Andinin-teny ao amin'ny Baiboly momba ny Fiarovana

«»

• Tafio avokoa ny fiadian'Andriamanitra, mba hahazoanareo hifahatra amin'ny fanangolen'ny devoly.
  Efesiana 6:11 fitaovana faharatsiana sampy
• Hianao no fiereko,
  miaro ahy tsy ho azon'ny fahoriana Hianao;
  fihobiam-pamonjena no ahodidinao ahy.
  Salamo 32:7 fifaliana filaminana mihira
• Andriamanitra no aro sy hery ho antsika;
  Mpamonjy mora azo indrindra amin'ny fahoriana Izy.
  Salamo 46:1 fitokisana filaminana
• Mahereza sy matanjaha; aza matahotra na manahy azy; fa Jehovah Andriamanitrao no miara-mandeha aminao; tsy handao anao na hahafoy anao Izy.
  Deotoronomia 31:6 fitokisana tahotra herim-po
• Ny fiadiana rehetra izay voaforona hamelezana anao dia tsy hisy hambinina, ary ny lela rehetra izay miady aminao dia horesenao lahatra. Izany no lovan'ny mpanompon'i Jehovah sy fahamarinany avy amiko, hoy Jehovah.
  Isaia 54:17 rariny fitsarana sampy
• Ka dia sahy manao hoe isika: "Jehovah no Mpamonjy ahy, ka tsy hatahotra aho; Inona no azon'ny olona atao amiko?"
  Hebreo 13:6 fahatokisana tahotra
• Omenao ahy ny ampingan'ny famonjenao;
  ny tananao ankavanana no manohana ahy,
  ary ny fahamoram-panahinao no mahalehibe ahy.
  Halalahinao ny lalana hodiaviko,
  ka tsy mangovitra ny hato-tongotro.
  Salamo 18:35-36 famonjena Tenin'Andriamanitra
• Arovy aho, Andriamanitra ô, fa mialoka aminao aho.
  Salamo 16:1 fahatokisana fiankinan-doha
• Jehovah hiady ho anareo, fa ianareo kosa hangina.
  Eksodosy 14:14 faharetana fiankinan-doha ady ara-panahy
• Jehovah no miandany amiko, ka tsy hatahotra aho.
  Inona no azon'ny olona atao amiko?
  Salamo 118:6 tahotra
• Fiereko sy ampingako Hianao;
  Ny teninao no andrasako.
  Salamo 119:114 fanantenana Tenin'Andriamanitra
• Mahay ny zavatra rehetra aho ao amin'ilay mampahery ahy.
  Filipiana 4:13 Andriamanitra tanjaka fahalemena
• Na dia mandra-pahantitrareo aza, dia tsy miova Aho, ary mandra-pahafotsy volonareo, dia Izaho ihany no hisahirana mitondra anareo. Izaho no nanao, ka Izaho ihany no hitrotro, eny, izaho no hitondra sy hanafaka.
  Isaia 46:4 fitokisana fitaovana
• Raha ny amin'Andriamanitra, dia marina ny lalany;
  ny tenin'i Jehovah dia voazaha toetra amin'ny memy;
  Jehovah no ampingan'izay rehetra mialoka aminy.
  Salamo 18:30 lafatra Tenin'Andriamanitra
• Ny volon'elany no anaronany anao,
  Ary ao ambanin'ny elany no hialofanao;
  Ho ampinga kely sy ampinga lehibe ny fahamarinany.
  Salamo 91:4 fitokisana filaminana mahatoky
• Fa izaho kosa dia hihira ny herinao,
  ary hihoby ny famindram-ponao nony maraina,
  satria fiarovana avo ho ahy Hianao,
  ary fandosirako amin'ny andro fahoriana.
  Salamo 59:16 fitokisana tanjaka mihira
• Tandremo ny fonao mihoatra noho izay rehetra tokony hotandremana;
  Fa avy ao aminy no ihavian'ny aina.
  Ohabolana 4:23 fiainana fo eritreritra
• Inona ary no holazaintsika ny amin'izany zavatra izany? Raha Andriamanitra momba antsika, iza no hahatohitra antsika?
  Romana 8:31 Andriamanitra fankaherezana
• Kanjo Hianao, Jehovah ô, no ampinga manodidina ahy,
  Voninahitro sy mpanandratra ny lohako.
  Salamo 3:3 fiankinan-doha fandresena
• Ary ataonao va fa tsy mahazo mangataka amin'ny Raiko Aho, dia haniraka anjely tsy omby roa ambin'ny folo legiona ho etỳ amiko Izy ankehitriny?
  Matio 26:53 Jesosy anjely Ray
• Ataoko eo anatrehako mandrakariva Jehovah,
  fa eo an-kavanako Izy, ka dia tsy hangozohozo aho.
  Salamo 16:8 fiankinan-doha fitaovana
• Tsara ny mialoka amin'i Jehovah
  Noho ny mialoka amin'ny olona.
  Salamo 118:8 fahatokisana filaminana
• Ny tenin'Andriamanitra dia voadio avokoa;
  Ampinga ho an'izay mialoka aminy Izy.
  Ohabolana 30:5 fahamarinana Tenin'Andriamanitra
• Ny anaran'i Jehovah dia tilikambo mafy;
  Ny marina miezaka ho ao aminy ka voavonjy.
  Ohabolana 18:10 Andriamanitra filaminana
• Ary ny Tompo hanafaka ahy amin'ny asa ratsy rehetra ka hamonjy ahy ho any amin'ny fanjakany any an-danitra; ho Azy anie ny voninahitra mandrakizay mandrakizay. Amena.
  2 Timoty 4:18 faharatsiana lanitra fiankohofana