Andinin-teny ao amin'ny Baiboly momba ny hatsaram-panàhy

«»

• Ary aoka samy halemy fanahy amin'ny namany avy ianareo, ka hifampiantra sy hifamela heloka, tahaka ny namelan'Andriamanitra ny helokareo ao amin'i Kristy.
  Efesiana 4:32famelàn-kelokamamindra fofampihavanana
• Koa araka ny ananantsika andro hanaovana, dia aoka isika hanao soa amin'ny olona rehetra, indrindra fa amin'ny mpianakavin'ny finoana.
  Galatiana 6:10fahamoram-panahymanarakafinoana
• Tsara Jehovah,
  fiarovana mafy amin'ny andro fahoriana,
  Ka mahalala izay mialoka aminy.
  Nahoma 1:7fiarovanafilaminanafahatokisana
• Aza mety ho resin'ny ratsy ianao, fa reseo amin'ny soa ny ratsy.
  Romana 12:21faharatsianafandresenasampy
• Marina Jehovah amin'ny lalany rehetra,
  Sady mamindra fo amin'ny asany rehetra.
  Salamo 145:17fitokisanararinymahatoky
• Raha izay re aho no tsy nanantena hahita ny fahasoavan'i Jehovah
  amin'ny tanin'ny velona.
  Salamo 27:13fahatokisana
• Aoka ny fitiavana ho amin'ny tsi-fihatsaram-belatsihy; mankahalà ny ratsy; mifikira amin'ny tsara.
  Romana 12:9fitiavanafaharatsiana
• Fa ny vokatry ny Fanahy kosa dia fitiavana, fifaliana, fiadanana, fahari-po fahamoram-panahy, fanaovan-tsoa, fahamarinana, fahalemem-panahy, fahononam-po; tsy misy lalàna manohitra izany.
  Galatiana 5:22-23lalànaFanahyfitahiana
• Ny zavatra rehetra azo atao, nefa tsy ny zavatra rehetra no mahasoa; ny zavatra rehetra azo atao, nefa tsy ny zavatra rehetra no mampandroso.
  1 Korintiana 10:23lalànararinyhanina
• Koa noho izany dia manaova izay zotom-po rehetra kosa ianareo, ka amin'ny finoanareo dia manehoa fahatanjahan-tsaina, ary amin'ny fahatanjahan-tsainareo dia fahalalana, ary amin'ny fahalalanareo dia fahononam-po, ary amin'ny fahononam-ponareo dia faharetana, ary amin'ny faharetanareo dia toe-panahy araka an'Andriamanitra, ary amin'ny toe-panahinareo araka an'Andriamanitra dia fitiavana ny rahalahy, ary amin'ny fitiavanareo ny rahalahy dia fitiavana ny olona rehetra.
  2 Petera 1:5-7finoanafifehezan-tenafandraisana
• Ary koa, tsy misy olona mandrehitra jiro ka mametraka azy ao ambanin'ny vata famarana, fa apetrany eo amin'ny fanaovan-jiro, ka dia mazava amin'izay rehetra ao an-trano izany. Aoka hazava eo imason'ny olona toy izany koa ny fahazavanareo, mba hahitany ny asa soa ataonareo ka hankalazany ny Rainareo Izay any an-danitra.
  Matio 5:15-16fitoriana ny filazantsarafiankohofanafahazavana
• Ary Andriamanitra mahay mampitombo ny fahasoavana rehetra aminareo, mba hanananareo ny onony rehetra mandrakariva amin'ny zavatra rehetra, ka hitombo amin'ny asa tsara rehetra.
  2 Korintiana 9:8fitahianaahiahyasa
• Matokia an'i Jehovah ianao, ka manaova soa,
  dia honina amin'ny tany ianao ka ho faly amin'ny fahamarinana.
  Salamo 37:3fahatokisanafilaminana
• Fifaliana amin'ny olona ny manisy soa;
  Ary aleo ho malahelo toy izay ho mpandainga.
  Ohabolana 19:22fitokisanavolafahantrana
• Halaviro ny ratsy, manaova soa;
  mitadiava fihavanana, ka araho izany.
  Salamo 34:14faharatsianafiadananasampy
• Ary iza no hanisy ratsy anareo, raha mazoto amin'izay tsara ianareo?
  1 Petera 3:13faharatsianaasa
• Aoka ho mpamindra fo ianareo mba ho tahaka ny Rainareo, Mpamindra fo.
  Lioka 6:36manarakaRay
• Aoka tsy haloaky ny vavanareo izay teny maloto, fa izay tsara ho fampandrosoana, araka izay tokony hanaovana, mba hahazoan'ny mihaino fahasoavana.
  Efesiana 4:29lahatenyfitabatabana
• Tsarovy ny antranao sy ny indrafonao, Jehovah ô,
  fa hatrizay hatrizay ireny.
  Aza ny fahotan'ny fahatanorako,
  na ny ratsy nataoko, no tsarovanao;
  fa aoka ho araka ny famindram-ponao no hahatsiarovanao ahy,
  noho ny fahasoavanao Jehovah ô.
  Salamo 25:6-7fahotanafamindram-po
• Izao no lazain'i Jehovah:
  Mijanona eo an-dalana ianareo, ka izahao,
  ary anontanio izay lalana masaka hatry ny ela.
  Dia izay lalana mankany amin'ny tsara, ka iny no izory,
  dia hahita fitsaharana ho an'ny fanahinareo ianareo;
  Nefa hoy izy: Tsy hizotra izahay.
  Jeremia 6:16fitsaharanaaina
• Aza mety hofitahina ianareo; ny fikambanana amin'ny ratsy manimba ny fitondran-tena tsara.
  1 Korintiana 15:33faharatsiananamana
• Ary amin'izay dia ho fantatrao ny fahamarinana sy ny rariny
  Ary ny hitsiny, dia ny lalana tsara rehetra.
  Ohabolana 2:9rarinyfanaovana ny marina
• Izay nanolotra ny tenany hamonjy antsika, mba hanavotany antsika ho afaka amin'ny ota rehetra, sy hanadiovany izay olona ho an'ny tenany, sady ho mazoto indrindra amin'ny asa tsara izany.
  Titosy 2:14soronafanadiovanafahotana
• Ary toy izany koa ny vehivavy, hiravaka amin'ny fitafiana mahamendrika mbamin'ny fahamaotinana sy ny fahononan-tena, fa tsy amin'ny volo mirandrana sy ny volamena, na vato soa, na fitafiana saro-bidy, fa amin'ny asa tsara, araka izay mahamendrika ny vehivavy manaiky ny fivavahana amin'Andriamanitra.
  1 Timoty 2:9-10hatsàrafiankohofanafitiavan-karena
• Fa ny vokatry ny mazava dia ao amin'ny fahatsarana rehetra sy ny fahamarinana ary ny fahitsiana.
  Efesiana 5:9fahazavanararinyfahamarinana