Andinin-teny ao amin'ny Baiboly momba ny fihirana

«»

• Fa izaho kosa dia hihira ny herinao,
  ary hihoby ny famindram-ponao nony maraina,
  satria fiarovana avo ho ahy Hianao,
  ary fandosirako amin'ny andro fahoriana.
  Salamo 59:16fitokisanatanjakafiarovana
• Fa tsara noho ny aina ny famindram-ponao;
  ny molotro hidera Anao.
  Toy izany no hisaorako Anao, raha mbola velona koa aho;
  amin'ny anaranao no hanandratako ny tanako.
  Salamo 63:3-4fitiavanafiainanafiankohofana
• Aoka ny tenin'i Kristy hitoetra betsaka ao aminareo amin'ny fahendrena rehetra, dia mifampianara ka mifananara amin'ny salamo sy ny fihirana ary ny tonon-kiram-panahy, mihira amin'ny fahasoavana ao am-ponareo ho an'Andriamanitra.
  Kolosiana 3:16Tenin'Andriamanitramianatrafiankohofana
• Jehovah Andriamanitrao no ao aminao,
  Mahery Izy ka hamonjy;
  Hiravoravo anao amin'ny fifaliana Izy;
  Ho sondriana amin'ny fitiavany Izy;
  Hifaly anao amin'ny fihobiana Izy.
  Zefania 3:17Andriamanitrafifalianampanafaka
• Ary nony mamatonalina, dia nivavaka sy nihira fiderana an'Andriamanitra Paoly sy Silasy; ary nihaino azy ny mpifatotra.
  Asan'ny Apostoly 16:25fiankohofanafivavahanamihaino
• Mihirà ho an'Andriamanitra, mankalazà ny anarany;
  manamboara lalana ho an'izay mitaingina mamaky ny efitra
  Jehovah no anarany ary mifalia eo anatrehany.
  Rain'ny kamboty sy Mpanome rariny ny mpitondratena Andriamanitra,
  ao amin'ny fonenany masina.
  Salamo 68:4-5fahamasinanafilaminanafiankohofana
• Ho faly sy ho ravoravo aminao aho;
  hankalaza ny anaranao aho ry Avo Indrindra ô.
  Salamo 9:2fiankohofanafifalianaAndriamanitra
• Fa raha izaho kosa, dia ny famindram-ponao no itokiako;
  ho faly amin'ny famonjenao ny foko.
  Hihira ho an'i Jehovah aho,
  satria nanisy soa ahy Izy.
  Salamo 13:5-6fahatokisanafiankohofanafo
• Hihira ho an'i Jehovah aho, raha mbola velona koa;
  Hankalaza an'Andriamanitro aho, raha mbola miaina.
  Salamo 104:33fiankohofanafiainana
• Hihoby ny molotro raha mankalaza Anao;
  ny fanahiko koa izay efa navotanao.
  Salamo 71:23fiankohofanampanafakaaina
• Hianao no fiereko,
  miaro ahy tsy ho azon'ny fahoriana Hianao;
  fihobiam-pamonjena no ahodidinao ahy.
  Salamo 32:7fifalianafilaminanafiarovana
• Hidera Anao eny amin'ny firenena maro aho, Jehovah ô,
  Ary hankalaza Anao eny amin'ny jentilisa.
  Salamo 108:3fiankohofanaizao tontolo izaofiderana
• Mankalazà an'i Jehovah, fa asa lehibe no nataony;
  Ary aoka ho fantatra any amin'ny tany rehetra izany.
  Isaia 12:5fiankohofanaizao tontolo izao
• Izy no nantsoin'ny vavako;
  ary ny fanandratana Azy no teo ambanin'ny lelako.
  Salamo 66:17fiankohofanafivavahanafiderana
• Satria namonjy ny ory izay nitaraina aho
  sy ny kamboty izay tsy nanan-kamonjy.
  Ny fisaoran'izay efa ho faty dia tonga tamiko;
  Ary ny fon'ny mpitondratena nampifaliko.
  Joba 29:12-13mpitondratenakambotyfahantrana