Iivesi zeBhayibhile malunga Isono

«»

• Anazi na ukuba abakhohlakeleyo abayi kubuxhamla ubuncwane bokulawulwa nguThixo? Musani ukulahlekiswa: abarheletyi, nabakhonza izithixo, nabakrexezayo, nabafebayo, nabangamadoda alalanayo, nabangamasela, nababawayo, nabangamanxila, nabathukayo, nabazizikrelemnqa, abanakubuxhamla ubuncwane bokulawulwa nguThixo.
  1 KWABASEKORINTE 6:9-10usindisoubukumkaniizithixo
• Kodwa ke, ukuba siyazivuma izono zethu, uThixo uthembekile, ulilungisa; wosixolela izono zethu, asihlambulule kuko konke ukungalungisi.
  1 KAYOHANE 1:9ukusulungekiswaububiinguquko
• Kaloku bonke bonile; bayalabalaba kubuqaqawuli ababulungiselelwe nguThixo. Kanti ke uThixo uyabababala abantu; ubenzela isisa: nangona bengafanelanga ubagwebela ngaye uYesu Krestu obakhululayo.
  KWABASEROMA 3:23-24ubabaloUMsindisiukuvuma izono
• Ngoko ke yitshitshiseni iphele kuni imikhwa yeli hlabathi: ukurheletya, ukungcola, ukutshiseka, iinkanuko, nokunyoluka okukwalunqulo-zithixo.
  KWABASEKOLOSE 3:5iminqwenoukuthanda izinto eziphathekayoizithixo
• Síthini na ke ngoko? Sóne na, kuba singekho phantsi kwawo umthetho, siphantsi kobabalo? Nakanye!
  KWABASEROMA 6:15ubabaloumthethoinkululeko
• Khawundisekele ngokwesithembiso sakho,
  ungandiyekeli ndonganyelwe bububi.
  INdumiso 119:133ukulandelaububiumtyholi
• Ukuba uwenu uthe wona, yiya uthethe naye ninodwa. Ukuba úthe wakuva, woba umzuzile uwenu.
  UMATEWU 18:15ukuthethaukuphulaphulauxolelwaniso
• Bantundini abangathembekanga, anazi kakade ukuba ngokuhlobana neli hlabathi nizenza iintshaba zikaThixo? Ewe, nabani na okhetha ukuvana neli hlabathi ulutshaba lukaThixo.
  EKAYAKOBI 4:4uThixoubuhloboumhlaba
• Awu, Thixo, ndiyatarhuzisa!
  Ngenxa yezibele zothando lwakho,
  nobubanzi benceba yakho, nceda uzicime iziphoso zam!
  Ndihlambe ndahlukane nabo bonke ububi;
  ndenze ndibe nyulu, ndingabi nasono!
  INdumiso 51:1-2incebaukusulungekiswa
• Umntu onyanisekileyo uhamba engaxhalele nto;
  ke yena onamaqhinga uya kubhaqwa.
  IZAFOBE 10:9ukhuselekoubomiukuxoka
• Umntu olungileyo uvelisa ukulunga okuphuma entliziyweni yakhe. Ke okhohlakeleyo uvelisa inkohlakalo ephuma entliziyweni yakhe. Kaloku loo nto intliziyo iphuphuma yiyo iphuma ngomlomo.
  ULUKA 6:45ukuthethaintsikelelo
• Yini na ukuba usibone isibi esiselisweni lowenu, kanti wona umqadi okwelakho iliso akuwuboni?
  UMATEWU 7:3umgwebo
• Ngaphezu koko ke hlalani nithandana, kuba kaloku uthando luyazingcwaba izono.
  1 KAPETROS 4:8uthandoummelwane
• Hayi inyhweba yomntu ongahambiyo ngecebo labantw' abagwenxa,
  ongahambiyo ekhondweni lamatshijolo,
  umnt' ongadlelaniyo nabaphoxisayo.
  INdumiso 1:1ubulungisaintsikelelo
• Xa ke sithi sinobudlelane noThixo, kodwa sibe sihleli ebumnyameni, sithetha ubuxoki, nezenzo zethu azingqinelani nenyaniso.
  1 KAYOHANE 1:6ukunyanisekainyanisoukuxoka
• Ningazibandakanyi nezinto zobumnyama eziphuthileyo ezenziwa ngabantu. Ndaweni yaloo nto zibhenceni ekukhanyeni ezo zinto, zibonakale icace into eziyiyo. Kungaziintloni nokuwathetha amanyundululu abawenza ngasese.
  KWABASE-EFESE 5:11-12ukuthethaizithixoukuba nesiqhamo
• Wahambisa wathi: “Zizenzo eziphuma entliziyweni yomntu ezimngcolisayo. Kaloku zivela ngaphakathi entliziyweni yomntu iingcamango ezimbi. Kulapho kuvela khona ubuhenyu, ubusela, ukubulala, ukukrexeza, ukunyoluka, inkohlakalo, inkohliso, ukurheletya, umona, ukunyelisa uThixo, ikratshi, ububhanxa. Zonke ezi zinto zikhohlakeleyo ziphuma entliziyweni yomntu, zize zimngcolise.”
  UMARKO 7:20-23ukusulungekiswaisilingoumsindo
• Mawethu, ukuba kukho mntu nimbhaqe esona, nina balawulwa nguMoya mfakeni endleleni; kodwa loo nto niyenze ngobulali, nizilumkele nina ziqu, hleze nani nilingeke.
  KUMAGALATI 6:1isilingoiminqwenouguqulo
• Imibulelo neziqalekiso zimpompoza mlonyeni mnye. Mawethu, mayingenzeki le nto!
  EKAYAKOBI 3:10ukuthethaunqulointsikelelo
• Izono zethu wazithathela kuye siqu, waxhonywa nazo emnqamlezweni, khon' ukuze thina siyeke ukuphilela ukona, koko siphilele ukulungisa. Ninyangwe ngamanxeba akhe.
  1 KAPETROS 2:24ubulungisaukuphilisaumzimba
• Sondelani kuThixo naye azokusondela kuni. Hlambani izandla zenu, nina bonindini! Nizenze nyulu iintliziyo zenu, nina bahanahanisi!
  EKAYAKOBI 4:8ukusulungekiswaubulungisainguquko
• Umntu osifihlayo isono sakhe akabi nampumelelo;
  kambe ke yena osivumayo, ahlukane naso, wenzelwa inceba.
  IZAFOBE 28:13ukuvuma izonoincebauxolelo
• Ngokunjalo ke noKrestu wanikelwa kwaba kanye ukuze athwale izono zabaninzi. Okwesibini uya kufika engenanto yakwenza nesono, koko eze kusindisa abo bamlindeleyo.
  KUMAHEBHERE 9:28umbingelelousindiso
• Kaloku akukho mntu uya kuba lilungisa kuThixo ngakugcina kwakhe umthetho; into eyenziwa ngumthetho kukwazisa abantu ngesono.
  KWABASEROMA 3:20umthethoubulungisa
• Nanjengoko nilusapho lukaThixo, makungakhankanywa phakathi kwenu ukurheletya nako konke ukungcola nokunyoluka.
  KWABASE-EFESE 5:3ukubawaubungcwelengesondo