Ukuthembeka (2/4)

Kaloku uNdikhoyo uyakuthanda okulungileyo; akayi kubafulathela abantu bakhe. Wasoloko ebakhusela uNdikhoyo, kodwa… INdumiso 37:28

XHO96

Kaloku uNdikhoyo uyakuthanda okulungileyo;
akayi kubafulathela abantu bakhe.
Wasoloko ebakhusela uNdikhoyo,
kodwa yona inzala yamatshijolo iyanqunyulwa.
INdumiso 37:28 ubomi obungunaphakade ubulungisa uthembekile
UThixo ulihlathi nenqaba yethu;
ngexesha leenkathazo uluncedo oluhlala lulungile.
INdumiso 46:1 ukhuseleko ukukhuselwa
Masithi nca kwisivumo seli themba sinalo; kaloku unyanisekile lowo usithembisileyo.
KUMAHEBHERE 10:23 ithemba ukuvuma izithembiso
Noda niguge nibe ziingwevu
mna ndisengulowo unixhasayo.
Nenziwa ndim, ngoko ke ndonisingatha;
ewe, ndonigcina ndinihlangule.
UISAYA 46:4 izixhobo ukukhuselwa
Konke enikucelayo ngomthandazo nikholwa, nokwamkela.
UMATEWU 21:22 ukholo umthandazo
Niyabona, uNdikhoyo uba nani xa nani ningakuye. Xa nizondelela ukumfuna nomfumana; kodwa ke xa nithe namshiya, naye wonishiya.
2 YEZIGANEKO 15:2b ukufuna ukusondela
Qinani nikhaliphe, ningaxhali, ningabi nayo nedyudyu. Kaloku uNdikhoyo uThixo wenu ungakuni; soze arhoxe okanye anilahle.
UHLAZIYO-MNQOPHISO 31:6 uloyiko ukukhuselwa isibindi
IziBhalo kaloku zithi: “Lowo ukholwayo kuye akayi kudaniswa.”
KWABASEROMA 10:11 ILizwi likaThixo ukholo
UYesu Krestu lo wayizolo, usekwanguye nanamhla, nangomso, nanini nanini.
KUMAHEBHERE 13:8 UYesu
Bathembele ngawe, Ndikhoyo, bonke abakwaziyo;
kaloku akuzange ubafulathele abo bakufunayo.
INdumiso 9:10 thembela ukufuna
Nina bamthandayo uNdikhoyo, buthiyeni ububi;
kaloku yena uyabagcina abantu bakhe,
abahlangule esandleni sabantw' abakhohlakeleyo.
INdumiso 97:10 umhlawuleli ububi inkululeko
Kaloku ilizwi likaNdikhoyo linyanisekile,
nemisebenzi yakhe yonke inyanisekile.
INdumiso 33:4 ILizwi likaThixo inyaniso
Ekubulalekeni kukusebenza kukho umvuzo;
ke yena olibala kukuncokola wambathwa bubuhlwempu kuphela.
IZAFOBE 14:23 ukuthetha ukhuthazo ubuhlwempu
Kodwa ke, njengoko zitshoyo iziBhalo: “Nabani na othanda ukuqhayisa, makaqhayise ngento eyenziwe yiNkosi.” Kaloku umntu owamkelekileyo ngulowo unconywa yiNkosi, ingenguye ozincoma ngokwakhe.
2 KWABASEKORINTE 10:17-18 ikratshi
Yithi ke kubo: ‘Itsho iNgangalala enguNdikhoyo ukuthi: Akukho lizwi lam liza kulityaziswa; konke endikuthethileyo kuza kwenzeka! Nditshilo nje mna Nkosi Ndikhoyo nditshilo.’
UHEZEKILE 12:28 ILizwi likaThixo ukuthobela
NguNdikhoyo yedwa uThixo;
nguye kuphela osikhuselayo.
INdumiso 18:31 uThixo amandla
Xa ndandisendisithi ndiyoyisakala,
wandixhasa ngezibele zakho wena, Ndikhoyo.
INdumiso 94:18 uthando ukuxhomekeka
Makathi ntshoo phambili amehlo akho,
neenkophe zamehlo akho zithi ngqo.
IZAFOBE 4:25 ukunyaniseka ubulungisa
“Ewe, iintaba zingadilika,
ke zona iinduli zinyamalale,
kodwa izibele zothando lwam soze zinqamke kuwe,
nomnqophiso wam woxolo soze ushukume.”
Utsho ke yena uNdikhoyo okukhathaleleyo.
UISAYA 54:10 uthando uxolo umnqophiso
Akwambathise ngamaphiko akhe, akufihle ekhusini lakhe,
kube likhaka nekhuselo lakho ukuthembeka kwakhe.
INdumiso 91:4 ukukhuselwa ukhuseleko uthembekile
Ingca iyatshaza, yona ke intyatyambo ibune,
ke lona ilizwi loThixo wethu lohlala lihleli.
UISAYA 40:8 uThixo ILizwi likaThixo ubuhle
Wuphulaphule umthandazo wam, Ndikhoyo;
sive isikhungo sam.
Wena uthembekile, ulilungisa; nceda undiphendule.
INdumiso 143:1 ubulungisa umthandazo uthembekile
Ndikhoyo, senzele ububele nenceba,
njengoko kaloku sithembele kuwe.
INdumiso 33:22 thembela ithemba
Ndikhwebule kubuqhetseba nokuxoka;
mandingade ndibe sisityebi okanye ndihlwempuzeke,
nto nje ndiqhekezele isonka sam semihla ngemihla.
IZAFOBE 30:8 ukuthanda izinto eziphathekayo ukutya imali
Uthembekile uThixo, yena wanibizayo ukuba nibe nobudlelane noNyana wakhe uYesu Krestu iNkosi yethu.
1 KWABASEKORINTE 1:9 UYesu ubizo uThixo