Iivesi zeBhayibhile malunga noMhlawuleli

«»

• UNdikhoyo uThixo wakho unawe;
  uligorha elisindisayo.
  Yena unemihlali ngawe, enovuyo;
  uya kukuthulisa ngothando lwakhe;
  ugcoba ngawe eyiyizela.
  UZEFANIYA 3:17uThixouvuyoukucula
• Ndiyakuthanda, Ndikhoyo, mandla am.
  NguNdikhoyo iliwa lam; nguye inqaba yam; nguye umkhuseli wam.
  Xa ndizimele ngoThixo wam ndihlala ndikhuselekile.
  Nguye ikhaka lam, nguye ondigcina ndifihlakele.
  INdumiso 18:1-2usindisoamandla
• Nguye owazenza idini ngenxa yethu, wasikhupha ekudeleni umthetho. Wasenza abantu bakhe abanyulu, abalangazelela ukwenza okulungileyo.
  KUTITO 2:14umbingeleloukusulungekiswaukulunga
• UKrestu wasikhulula ukuze sibe ngabantu abakhululekileyo mpela! Ngoko ke yimani ngxishi ningahexi, ningavumi ukuphindela kwidyokhwe yobukhoboka.
  KUMAGALATI 5:1UYesuubomiukuba likhoboka
• Uyaweva amalungisa akuzibika kuye,
  awakhulule kuzo zonke iinzima zawo.
  UNdikhoyo ukufuphi nâbo badakumbileyo,
  ebaphakamisa abo baphelelwe lithemba.
  INdumiso 34:17-18usindisoukusondelausizi
• Ukundivukela kwakho ndikuphuthisile;
  isono sakho sithe shwaka okwenkungu.
  Buyela kum; ndim umkhululi wakho.
  UISAYA 44:22isonousindisouguqulo
• Ukuba ke uNyana uthe wanenza nakhululeka, noba ngabakhululekileyo mpela.
  UYOHANE 8:36UYesuinkululekoukuba likhoboka
• Ngoko ke àbagwetywa abo bamanywe noKrestu Yesu. Kaloku ngokumanywa kwam noKrestu Yesu, uMoya umniki-bomi undikhulule ekulawulweni sisono nakukufa.
  KWABASEROMA 8:1-2umthethoumgweboisohlwayo
• Zininzi iingxaki ezivelela ilungisa,
  kodwa uyalikhulula kuzo zonke uNdikhoyo.
  INdumiso 34:19ubulungisaukubandezelekainkululeko
• Nditsho ndanemihlali ngenxa kaNdikhoyo;
  umoya wam uyachulumacha ngoThixo wam.
  Kaloku undithe wambu ngomnweba wosindiso,
  ewe, yena undambathise isivatho sobulungisa,
  ndatsho ndanjengomyeni eqhoqhonye intloko yakhe njengombingeleli,
  ndanjengomtshakazi ozihombisa ngobuyoko-yoko bamaso.
  UISAYA 61:10ubulungisauvuyoumtshato
• Ndiya kumemelela ndinemincili,
  ndicule ngokuzimisela okukhulu
  ngenxa yokuba undihlangule.
  INdumiso 71:23unquloumphefumloukucula
• Ke mna ndonganyelwe nguMoya woMhlekazi uNdikhoyo,
  kuba kaloku uNdikhoyo undithambisile.
  Undithume ukubhengeza iindaba ezimnandi kumahlwempu,
  ndibophe abantliziyo zingamahlwili,
  ndibhengeze ukukhululeka kwabathinjwa,
  ndazise inkululeko kumabanjwa.
  UISAYA 61:1Umoyaithembainkululeko
• Úya kuzala unyana, ùmthiye igama elinguYesu, kuba nguye oya kubasindisa abantu bakhe ezonweni zabo.
  UMATEWU 1:21UYesukrisimesi
• Imihla yam isesandleni sakho;
  ndihlangule ezintshabeni zam nakwabanditshutshisayo.
  INdumiso 31:15intshutshisousindiso
• Ndikhoyo, ndizifihla kuwe, mandingadani konke!
  Wena lungisa, uzundihlangule!
  INdumiso 31:1ubulungisaukuxhomekeka
• Ngoku ke, nikhululwe nje esonweni, naba ngabakaThixo, ninaso isiqhamo esibubungcwele. Le nto ke ikhokelela ebomini obungunaphakade.
  KWABASEROMA 6:22inkululekoisonoubungcwele
• Nina bamthandayo uNdikhoyo, buthiyeni ububi;
  kaloku yena uyabagcina abantu bakhe,
  abahlangule esandleni sabantw' abakhohlakeleyo.
  INdumiso 97:10ukuthembekaububiinkululeko
• Khawuncede usisindise, Thixo wethu,
  ngenxa yesidima segama lakho.
  Sihlangule usixolele amatyala ethu ngenxa yegama lakho.
  INdumiso 79:9usindisounquloisono
• Ndathi: “Mhlekazi, ndihlangule
  kumaxoki nakubakhohlisi.”
  INdumiso 120:2ukuthethaumphefumloukuxoka