Iivesi zeBhayibhile malunga nosindiso

«»

• Usindiso lufumaneka ngaye kuphela, kuba akukho wumbi emhlabeni ogama uThixo alinike uluntu, esingasindiswa ngalo.
  UMSEBENZI WABATHUNYWA 4:12UYesu
• Zinikele eNkosini uYesu; uya kusindiswa wena nosapho lwakho.
  UMSEBENZI WABATHUNYWA 16:31ukholousaphoabantwana
• Nguye owasisindisayo wasibiza ukuba sibe ngabanyuliweyo, kungengamisebenzi yethu, kodwa ngenxa yenjongo nobubele bakhe. Wasenzela obu bubele ngoKrestu Yesu kwantlandlolo.
  2 KUTIMOTI 1:9ubabaloubungcweleubizo
• Ndithe cwaka ndikholose ngoThixo;
  kaloku nguye yedwa ondikhululayo.
  INdumiso 62:1phumlaumphefumlo
• Kananjalo nabani na othe wabiza igama leNkosi uya kusindiswa.
  UMSEBENZI WABATHUNYWA 2:21unquloumthandazo
• Anazi na ukuba abakhohlakeleyo abayi kubuxhamla ubuncwane bokulawulwa nguThixo? Musani ukulahlekiswa: abarheletyi, nabakhonza izithixo, nabakrexezayo, nabafebayo, nabangamadoda alalanayo, nabangamasela, nababawayo, nabangamanxila, nabathukayo, nabazizikrelemnqa, abanakubuxhamla ubuncwane bokulawulwa nguThixo.
  1 KWABASEKORINTE 6:9-10isonoubukumkaniizithixo
• Kaloku umntu ukholwa ngentliziyo, aze abe lilungisa phambi koThixo; uvuma ngomlomo, aze asindiswe.
  KWABASEROMA 10:10ukholoukuthethaukuvuma
• Kaloku uThixo usibonakalisile isisa sakhe, ukuze asindise lonke uluntu. Ngaso safundiswa ukuzilumla kwizinto ezisahlukanisa noThixo, nakwiminqweno emibi. Sifundiswe nokuhlala singcathu sinyanisekile, nokuhlonela uThixo kobu bomi.
  KUTITO 2:11-12ubabaloubulungisaumhlaba
• Kaloku yena uNyana woLuntu wezela ukufuna kwanokusindisa abantu abalahlekileyo.
  ULUKA 19:10UYesuukufuna
• Ke iNkosi ayikubambezeli ukuzalisekiswa kwesithembiso esenzileyo, njengoko abanye baba kunjalo. Nto nje ininyamezele kuba ingafuni kutshabalale mntu. Koko ifuna wonke ubani afumane ithuba lokuguquka.
  2 KAPETROS 3:9umondeuguquloinguquko
• Waza uYesu wathi: “Oko aba umntu akunakwenzeka, kunokwenziwa nguThixo.”
  ULUKA 18:27imimangalisoUYesu
• Ngenani ngesango elimxinwa, kungabi ngelibanzi, kuba abangena ngesango elibanzi, bahambe ngendlela ephangaleleyo, basinga entshabalalweni; yaye baninzi abenjenjalo. Ke abangena ngesango elimxinwa, bahambe ngendlela ecutheneyo, basinga ebomini; yaye bambalwa abenjenjalo.
  UMATEWU 7:13-14ubomi obungunaphakade
• Lowo ukholwayo abhaptizwe wosindiswa; ke yena ongakholwayo wogwetywa.
  UMARKO 16:16ukholoubhaptizoumgwebo
• Ngokunjalo ke noKrestu wanikelwa kwaba kanye ukuze athwale izono zabaninzi. Okwesibini uya kufika engenanto yakwenza nesono, koko eze kusindisa abo bamlindeleyo.
  KUMAHEBHERE 9:28isonoumbingelelo
• Anikamboni nokumbona, kodwa niyamthanda. Niyakholwa nokukholwa kuye, naxa ningekamboni nje. Senizele naluchulumacho olungenakuchazwa, kuba seniyibona injongo yokholo lwenu; ndixela inkululeko yenu.
  1 KAPETROS 1:8-9ukholouvuyo
• Ke kaloku nakhululwa ngesisa sikaThixo ngokholo; anikhululwanga ngemizamo yenu. Ewe, kungenxa yesisa sikaThixo. Ngoko ke akukho nto ubani angaziqhayisa ngayo, kungekho migudu yakhe nje.
  KWABASE-EFESE 2:8-9ubabaloukholo
• Njengoko abantu bâthi ngokumanywa kwabo noAdam bafa bonke, ngokunjalo nangokumanywa kwabo noKrestu baya kuvuka bonke.
  1 KWABASEKORINTE 15:22ukufaubomi
• Thina kaloku sanikwa lo myalelo yiNkosi:
  “ ‘Ndikumisele ukuba ube sisibane sokukhanyisela iintlanga,
  ube yindlela yokusindiswa kwalo lonke elimiweyo.’”
  UMSEBENZI WABATHUNYWA 13:47ukuvangelaukukhanya
• Andinazintloni ngazo iindaba ezimnandi zikaKrestu. Zingamandla kaThixo okusindisa bonke abakholwayo, umJuda kuqala, kwanowolunye uhlanga ngokunjalo.
  KWABASEROMA 1:16ukholoukuvangela
• Inqabile into yokuba umntu afele omnye, naxa mhlawumbi anokubhaqeka umntu onesibindi sokufela umntu olungileyo. Ke yena uThixo ukuqondakalisile ukusithanda kwakhe ngokuthi uKrestu asifele sisengaboni!
  KWABASEROMA 5:7-8isonoukufa
• Kuba kaloku uThixo akamthumanga uNyana wakhe ehlabathini ukuze aligwebe, koko wamthuma ukuze abe nguMsindisi walo.
  UYOHANE 3:17UYesuumgweboumhlaba
• Kaloku besikade siziintshaba noThixo, saxolelaniswa naye ngokufa koNyana wakhe. Kobeka phi ke ukusindiswa kwethu ngokudla kwakhe ubomi!
  KWABASEROMA 5:10UMsindisiuxolelwaniso
• Ndikhoyo, undinike ikhaka lokuhlanganisa,
  wandixhasa ngesandla sakho esinamandla;
  undibonelele ndatsho ndazimaseka.
  Undimise endaweni ephangaleleyo;
  azinakutyibilika kuyo iinyawo zam.
  INdumiso 18:35-36ILizwi likaThixoukukhuselwa
• Wathi kuyo uYesu: “Hamba uhambe; ukholo lwakho lukuphilisile.”
  Yabona ke kwangoko, yamlandela uYesu endleleni apho.
  UMARKO 10:52ukholoukuphilisa
• Ondele kubo, uYesu wathi: “Kubantu oku akunakwenzeka, kodwa kuThixo akunakungenzeki, kuba zonke izinto zinokwenzeka kuThixo.”
  UMARKO 10:27imimangalisoUYesu