomi
Ndiphilise, Ndikhoyo, ndiphile qete.
Ndisindise, khon' ukuze ndisinde.
Kaloku nguwe udumo lwam.
UJEREMIYA 17:14 ukugula dumisani ukuphilisa
Uyaweva amalungisa akuzibika kuye,
awakhulule kuzo zonke iinzima zawo.
UNdikhoyo ukufuphi nâbo badakumbileyo,
ebaphakamisa abo baphelelwe lithemba.
INdumiso 34:17-18 umhlawuleli ukusondela usizi
Kanti ke thina ikomkhulu lethu lisezulwini, apho silindele ngolangazelelo ukuba uya kuvela khona uMsindisi wethu, iNkosi uYesu Krestu.
KWABASEFILIPI 3:20 UYesu izulu
Isela lizele kuphela ukuba libe, lixhele, litshabalalise. Mna ndizele ukuba abantu babe nobomi, obona bupheleleyo.
UYOHANE 10:10 ubomi
Ulogxoth' izono zithi qelele kuthi
njengempumalanga nentshonalanga.
INdumiso 103:12 isono
Uthe ke akusulungeka wenziwa umthombo wosindiso olungapheliyo lwabo bamthobelayo.
KUMAHEBHERE 5:9 UMsindisi ubomi obungunaphakade ngokungenatyala
Kaloku ndiyazi ukuba ngemithandazo yenu, nangoncedo loMoya kaYesu Krestu ndiya kusinda.
KWABASEFILIPI 1:19 Umoya umthandazo
UNdikhoyo wozihlangula izicaka zakhe;
bonke abakholose ngaye abayi kugwetywa.
INdumiso 34:22 ubomi ukukhuselwa ukukhonza
Kaloku umgwebi wethu nguNdikhoyo;
ewe, uNdikhoyo yena uyasilawula.
Ikumkani yethu nguNdikhoyo;
nguye oya kusisindisa.
UISAYA 33:22 ubulungisa ubukumkani