Andinin-teny ao amin'ny Baiboly momba ny famonjena

«»

• Ary tsy misy famonjena amin'ny hafa; fa tsy misy anarana hafa ambanin'ny lanitra nomena ny olona izay hahazoantsika famonjena.
  Asan'ny Apostoly 4:12Jesosy
• Dia hoy izy roa lahy: Minoa an'i Jesosy Tompo, dia hovonjena ianao sy ny ankohonanao.
  Asan'ny Apostoly 16:31finoanaankohonanazaza
• Izay namonjy antsika sy niantso antsika tamin'ny fiantsoana masina, tsy araka ny asantsika, fa araka ny fikasany sy ny fahasoavany izay nomena antsika tao amin'i Kristy Jesosy hatry ny fony fahagola.
  2 Timoty 1:9fahasoavanafahamasinanafiantsoana
• Andriamanitra tokoa no iantombenan'ny fanahiko;
  avy aminy ny famonjena ahy.
  Salamo 62:1fitsaharanaaina
• Ary na zovy na zovy no hiantso ny anaran'i Jehovah dia hovonjena.
  Asan'ny Apostoly 2:21fiankohofanafivavahana
• Moa tsy fantatrareo va fa ny olona tsy marina tsy mba handova ny fanjakan'Andriamanitra? Aza mety hofitahina ianareo: fa ny mpijangajanga sy ny mpanompo sampy sy ny mpaka vadin'olona sy ny sodomita sy ny mpangalatra sy ny mpierina sy ny mpimamo sy ny mpanaratsy ary ny mpanao an-keriny dia tsy mba handova ny fanjakan'Andriamanitra.
  1 Korintiana 6:9-10fahotanafanjakanasampy
• Fa amin'ny fo no inoana hahazoana fahamarinana, ary amin'ny vava no anekena hahazoana famonjena.
  Romana 10:10finoanalahatenymanaiky
• Fa efa miseho ny fahasoavan'Andriamanitra, izay famonjena ny olona rehetra, mampianatra antsika handà izay toe-panahy tsy araka an'Andriamanitra sy ny filan'izao tontolo izao ary ho velona amin'ny onony sy ny marina ary ny toe-panahy araka an'Andriamanitra amin'izao fiainana ankehitriny izao.
  Titosy 2:11-12fahasoavanararinyizao tontolo izao
• Fa efa tonga ny Zanak'olona hitady sy hamonjy ny very.
  Lioka 19:10Jesosymitady
• Ny Tompo tsy mahela ny teny fikasany, araka izay ataon'ny sasany ho fahelany; fa mahari-po aminareo Izy, ka tsy tiany hisy ho very, fa mba ho tonga amin'ny fibebahana izy rehetra.
  2 Petera 3:9faharetanafiovam-pofamerim-berenana
• Fa hoy Jesosy: Izay zavatra tsy hain'ny olona dia hain'Andriamanitra.
  Lioka 18:27fahagaganaJesosy
• Midira amin'ny vavahady èty ianareo; fa lehibe ny vavahady, ary malalaka ny lalana izay mankany amin'ny fahaverezana, ka maro ny miditra any. Fa èty ny vavahady, ary tery ny lalana izay mankany amin'ny fiainana, ka vitsy ny mahita azy.
  Matio 7:13-14fiainana mandrakizay
• Izay mino sy atao batisa no hovonjena; fa izay tsy mety mino no hohelohina.
  Marka 16:16finoanabatisafitsarana
• Dia tahaka izany koa Kristy, rehefa natolotra indray mandeha hitondra ny otan'ny maro, dia hiseho fanindroany, tsy amin'ota, amin'izay miandry Azy, ho famonjena.
  Hebreo 9:28fahotanasorona
• Izay, na dia tsy mbola hitanareo aza, dia tianareo, ary na dia tsy hitanareo ankehitriny aza, anefa, satria inoanareo, dia iravoravoanareo amin'ny fifaliana tsy azo tononina sady be voninahitra, mandray ny anton'ny finoanareo, dia ny famonjena ny fanahy.
  1 Petera 1:8-9finoanafifaliana
• Fa fahasoavana no namonjena anareo amin'ny finoana; ary tsy avy aminareo izany, fa fanomezana avy amin'Andriamanitra; tsy avy amin'ny asa, fandrao hisy hirehareha.
  Efesiana 2:8-9fahasoavanafinoana
• Fa tahaka ny ahafatesan'ny olona rehetra ao amin'i Adama no ahaveloman'ny olona rehetra kosa ao amin'i Kristy.
  1 Korintiana 15:22fahafatesanafiainana
• Fa izao no nandidian'ny Tompo anay: Efa nanendry Anao ho fahazavan'ny jentilisa Aho, Mba ho famonjena hatrany amin'ny faran'ny tany Hianao.
  Asan'ny Apostoly 13:47fitoriana ny filazantsarafahazavana
• Fa tsy menatra ny filazantsara aho; fa herin'Andriamanitra ho famonjena izay rehetra mino izany, amin'ny Jiosy aloha, dia vao amin'ny jentilisa koa.
  Romana 1:16finoanafitoriana ny filazantsara
• Fa saiky tsy misy olona manaiky ho faty hamonjy ny marina; fa angamba hisy ihany ny sasany sahy maty asa hamonjy ny manao soa. Fa Andriamanitra mampiseho ny fitiavany antsika, fa fony mbola mpanota isika, dia maty hamonjy antsika Kristy.
  Romana 5:7-8fahotanafahafatesana
• Fa Andriamanitra tsy naniraka ny Zanaka ho amin'izao tontolo izao hanameloka izao tontolo izao, fa mba hamonjeny izao tontolo izao.
  Jaona 3:17Jesosyfitsaranaizao tontolo izao
• Fa raha fony mbola fahavalo aza isika no nampihavanina tamin'Andriamanitra tamin'ny nahafatesan'ny Zanany, mainka ny hamonjena antsika amin'ny fahavelomany ankehitriny, rehefa nampihavanina.
  Romana 5:10Mpamonjyfampihavanana
• Omenao ahy ny ampingan'ny famonjenao;
  ny tananao ankavanana no manohana ahy,
  ary ny fahamoram-panahinao no mahalehibe ahy.
  Halalahinao ny lalana hodiaviko,
  ka tsy mangovitra ny hato-tongotro.
  Salamo 18:35-36Tenin'Andriamanitrafiarovana
• Ary hoy Jesosy taminy: Mandehana ianao, ny finoanao no efa namonjy anao. Dia nahiratra niaraka tamin'izay ny masony, ka nanaraka an'i Jesosy teny an-dalana izy.
  Marka 10:52finoanafahasitranana
• Fa Jesosy nijery azy ka nanao hoe: Raha amin'ny olona, dia zavatra tsy hainy izany; fa tsy mba tahaka izany amin'Andriamanitra; fa ny zavatra rehetra dia hain'Andriamanitra.
  Marka 10:27fahagaganaJesosy