Intsikelelo (3/4)

Phulaphulani ke, maSirayeli, ingaba yintoni afuna niyenze uNdikhoyo uThixo wenu? Ufuna nimhlonele… UHLAZIYO-MNQOPHISO 10:12-13

Phulaphulani ke, maSirayeli, ingaba yintoni afuna niyenze uNdikhoyo uThixo wenu? Ufuna nimhlonele, ningaphambuki endleleni yakhe. Ufuna nimthande, nimkhonze ngengqondo yenu yonke nangomoya wenu wonke, nithobele imiyalelo nemimiselo yakhe, le ndininika yona namhlanje ukuze kulunge kuni.
UHLAZIYO-MNQOPHISO 10:12-13 umthetho ukumoyika uthixo ukukhonza
Ukuthetha komntu kulawula ukuphila nokufa;
ke othetha kakhulu uvuna iziqhamo zaloo nto.
IZAFOBE 18:21 ukuthetha ukuzibamba ukuba nesiqhamo
Sinoyolo isizwe esiThixo unguNdikhoyo,
eso asinyule sangabantu bakhe.
INdumiso 33:12 uThixo ibuyiselo
Kodwa loo mntu uthi awucoselele ukuwugcina umthetho osinika inkululeko, lowo uthe rhoqo ukuhamba ngawo engaphulaphuli nje aze alibale, lowo wosikelelwa nguThixo ngokwenjenjalo.
EKAYAKOBI 1:25 umthetho ukuphulaphula ukuthobela
Banoyolo abo basezintsizini, kuba baya konwatyiswa nguThixo bona!
UMATEWU 5:4 usizi umthuthuzeli
Makabongwe uThixo, uYise weNkosi yethu uYesu Krestu osibabale ngazo zonke izipho zoMoya zasezulwini, sakuba simanywe noKrestu.
KWABASE-EFESE 1:3 dumisani izulu
Mhlonele uyihlo ndawonye nonyoko, khon' ukuze ube nokuzinza kwelo lizwe ndikunika lona mna Ndikhoyo Thixo wakho.
EYEMFUDUKO 20:12 uThixo usapho
Abo bathembekileyo ubathululela ingqiqo,
aze abe likhaka lâbo banyanisekileyo.
IZAFOBE 2:7 ubulungisa ukukhuselwa ngokungenatyala
Ndisisicaka sakho, Ndikhoyo, ndikhangele ngobubele;
ndihlangule ezintshabeni zam ngenxa yezibele zakho.
INdumiso 31:16 uthando usindiso ukukhanya
Ndikhoyo, uyabathamsanqela abakuthobelayo,
ubafukamele ngobubele ngathi bagqunywe ngekhaka.
INdumiso 5:12 ukukhuselwa ubulungisa
Phulaphula, nyana wam, uwathathele ingqalelo amazwi am,
uze udle ubomi iminyaka emininzi.
IZAFOBE 4:10 ILizwi likaThixo ukuthobela umthetho
Imibulelo neziqalekiso zimpompoza mlonyeni mnye. Mawethu, mayingenzeki le nto!
EKAYAKOBI 3:10 isono ukuthetha unqulo
Kuyintsikelelo ukukhumbula amalungisa,
kambe ke lona igama lezikhohlakali liyaphutha.
IZAFOBE 10:7 isono ubulungisa
UYesu ke waphuma nabafundi bakhe, wabasa ngaseBhetani; waza waphakamisa izandla zakhe, wabasikelela. Kwathi esabasikelela, wahlukana nabo, wanyuswa wasiwa ezulwini.
ULUKA 24:50-51 UYesu izulu ukunyuka
UNdikhoyo onamandla onke uthi: “Ukuba aniphulaphuli nizimisele ngeentliziyo zenu ukulihlonela igama lam, ndiya kunithumela ishwangusha, nentsikelelo yenu ndiyenze ibe lishwangusha. Ngenene sendiqalile ukunishwabulela ngenxa yokuba ningazimiselanga ukundihlonela ngeentliziyo zenu.”
UMALAKI 2:2 ukuthobela ukuphulaphula
Hay' uyolo lwabo baluxolelweyo ukreqo lwabo nguThixo,
abo bazono zabo zingcwatyiweyo.
INdumiso 32:1 isono uxolelo
Ngubani yena umntu, le nto umkhumbulelayo,
engubani yena unyana womntu, le nto umkhathalelayo?
INdumiso 8:4 ukuthobeka ubabalo
Xa nisenza ngokwemimiselo yam, niyithobela imiyalelo yam, ndiya kunipha imvula ngexesha, uze umhlaba wenu uvelise isivuno, nemithi ithwale iziqhamo.
EYONQULO 26:3-4 ukuthobela umthetho ukuvuna
Sisindise, siyakubongoza, Ndikhoyo!
Awu, siyatarhuzisa, Ndikhoyo; masiphumelele ngawe!
Banoyolo abangena ngegama likaNdikhoyo;
siyanithamsanqela thina sisendlwini kaNdikhoyo.
INdumiso 118:25-26 ipasika ukoyisa usindiso
Inzala yakho iza kuba ngangeenkwenkwezi ezisesibhaka-bhakeni, ndiyinike wonke lo mhlaba. Zonke iintlanga ziya kuthamsanqeliswa ngenzala yakho. Ndiza kukuthamsanqelisa, kuba uyihlo uAbraham wandithobela, wahamba ngokwemithetho nemiyalelo yam.
EYEZIQALO 26:4-5 ukuphulaphula ukuthobela umthetho
Ewe, unenyhweba umntu olulekwa nguThixo;
ngoko ke sukuyidela ingqeqesho kaSomandla!
UYOBI 5:17 isohlwayo ukubandezeleka
Hayi uyolo lwenu xa abantu bathe banithiya ngenxa yakhe uNyana woLuntu, benigxotha, beningcikiva, benihlamba okwabancanyiweyo.
ULUKA 6:22 intshutshiso ububi UYesu
Ngenxa yokuba ababelekisi bemoyika uThixo, uThixo wabavuza ngeentsapho.
EYEMFUDUKO 1:21 ukumoyika uthixo
Akuba ke uYobi ebathandazele abahlobo bakhe kuNdikhoyo, uNdikhoyo waphinda wambuyisela uYobi kundalashe. Ewe, ubutyebi bakhe wada wabuphinda-phinda.
UYOBI 42:10 umthandazo imali
Waphendula uYesu wathi: “Ndithi kuni, inene, akukho namnye ushiye indlu, nokuba ngabantakwabo, nokuba ngoodade wabo, nokuba ngunina, nokuba nguyise, nokuba ngabantwana, nokuba ngamasimi, ngenxa yam nangenxa yeendaba ezimnandi, ongayi kuthi amkele kalikhulu: izindlu, nabantakwabo, noodade wabo, noonina, nabantwana, namasimi, zikunye neentshutshiso kweli phakade; aze ke athi kwelizayo iphakade amkele ubomi obungunaphakade.”
UMARKO 10:29-30 ukuvangela intshutshiso ubomi obungunaphakade

Yonke imimiselo nemiyalelo yakhe endininike yona namhlanje yithobeleni, khon' ukuze liqaqambe ikamva lenu nezizukulwana zenu. Ngaloo ndlela ke niya kuma ngonaphakade kweli lizwe aniphe lona uNdikhoyo uThixo wenu.

Funda ngokugqithisileyo...