Ditemana tša Bibele tša go bolela ka Go bolela
- Leleme le ka phedisa,
hape le ka bolaya,
ba ratang ho hehla
ba tla kotula tholwana tsa hona. - Motho ya molemo o ntsha ho molemo letlotlong le molemo la pelo ya hae, mme e mobe o ntsha ho hobe letlotlong le lebe la pelo ya hae, hobane molomo wa hae o bua se tletseng ka pelong ya hae.
- Mahlapa a se ke a tswa melomong ya lona, ho mpe ho tswe dipolelo tse molemo, tse ka thusang ho matlafatsa ba di utlwang, le ho ba tlisetsa lehlohonolo.
- Ya tshwarang leme la hae
o baballa bophelo ba hae,
ya phasolohang feela
yena o tla timela. - Se busetseng bobe ka bobe, kapa tlhapa ka tlhapa, empa le hlohonolofatse, hobane Modimo o le bitseditse ho ja lefa la mahlohonolo, hobane ho thwe.
- Leme le thabisang
ke fate sa bophelo,
empa le thetsang
le senya pelo ya motho. - Sethoto ha se kgutsitse
ho thwe se hlalefile,
se na le kutlwisiso
ha se tshwara leme la sona. - Ke a le bolella, lentswe le leng le le leng la bosawana leo batho ba le buang, ba tla ikarabella hodima lona ka letsatsi la kahlolo.
- Bana beso ba ratehang, tsebang hona: Motho ka mong eka kgona a utlwe kapele, empa a se ke a potlakela ho bua le ho halefa.
- Ya buang haholo
sebe se teng polelong tsa hae,
ya sa buabueng
yena ke motho ya bohlale. - Eba molomo
wa ba sa tsebeng ho ipuella,
o tseke tokelo
tsa bohle ba saretsweng. - Karabo e nepahetseng
e thabisa monga yona,
e tlang ka nako ya yona
e molemo hakaakang! - Ya arabang ka boikokobetso
o tima kgalefo,
empa polelo e kgahlapetsang
e baka bohale. - Bana ba ka, lerato la rona e se ke ya eba la mantswe kapa la leleme feela, empa e be la diketso le la nnete.
- Bohle re wela diphosong hangata. Haeba e mong a sa fose ka dipuo tsa hae, eo ke motho ya phethehileng, ya tsebang ho itshwara bothong bohle ba hae.
- Polelo tsa ya bohlale di a kgahleha,
athe tsa sethoto tsona
di a se timetsa. - Ya ratang ditshebo
o hlahatsa makunutu,
ya tshepahalang yena o na le sefuba. - Molomong o le mong ho tswa thoriso le thohako. Bana beso, ha ho a lokela ho ba jwalo.
- Molomong wa ka
ho tletse thoriso ya hao,
le tlotliso ya hao kamehla. - Ha ngwaneno a o sitetswe, eya, o mo nyatse le le inotshi. Haeba a o mamela, e tla ba o hapile pelo ya hae.
- Ka baka leo, tsohle tseo le di buileng lefifing di tla utlwahala leseding, le tseo le di nyenyeleditseng motho tsebeng dikamoreng tse kahare, di tla phatlalatswa dihlohlolong tsa matlo.
- Ebang sedi ho ba kantle, le sebedise monyetla oo le o fumanang. Kamehla dipolelo tsa lona e be tse mosa, tse nokilweng ka letswai, mme le ithute ho araba motho ka mong hantle.
- Ya sa rateng dikeletso
merero ya hae e a nyopa,
ya eletswang ke ba bangata
yena o a atleha. - Ha o bolela Morena Jesu ka molomo wa hao, mme o dumela ka pelong ya hao hore Modimo o mo tsositse bafung, o tla pholoswa.
- Ka mokgwa o jwalo Moya o re thusa bofokoding ba rona, hobane ha re tsebe ho rapela ka mokgwa o tshwanelang, empa Moya ka bowona o re rapella ka mefehelo e ke keng ya bolelwa.
Dihlogotaba tša go tswalana
Go sekama
Morena o hloile motho...
Sebe
Kapa na ha le...
Bohlale
Ke Morena ya fanang...
Lesebo
Motho ya kgopo o...
Nnete
Ke ya metsamao e...
Tšhegofatšo
Morena a le hlohonolofatse...
Temana ya Bibele ya lehono
Makaqabetsing a kaka ipiletsa ho Morena,
ka llela Modimo wa ka
hore a nthuse;
a utlwa lentswe la ka
a le ka tempeleng ya hae,
sello sa ka sa fihla tsebeng tsa hae.