Bybelverse oor Woord van God

Die hele Skrif is deur God ingegee en is nuttig tot lering… 2 Timoteus 3:16-17

AFR53

Die hele Skrif is deur God ingegee en is nuttig tot lering, tot weerlegging, tot teregwysing, tot onderwysing in die geregtigheid, sodat die mens van God volkome kan wees, vir elke goeie werk volkome toegerus.
2 Timoteus 3:16-17 lewe toerusting dien
Want die woord van God is lewend en kragtig en skerper as enige tweesnydende swaard, en dring deur tot die skeiding van siel en gees en van gewrigte en murg, en is 'n beoordelaar van die oorlegginge en gedagtes van die hart.
Hebreërs 4:12 krag gedagtes
U woord is 'n lamp vir my voet
en 'n lig vir my pad.
Psalm 119:105 lig
En word daders van die woord en nie net hoorders wat julleself bedrieg nie.
Jakobus 1:22 gehoorsaamheid luister
Waarmee sal die jongeling sy pad suiwer hou?
Deur dit te hou na u woord.
Psalm 119:9 heiligheid toerusting
En Hy sê: Ja, maar salig is hulle wat die woord van God hoor en dit bewaar.
Lukas 11:28 lewe luister
Die gras verdor, die blom verwelk;
maar die woord van onse God hou stand in ewigheid.
Jesaja 40:8 betroubaarheid God skoonheid
Die weg van God is volmaak;
die woord van die Here is gelouter;
Hy is 'n skild vir almal
wat by Hom skuil.
Psalm 18:31 onberispelik beskerming
Elkeen dan wat na hierdie woorde van My luister en dit doen, hom sal Ek vergelyk met 'n verstandige man wat sy huis op die rots gebou het.
Matteus 7:24 wysheid luister gedagte
Die hemel en die aarde sal verbygaan, maar my woorde sal nooit verbygaan nie.
Matteus 24:35 betroubaarheid hemel eindtye
Doen alles sonder murmurering en teëspraak, sodat julle onberispelik en opreg kan wees, kinders van God sonder gebrek te midde van 'n krom en verdraaide geslag onder wie julle skyn soos ligte in die wêreld, deurdat julle die woord van die lewe vashou.
Filippense 2:14-16a heiligheid lewe onberispelik
Die opening van u woorde gee lig;
dit maak die eenvoudiges verstandig.
Psalm 119:130 begrip lig
Maar Hy antwoord en sê: Daar is geskrywe: Die mens sal nie van brood alleen lewe nie, maar van elke woord wat deur die mond van God uitgaan.
Matteus 4:4 kos luister brood
IN die begin was die Woord, en die Woord was by God, en die Woord was God.
Johannes 1:1 God
Want die woord van die Here is reg,
en al sy werk is met trou.
Psalm 33:4 betroubaarheid waarheid
Hy wat in My glo, soos die Skrif sê: strome van lewende water sal uit sy binneste vloei.
Johannes 7:38 geloof lewe
En verlang sterk soos pasgebore kindertjies na die onvervalste melk van die woord, dat julle daardeur kan opgroei.
1 Petrus 2:2 redding kos wedergeboorte
Deur God sal ek sy woord prys;
ek vertrou op God, ek vrees nie;
wat kan vlees my doen?
Psalm 56:5 vertrou vrees prys
En Jesus sê vir die Jode wat in Hom geglo het: As julle in my woord bly, is julle waarlik my dissipels. En julle sal die waarheid ken, en die waarheid sal julle vrymaak.
Johannes 8:31-32 waarheid volgende verslawing
Want die Here gee wysheid,
uit sy mond kom kennis en verstand.
Spreuke 2:6 wysheid
U is my skuilplek en my skild;
op u woord wag ek.
Psalm 119:114 hoop beskerming
So sal my woord wees wat uit my mond uitgaan:
dit sal nie leeg na My terugkeer nie,
maar doen wat My behaag
en voorspoedig wees in alles waartoe Ek dit stuur.
Jesaja 55:11 praat betroubaarheid vrugbaarheid
Daarom, doen afstand van alle vuiligheid en oorvloed van boosheid, en ontvang met sagmoedigheid die ingeplante woord, wat in staat is om julle siele te red.
Jakobus 1:21 redding bose omskakeling
My seun, luister na wat ek sê,
neig jou oor tot my woorde,
laat hulle nie wyk uit jou oë nie,
bewaar hulle binne-in jou hart.
Spreuke 4:20-21 luister hart gehoorsaamheid
Ook het U my die skild van u uitredding gegee,
en u regterhand het my ondersteun,
en u neerbuigende goedheid het my groot gemaak.
U het my voetstap ruim gemaak onder my,
en my enkels het nie gewankel nie.
Psalm 18:36-37 redding beskerming