Iivesi zeBhayibhile malunga nokufa

«»

• Waza wathi kuye uYesu: “Ndim uvuko; ndim ubomi. Lowo ukholwayo kum wodla ubomi nokuba ebefile. Wonke odla ubomi ekholwa kum, soze afe naphakade. Ke wena ngaba uyakholwa koku?”
  UYOHANE 11:25-26ukholouvukoizithembiso
• Kaloku nokuba sidla ubomi, siphilela iNkosi, nokuba siyafa, sifela iNkosi. Ngoko ke nokuba sidla ubomi, nokuba siyafa, singabeNkosi.
  KWABASEROMA 14:8ubomi
• Liya kuhlokoma ilizwi lesiphatha-zithunywa, sivakale nesandi sexilongo likaThixo, ize iNkosi ngokwayo ihle ezulwini. Bothi abo bafa bemanywe noKrestu bavuke kuqala, nathi ke baya kuba besaphila ngelo xesha sixhwilwe sidibane nabo emafini, size sihlangane neNkosi esibhakabhakeni. Ke siya kuhlala neNkosi njalo-njalo.
  1 KWABASETESALONIKA 4:16-17usindisoizuluiingelosi
• Kambe ke, ukudla ubomi, kum kukuthobela uKrestu. Ukufa ke kona kuzisa lukhulu.
  KWABASEFILIPI 1:21UYesuubomi
• Ngoko ke, nokuba ndihamba kwiingxondorha ezimnyama,
  andinadyudyu.
  Kaloku ungakum, wena Ndikhoyo;
  isagweba sakho nebhunguza lakho lixhadi lam.
  INdumiso 23:4uloyikoukhuthazointshutshiso
• Athembekile la mazwi athi:
  “Ukuba sife simanyene naye, sodla ubomi kwakunye naye.”
  2 KUTIMOTI 2:11ILizwi likaThixoubomi obungunaphakadeukuthembeka
• Mayibe ndim kuphela osentliziywemi yakho oku komsesane wokutywina;
  ewe, mandibe ngumsesane wokutywina engalweni yakho.
  Lent' uthando lunamandla nqwa nokufa;
  ikhwele lalo aliqheliseli oku kwengcwaba.
  Ludangazela ngathi lidangatye,
  luvuthe ngathi ngumlilokazi.
  UNCUTHU LWENGOMA 8:6uthandointliziyo
• Kaloku ndiqinisekile kukuba asikuko nakufa, nabomi, nazithunywa zezulu, nazilawuli, nanto zikhoyo, nanto zizayo, naziphathamandla, nanto ziphezulu, nanto zingaphantsi, nditsho nasiphi na isidalwa, esiya kuba nako ukusahlula nothando lukaThixo olukuye uKrestu Yesu, iNkosi yethu.
  KWABASEROMA 8:38-39uthandoumlamliiingelosi
• Njengoko abantu bâthi ngokumanywa kwabo noAdam bafa bonke, ngokunjalo nangokumanywa kwabo noKrestu baya kuvuka bonke.
  1 KWABASEKORINTE 15:22usindisoubomi
• Andikholiswa kukufa kwakhe nabani na, itsho iNkosi uNdikhoyo. Guqukani, nidle ubomi!
  UHEZEKILE 18:32uguquloubomi obungunaphakadeubulungisa
• Ndive ilizwi elikhulu, livela ngasesihlalweni sokulawula, lisithi: “Uyasibona esi sixeko? Kulapho uThixo ahlala khona nabantu. Uya kuhlala phakathi kwabo, babe yimilowo yakhe, yena abe nguThixo wabo. UThixo ngenkqu uya kuhlala nabo. Uya kubosula zonke iinyembezi. Akusayi kubuye kubekho kufa, nalusizi, nasikhalo, nazintlungu. Kaloku lidlule ilizwe lokuqala.”
