Iivesi zeBhayibhile malunga Inceba

«»

• Masisondele ke ngoko singenadyudyu apho ahleli khona esihlalweni sokulawula uThixo wethu onenceba; apho sakwenzelwa khona ububele nesisa, sincedakale ngoku kuselithuba.
  KUMAHEBHERE 4:16ubabaloumthandazo
• Khaniye kufunisisa okokuba ithetha ukuthini na le ndawo eziBhalweni ithi: ‘Ndithanda inceba, andithandi mbingelelo.’ Ke mna andizanga kubiza malungisa, ndize kubiza aboni.
  UMATEWU 9:13ubulungisaumbingeleloinguquko
• Kodwa ke uThixo onceba inkulu, ngenxa yendlela asithanda ngayo, usidlise ubomi kunye noKrestu, naxa besinjengabafileyo nje ngenxa yezono zethu. Kambe ke nakhululwa ngenxa yesisa sikaThixo.
  KWABASE-EFESE 2:4-5uthandoUYesuubabalo
• Awu, Thixo, ndiyatarhuzisa!
  Ngenxa yezibele zothando lwakho,
  nobubanzi benceba yakho, nceda uzicime iziphoso zam!
  Ndihlambe ndahlukane nabo bonke ububi;
  ndenze ndibe nyulu, ndingabi nasono!
  INdumiso 51:1-2isonoukusulungekiswa
• Kuba kaloku uNdikhoyo uThixo wenu unesisa novelwano. Akasayi kunifulathela ukuba nibuyela kuye.
  2 YEZIGANEKO 30:9bubabaloinguqukouguqulo
• Kodwa nguwuphi uThixo onjengawe?
  Nguwuphi oxolela ubugwenxa,
  angazihoyi iziphoso zamasalela elifa lakhe?
  Wena akuhlali uqumbile ngonaphakade;
  kaloku uyimvuze-mvuze bububele.
  UMIKA 7:18isonouxolelo
• Kambe ke uNdikhoyo usanilindele,
  usazungula ukunibabala ngesisa.
  Kaloku yena nguThixo ongajika-jikiyo;
  hayi ithamsanqa labo bakholosa ngaye!
  UISAYA 30:18ubabaloubulungisaumonde
• Kaloku xa nibaxolela abantu izigqitho zabo, uYihlo osezulwini wonixolela nani.
  UMATEWU 6:14isonoubabalouxolelo
• Khumbula, Ndikhoyo, inceba yakho,
  nothando lwakho obukade unalo kwakudala.
  Ungazikhumbuli izono zobutsha bam,
  nokungathobeli kwam umthetho wakho;
  kanye ndazelelele ngothando olungagungqiyo,
  ngenxa yobubele bakho, Ndikhoyo.
  INdumiso 25:6-7isonoukulunga
• Uzungandibandezeli inceba yakho, Ndikhoyo;
  ndilondoloze ngenceba nenyaniso.
  INdumiso 40:11uthandoukuthembekaukukhuselwa
• Ndiyanikhuthaza ngoko, mawethu, ngenxa yenceba kaThixo, ukuba nizinikele nina ziqu nibe lidini eliphilayo, elingcwele, elikholekileyo kuThixo. Leyo ke yindlela yenu efanelekileyo yokukhonza uThixo ngengqiqo.
  KWABASEROMA 12:1ubungcweleukuthobela
• Ngoko ke ndiya kulandelwa kokulungileyo nabububele,
  umzi wakho ube likhaya lam yonke imihla yobomi bam.
  INdumiso 23:6ubabaloubomiukusondela
• Nkosi, Thixo, sithamsanqelise!
  Siphumelelise kuyo yonke imizamo yethu;
  ewe, yiphumelelise yonke imizamo yethu.
  INdumiso 90:17ubabaloukhuthazoumsebenzi
• Síthini na ke ngoko? Sóne na, kuba singekho phantsi kwawo umthetho, siphantsi kobabalo? Nakanye!
  KWABASEROMA 6:15isonoubabaloumthetho
• Unethamsanqa umntu onika ngesisa,
  lowo ungayiqhubi ngobuqhetseba imicimbi yakhe.
  INdumiso 112:5isisaukunyaniseka
• Kodwa ngenxa yaloo mfobe yakho wena akubatshitshisanga;
  wena zange ubalahle, Thixondini onesisa nenceba.
  UNEHEMIYA 9:31ubabaloukusondelauxolelo
• Ndikhoyo, ndiyazibika kuwe;
  ndikhala kuwe ndibindekile.
  Awu, Nkosi, ndive ndiyakuthandaza,
  usiphulaphule isikhungo sam.
  INdumiso 130:1-2ukuphulaphulaukuxhomekekaubabalo
• Kaloku uThixo ihlabathi ulithande kangangokuba ude wancama uNyana okuphela kwakhe, ukuze wonke umntu ozinikele kuye ngokupheleleyo angatshabalali, koko abe nobona bomi bungenasiphelo.
  UYOHANE 3:16ubabaloubomi obungunaphakadeukholo
• Kodwa yandiphendula yathi: “Ubabalo lwam lukwanele, kuba amandla am acaca xa ubuthathaka.” Ngoko ke ndikhetha ukuqhayisa ngezinto ezibonakalisa ubuthathaka bam, ukuze ndikuve ukongama kwamandla kaKrestu phezu kwam.
  2 KWABASEKORINTE 12:9ubabaloamandlaubuthathaka
• Umntu osifihlayo isono sakhe akabi nampumelelo;
  kambe ke yena osivumayo, ahlukane naso, wenzelwa inceba.
  IZAFOBE 28:13isonoukuvuma izonouxolelo
• Kodwa isono sika-Adam asinakulinganiswa nesisa sikaThixo. Kaloku naxa kwafa abantu abaninzi nje ngenxa yesono salowo mnye unguAdam, lona ubabalo lukaThixo esalufumana ngaloo mntu mnye unguKrestu, lwaphuphumela kubantu abaninzi ngakumbi.
  KWABASEROMA 5:15isonoubabaloUYesu
• Umntu okhohlakeleyo makahlukane nobubi,
  netshijolo maliyeke ukuyila ubutshijolo.
  Maliguquke, lize kuNdikhoyo;
  yena wosuka abe novelwano lilo.
  Malize kuThixo wethu,
  kuba yena uxolela kangangoko.
  UISAYA 55:7ubulungisauguqulouxolelo
• Ubabalo lweNkosi uYesu Krestu, nothando lukaThixo, nobudlelane boMoya oyiNgcwele, maluhlale nani nonke.
  2 KWABASEKORINTE 13:13ubabalointsikelelouMoya oyiNgcwele
• Wasisindisa. Kwakungengakuba senze misebenzi mihle, kodwa kwakungenxa yenceba yakhe. Wasihlamba ngoMoya oyiNgcwele, wasizala ngokutsha, saza safumana ubomi obutsha.
  KUTITO 3:5usindisouMoya oyiNgcweleukuzalwa ngokutsha
• Weza uPetros kuYesu, wabuza esithi: “Nkosi, koda kube kangaphi na uwethu endona ndimxolela? Ngaba koba kasixhenxe na?” UYesu wathi kuye: “Hayi, akuyi kuba kasixhenxe, kuya kuba ngamashumi asixhenxe aphindwe kasixhenxe.”
  UMATEWU 18:21-22uxoleloummelwaneisono