Andinin-teny ao amin'ny Baiboly momba ny fiadanana

«»

• Hitahy anao anie Jehovah ka hiaro anao;
  Hampamirapiratra ny tavany aminao anie Jehovah ka hamindra fo aminao;
  Hanandratra ny tavany aminao anie Jehovah ka hanome anao fiadanana.
  Nomery 6:24-26 fahasoavana fitahiana fahazavana
• Izany teny izany efa nolazaiko taminareo mba hanananareo fiadanana amiko. Atỳ amin'izao tontolo izao no ahitanareo fahoriana; nefa matokia; Izaho efa naharesy izao tontolo izao.
  Jaona 16:33 fankaherezana fandresena izao tontolo izao
• Aza manahy na inona na inona; fa aoka ny fivavahana sy ny fifonana mbamin'ny fisaorana no ho entinareo manambara ny fangatahanareo amin'Andriamanitra amin'ny zavatra rehetra. Ary ny fiadanan'Andriamanitra, izay mihoatra noho ny fahalalana rehetra, hiaro ny fonareo sy ny hevitrareo ao amin'i Kristy Jesosy.
  Filipiana 4:6-7 fankasitrahana fivavahana ahiahy
• Fiadanana no avelako ho anareo, ny fiadanako no omeko anareo; tsy tahaka ny fanomen'izao tontolo izao no fanomeko anareo. Aza malahelo na matahotra ny fonareo.
  Jaona 14:27 fankaherezana ahiahy izao tontolo izao
• Ary ny Tompon'ny fiadanana anie hanome anareo fiadanana mandrakariva amin'ny zavatra rehetra. Ho aminareo rehetra anie ny Tompo.
  2 Tesaloniana 3:16 manodidina
• Sambatra ny mpampihavana;
  fa izy no hatao hoe zanak'Andriamanitra.
  Matio 5:9 fitahiana zaza
• Fa na iza na iza maniry fiainana sy ta-hahita andro soa, Aoka izy hiaro ny lelany amin'ny ratsy Ary ny molony mba tsy hiteny fitaka; Ary aoka izy hiala amin'ny ratsy ka hanao soa; Aoka izy hitady fihavanana sy hanaraka azy.
  1 Petera 3:10-11 fitiavana fiainana lainga
• Handry amin'ny fiadanana aho, ka dia hatory miaraka amin'izay,
  satria Hianao, Jehovah ô, no mampitoetra ahy mitokana irery tsy manana ahiahy.
  Salamo 4:8 filaminana fitsaharana
• Ny saina tsy miovaova dia harovanao
  ao amin'ny fiadanana tanteraka,
  satria matoky Anao izy.
  Isaia 26:3 fahatokisana filaminana
• Ary aoka hanapaka ao am-ponareo ny fiadanan'i Kristy, fa ho amin'izany no niantsoana anareo ho tena iray; ary aoka ho feno fisaorana ianareo.
  Kolosiana 3:15 Jesosy fankasitrahana vatana
• Hampitomboina ho anareo anie ny famindram-po sy ny fiadanana ary ny fitiavana.
  Joda 1:2 fitiavana fitahiana
• Mifandefera, ka mifamelà heloka ianareo, raha misy manana alahelo amin'ny sasany; tahaka ny namelan'ny Tompo ny helokareo no aoka mba hamelanareo heloka kosa.
  Kolosiana 3:13 famelàn-keloka manaraka fampihavanana
• Tsara ny mahatsindry fo noho ny mahery,
  Ary izay mahazaka ny fanahiny noho izay mahafa-bohitra.
  Ohabolana 16:32 faharetana fifehezan-tena
• Halaviro ny ratsy, manaova soa;
  mitadiava fihavanana, ka araho izany.
  Salamo 34:14 faharatsiana hatsaram-panàhy sampy
• Ary ny vokatry ny fahamarinana dia afafy amin'ny fihavanana ho an'izay mampandroso ny fihavanana.
  Jakoba 3:18 rariny fijinjana mamoa
• Miezaha mitady fihavanana amin'ny olona rehetra ary fahamasinana; fa izay. tsy manam-pahamasinana dia tsy hahita ny Tompo.
  Hebreo 12:14 fahamasinana fiainana fampihavanana
• Mazoto mitana ny firaisana avy amin'ny Fanahy amin'ny fehim-pihavanana.
  Efesiana 4:3 Fanahy fiaraha-monina
• Be fiadanana izay tia ny lalànao,
  Ary tsy misy mahatafintohina azy.
  Salamo 119:165 lalàna
• Fa ny fahendrena izay avy any ambony dia madio aloha, ary tia fihavanana, mandefitra, mora alahatra, be famindram-po sy be voka-tsoa, tsy miahanahana na mihatsaravelatsihy.
  Jakoba 3:17 fanaovana ny marina fahendresena
• Mitsahara, ka aoka ho fantatrareo fa Izaho no Andriamanitra;
  hisandratra amin'ny firenen-tsamy hafa Aho,
  hisandratra amin'ny tany Aho.
  Salamo 46:10 Andriamanitra
• Ataovy izay efa nianaranareo sy efa noraisinareo ary efa renareo sy efa hitanareo tamiko; ary ho aminareo ny Andriamanitry ny fiadanana.
  Filipiana 4:9 mihaino mianatra
• Fa ny fihevitry ny nofo dia fahafatesana; fa ny fihevitry ny Fanahy kosa fiainana, sy fiadanana.
  Romana 8:6 Fanahy fiainana
• Jehovah hanome hery ny olony;
  Jehovah hitahy ny olony amin'ny fiadanana.
  Salamo 29:11 tanjaka fitahiana
• Akory ny hatsaran'ny tongotr'iry mitondra teny soa mahafaly erỳ an-tendrombohitra sady mitory fiadanana! Dia izay mitondra teny soa mahafaly sady mitory famonjena, eny, izay manao amin'i Ziona hoe: Mpanjaka Andriamanitrao!
  Isaia 52:7 famonjena fanjakana
• Voninahitry ny olona ny hanalavitra ny ady;
  Fa ny adala rehetra kosa misafoaka.
  Ohabolana 20:3 lahateny hatezerana