- Julle noem My Meester en Here, en julle is reg, want Ek is dit.
- As Ek dan, die Here en die Meester, julle voete gewas het, is julle ook verplig om mekaar se voete te was.
- Voorwaar, voorwaar Ek sê vir julle, 'n dienskneg is nie groter as sy heer nie, en 'n gesant is ook nie groter as die een wat hom gestuur het nie.
- Voorwaar, voorwaar Ek sê vir julle, wie iemand ontvang wat Ek stuur, ontvang My; en wie My ontvang, ontvang Hom wat My gestuur het.
- 'n Nuwe gebod gee Ek julle, dat julle mekaar moet liefhê; soos Ek julle liefgehad het, moet julle ook mekaar liefhê.
- Hieraan sal almal weet dat julle my dissipels is, as julle liefde onder mekaar het.
Bybelvers van die dag
U sal my die pad van die lewe bekend maak;versadiging van vreugde is voor u aangesig,
lieflikhede in u regterhand, vir ewig.