Bybelverse oor Vrede
- Die Here sal jou seën en jou behoed;
die Here sal sy aangesig oor jou laat skyn en jou genadig wees;
die Here sal sy aangesig oor jou verhef en aan jou vrede gee. - Dit het Ek vir julle gesê, dat julle in My vrede kan hê. In die wêreld sal julle verdrukking hê; maar hou goeie moed, Ek het die wêreld oorwin.
- Wees oor niks besorg nie, maar laat julle begeertes in alles deur gebed en smeking met danksegging bekend word by God. En die vrede van God, wat alle verstand te bowe gaan, sal julle harte en julle sinne bewaar in Christus Jesus.
- Vrede laat Ek vir julle na, my vrede gee Ek aan julle; nie soos die wêreld gee, gee Ek aan julle nie. Laat julle hart nie ontsteld word en bang wees nie.
- En mag Hy, die Here van die vrede, julle altyd vrede gee op allerlei wyse! Mag die Here met julle almal wees!
- Salig is die vredemakers,
want hulle sal kinders van God genoem word. - Want wie die lewe wil liefhê en goeie dae wil sien, moet sy tong bewaar vir wat verkeerd is, en sy lippe dat hulle geen bedrog spreek nie. Hy moet afwyk van wat verkeerd is, en doen wat goed is; hy moet vrede soek en dit najaag.
- Ek wil in vrede gaan lê en meteens aan die slaap raak;
want U, o Here, alleen laat my in veiligheid woon. - U sal 'n standvastige gesindheid in volle vrede bewaar,
want hulle vertrou op U. - En laat die vrede van God, waartoe julle ook in een liggaam geroep is, in julle harte heers, en wees dankbaar.
- Verdra mekaar en vergewe mekaar as die een teen die ander 'n klag het; soos Christus julle vergeef het, so moet julle ook doen.
- Mag barmhartigheid en vrede en liefde vir julle vermenigvuldig word!
- Die lankmoedige is beter as 'n held;
en hy wat sy gees beheers, as een wat 'n stad inneem. - Wyk af van wat verkeerd is, en doen wat goed is;
soek die vrede en jaag dit na. - En die vrug van die geregtigheid word gesaai in vrede vir die wat vrede maak.
- Jaag die vrede na met almal, en die heiligmaking waarsonder niemand die Here sal sien nie.
- En ernstig strewe om die eenheid van die Gees te bewaar deur die band van die vrede.
- Die wat u wet liefhet, het groot vrede,
en vir hulle is daar geen struikelblok nie. - Maar die wysheid van bo is ten eerste rein, dan vredeliewend, vriendelik, geseglik, vol barmhartigheid en goeie vrugte, onpartydig en ongeveins.
- Laat staan en weet dat Ek God is;
Ek sal hoog wees onder die nasies, hoog op die aarde. - En wat julle geleer en ontvang en gehoor en in my gesien het, doen dit, en die God van vrede sal met julle wees.
- Want wat die vlees bedink, is die dood, maar wat die Gees bedink, is lewe en vrede.
- Die Here sal sy volk sterkte gee,
die Here sal sy volk seën met vrede. - HOE lieflik is op die berge die voete van hom
wat die goeie boodskap bring,
wat vrede laat hoor,
wat goeie tyding bring,
wat verlossing uitroep;
wat aan Sion sê: Jou God is Koning! - Dit is 'n eer vir 'n man om van twis weg te bly,
maar elke sot breek los.
Bybelvers van die dag
Want my gedagtes is nie julle gedagtes nie,en julle weë is nie my weë nie, spreek die Here.