Andinin-teny ao amin'ny Baiboly momba ny fifaliana

«»

• Mifalia mandrakariva. Mivavaha, ka aza mitsahatra. Misaora amin'ny zavatra rehetra; fa izany no sitrapon'Andriamanitra ao amin'i Kristy Jesosy ho anareo.
  1 Tesaloniana 5:16-18 fankasitrahana fivavahana
• Jehovah Andriamanitrao no ao aminao,
  Mahery Izy ka hamonjy;
  Hiravoravo anao amin'ny fifaliana Izy;
  Ho sondriana amin'ny fitiavany Izy;
  Hifaly anao amin'ny fihobiana Izy.
  Zefania 3:17 Andriamanitra mpanafaka mihira
• Mifalia mandrakariva amin'ny Tompo; hoy izaho indray: Mifalia.
  Filipiana 4:4 Andriamanitra
• Mifalia amin'ny fanantenana; miareta amin'ny fahoriana; mahareta amin'ny fivavahana.
  Romana 12:12 fivavahana faharetana
• Raha be ny ahiahy ato anatiko
  Dia mampifaly ny fanahiko ny fampiononanao.
  Salamo 94:19 ahiahy mpampionona
• Ity no andro nataon'i Jehovah;
  Hifaly sy ho ravoravo amin'izao isika.
  Salamo 118:24 famoroana izao tontolo izao fiainana
• Fa na dia tsy mamontsina aza ny aviavy,
  Ary tsy misy voany ny voaloboka,
  Na dia mahadiso fanantenana aza ny oliva,
  Ary tsy mahavokatra hohanina ny saha,
  Na dia vonoina aza ny ondry ao amin'ny vala,
  Ary tsy misy omby ao am-pahitra,
  Nefa izaho dia mbola hifaly amin'i Jehovah ihany
  Sy hiravoravo amin'Andriamanitry ny famonjena ahy.
  Habakoka 3:17-18 famonjena fiankohofana fijinjana
• Hampahafantatra ahy ny lalan'aina Hianao;
  fa havokisam-pifaliana no eo anatrehanao,
  ary fahafinaretana no eo an-tananao an-kavanana mandrakizay.
  Salamo 16:11 fiainana manodidina
• Hifaly dia hifaly amin'i Jehovah aho,
  ny fanahiko ho ravoravo amin'Andriamanitro;
  fa notafiany fitafiana famonjena aho,
  ary nakanjoiny akanjo fahamarinana,
  toy ny mpampakatra misatroka hamama tahaka ny mpisorona,
  ary toy ny ampakarina miravaka ny firàvany.
  Isaia 61:10 rariny mpanafaka fanambadiana
• Izany zavatra izany dia efa nolazaiko taminareo, mba ho ao aminareo ny fifaliako, ka ho tanteraka ny fifalianareo.
  Jaona 15:11 Jesosy lafatra
• Izay, na dia tsy mbola hitanareo aza, dia tianareo, ary na dia tsy hitanareo ankehitriny aza, anefa, satria inoanareo, dia iravoravoanareo amin'ny fifaliana tsy azo tononina sady be voninahitra, mandray ny anton'ny finoanareo, dia ny famonjena ny fanahy.
  1 Petera 1:8-9 finoana famonjena
• Mandraka ankehitriny dia tsy mbola nangataka na inona na inona tamin'ny anarako ianareo; mangataha, dia hahazo ianareo, mba ho tanteraka ny fifalianareo.
  Jaona 16:24 fitokisana fahazoana lafatra
• Koa dia finaritra aho amin'ny fahalemena, amin'ny fampahoriana, amin'ny fahaterena, amin'ny fanenjehana, amin'ny fahantrana, noho ny amin'i Kristy; fa ny fahalemeko no fahatanjahako.
  2 Korintiana 12:10 tanjaka fanenjehana fahalemena
• Fa ny vokatry ny Fanahy kosa dia fitiavana, fifaliana, fiadanana, fahari-po fahamoram-panahy, fanaovan-tsoa, fahamarinana, fahalemem-panahy, fahononam-po; tsy misy lalàna manohitra izany.
  Galatiana 5:22-23 lalàna Fanahy fitahiana
• Faly ny olona, raha mahavaly tsara ny vavany,
  Ary endrey ny hatsaran'ny teny atao amin'izay andro mahamety azy!
  Ohabolana 15:23 lahateny
• Hianao no fiereko,
  miaro ahy tsy ho azon'ny fahoriana Hianao;
  fihobiam-pamonjena no ahodidinao ahy.
  Salamo 32:7 filaminana fiarovana mihira
• Aoka ny olona rehetra samy hanao araka izay inian'ny fony avy, tsy amin'ny alahelo, na amin'ny faneriterena; fa ny mpanome amin'ny fifaliana no tian'Andriamanitra.
  2 Korintiana 9:7 manomeza fo fahalalahan-tanana
• Ny fo ravoravo mahasalama tsara;
  Fa ny fanahy kivy mahamaina ny taolana.
  Ohabolana 17:22 fahasitranana fo aretina
• Miaraha mifaly amin'izay mifaly, ary miaraha mitomany amin'izay mitomany.
  Romana 12:15 mamindra fo fisaonana
• Mba hankanesako any aminareo amin'ny fifaliana, raha sitrapon'Andriamanitra, ka samy ho velombelona ny fontsika.
  Romana 15:32 fankatoavana fiankinan-doha
• Ho faly sy ho ravoravo aminao aho;
  hankalaza ny anaranao aho ry Avo Indrindra ô.
  Salamo 9:2 fiankohofana Andriamanitra mihira
• Efa noraisiko ho lovako mandrakizay ny teni-vavolombelonao,
  Satria fifalian'ny foko izany.
  Salamo 119:111 lalàna fo
• Fa sitrak'i Jehovah ny olony;
  Ravahany famonjena ny mpandefitra.
  Salamo 149:4 fanetren-tena fitahiana
• Tsy manana fifaliana mihoatra noho izao aho, dia ny andrenesako fa mandeha araka ny fahamarinana ny zanako.
  3 Jaona 1:4 fahamarinana zaza
• Fa raha tsy amin'ny finoana, dia tsy misy azo atao hahazoana sitraka aminy; fa izay manatona an'Andriamanitra dia tsy maintsy mino fa misy Izy sady Mpamaly soa izay mazoto mitady Azy.
  Hebreo 11:6 finoana valisoa mitady