  ISITYHILELO 21:3-4uThixousiziukukhathazeka
• Ndixakiwe. Ndiyakulangazelela ukufuduka ndiye kuKrestu, nto leyo ibhetele kakhulu. Kodwa ngenxa yenu kubalulekile ngaphezulu ukuba ndidle ubomi.
  KWABASEFILIPI 1:23-24ubomi
• Siyazi kaloku ukuba xa ithe yachithwa le ndlu yalapha emhlabeni, sinesakhiwo asilungiselele sona uThixo, esisezulwini, esiya kuhlala sihleli.
  2 KWABASEKORINTE 5:1umzimbaubomiizulu
• Njengoko ukufa kweza ngomntu, ngokukwanjalo novuko lwabafileyo luza kwangomntu.
  1 KWABASEKORINTE 15:21UYesuuvuko
• Sathi, sikwelabafileyo, saphakamisa amehlo aso sisentuthumbeni, sambona uAbraham ekude, uLazaro enaye. Samemeza ke, sathi: ‘Bawo, Abraham, ndénzele inceba, uthume uLazaro ukuba athi nkxu incam yomnwe wakhe emanzini, aphozise ulwimi lwam, kuba ndiyathuthunjelwa kweli langatye!’
  ULUKA 16:23-24isihogoizuluukubandezeleka
• Kuba othe wafuna ukusindisa ubomi bakhe, wolahlekelwa bubo, kodwa othe wabuncama ubomi bakhe ngenxa yam, wobusindisa.
  UMATEWU 16:25usindisoubomi
• Ndingamzimela ndithini uMoya wakho?
  Ndingasabela phi apho ungekhoyo khona?
  Ukuba ndingenyukela emazulwini, ndingafika ukho;
  nokuba ndingalala kwelabafileyo, ukho nalapho.
  INdumiso 139:7-8Umoyaizuluisihogo
• Musani ukuboyika abo banibulala ngokwasenyameni, kodwa bengenako ukubulala umphefumlo. Yoyikani uThixo, yena onako ukutshabalalisa umphefumlo kwanomzimba esihogweni.
  UMATEWU 10:28uloyikoumphefumloumzimba
• Wadanduluka ke uYesu ngezwi elikhulu, wathi: “Bawo, ndiyawunikela ezandleni zakho umoya wam!” Akuba etshilo, waphuma umphefumlo.
  ULUKA 23:46ipasikaUYesuUTata
• Unoyolo engokaThixo lowo uluxhamleyo uvuko lokuqala. Ukufa kwesibini akunamandla kuye. Kaloku woba ngumbingeleli kaThixo nokaKrestu, axhamle ulawulo kunye noKrestu iminyaka eliwaka.
  ISITYHILELO 20:6uvukoubukumkaniuMesiya
• Inqabile into yokuba umntu afele omnye, naxa mhlawumbi anokubhaqeka umntu onesibindi sokufela umntu olungileyo. Ke yena uThixo ukuqondakalisile ukusithanda kwakhe ngokuthi uKrestu asifele sisengaboni!
  KWABASEROMA 5:7-8isonousindiso
• Ngoku ke sendiza kufa. Nazi mhlophe ezintliziyweni zenu nasemiphefumlweni yenu ukuba akukho nanye into ayithembisileyo angayenzanga uNdikhoyo; ewe, akukho nanye into ayithethileyo angayiphumelelisanga.
  UYOSHUWA 23:14ukuthembekaintliziyoumphefumlo
• Nina ningaboyihlo umtyholi, kwaye nithanda ukwenza intando yakhe. Yena wayesisibulala-mntu kwasekuqalekeni. Nenyaniso akayihoyanga, kuba akananyani. Usekhaya xa athetha ubuxoki, kuba yena ulixoki, usobuxoki kanye.
  UYOHANE 8:44umtyholiiminqwenoinyaniso
• Nanku ke umlomo weNkosi uNdikhoyo: Ngaba kuyandikholisa na ukufa komntu okhohlakeleyo? Hayi bo, into endikholisayo kukuba azijike iindlela zakhe, aze adle ubomi.
  UHEZEKILE 18:23uguquloubomi