Iivesi zeBhayibhile malunga nokuphulaphula

«»

• Khumbulani le nto, zihlobo zam: Wonke ubani makakhawuleze ukuva; kodwa makangakhawulezi ukuthetha, angakhawulezi nokucaphuka.
  EKAYAKOBI 1:19 ukuthetha umsindo ukuzibamba
• Ke yena wathi: “Yithi kanye: unoyolo lowo ulivayo ilizwi likaThixo alenze.”
  ULUKA 11:28 ILizwi likaThixo ubomi
• Khala kum, ndikuphendule, ndikwazise izinto ezinkulu ezingenakugocagocwa, obukade ungaziqondi.
  UJEREMIYA 33:3 umthandazo ukuqonda
• Musani ukuzikhohlisa ngokuliphulaphula nje qha ilizwi likaThixo. Endaweni yaloo nto nina yenzani oko likuthethayo.
  EKAYAKOBI 1:22 ukuthobela ILizwi likaThixo
• Ngoko ke sisondela singenaxhala kuThixo, sisazi ukuba uyasiphulaphula xa sicela silungele ukwenza loo nto athanda ukuba siyenze.
  1 KAYOHANE 5:14 thembela umthandazo
• Nokhalela kum, nize kundithandaza, ndize mna ndiniphulaphule.
  UJEREMIYA 29:12 unqulo umthandazo
• UNdikhoyo ndiyamthanda, kuba uyandiva;
  uyasabela ndakuzibika kuye.
  Njengoko endiphulaphula nje,
  ndobhenela kuye xa ndisadl' ubomi.
  INdumiso 116:1-2 uthando unqulo
• Umntu oyinonophelayo imfundiso uyaphumelela;
  ewe, yimihlali yodwa kokholosa ngoNdikhoyo.
  IZAFOBE 16:20 thembela intsikelelo
• Wonke ke umntu owevayo la mazwi am, aze awenze, unokufanekiswa nendoda eyingqondi, ethe yayakhela phezu kwesiseko samatye indlu yayo.
  UMATEWU 7:24 ILizwi likaThixo ubulumko ingqondo
• Zenzeni zonke izinto enazivayo nezo nazibonela kum, amazwi kwanezenzo. Ke uThixo onika uxolo uya kuba nani.
  KWABASEFILIPI 4:9 uxolo ukufunda
• Njengokuba ke sisazi ukuba uyaziphulaphula izicelo zethu, ngokunjalo ke siyazi ukuba izinto esizicelayo sesiziphiwe.
  1 KAYOHANE 5:15 thembela umthandazo
• Uyabona, ndimi emnyango ndinkqonkqoza. Ukuba umntu uyeva aze avule, ndiya kungena ndihlale naye, sitye kunye.
  ISITYHILELO 3:20 ukuthobela ukutya izithembiso
• Ngoko ke ukholo luvuswa ngokuvakaliswa kodaba; ke lona udaba luvakalisa uKrestu.
  KWABASEROMA 10:17 ukholo ukuvangela
• Ndazibika kuNdikhoyo ndikuloo ngxingongo,
  ndalucela uncedo kuThixo wam.
  Wandiva engqendeve ebhotwe lakhe,
  savakala kuye isikhalo sam.
  INdumiso 18:6 ukuthetha umthandazo
• Ke wena, mfo wam, wagqale amazwi am,
  uyibazele iindlebe into endikuxelela yona.
  Amazwi am makangacimi emehlweni akho,
  koko wamilisele phakathi entliziyweni yakho.
  IZAFOBE 4:20-21 ILizwi likaThixo intliziyo ukuthobela
• Umntu oyithobelayo ingqeqesho usekhondweni lobomi;
  ke yena ongaphulaphuliyo ulahlekene nendlela.
  IZAFOBE 10:17 ukuthobela ubomi
• Uyawuva umthandazo wam, Ndikhoyo, kwakusasa:
  kwakusasa ndizibika kuwe, ndilinde impendulo.
  INdumiso 5:3 umthandazo umonde
• Kaloku uNdikhoyo uwalusile amalungisa,
  uyayiva imithandazo yawo.
  INdumiso 34:15 ubulungisa
• UNdikhoyo onamandla onke uthi: “Ukuba aniphulaphuli nizimisele ngeentliziyo zenu ukulihlonela igama lam, ndiya kunithumela ishwangusha, nentsikelelo yenu ndiyenze ibe lishwangusha. Ngenene sendiqalile ukunishwabulela ngenxa yokuba ningazimiselanga ukundihlonela ngeentliziyo zenu.”
  UMALAKI 2:2 ukuthobela intsikelelo
• NguNdikhoyo uThixo wenu emanimlandele, nimhlonele. Mthobeleni, niyenze imiyalelo yakhe; futhi mkhonzeni, nibambelele kuye.
  UHLAZIYO-MNQOPHISO 13:4 ukumoyika uthixo ukulandela izithixo
• Phakathi kobusuku uPawulos noSilas bathandaza bacula bedumisa uThixo, namanye amabanjwa ebeva.
  UMSEBENZI WABATHUNYWA 16:25 unqulo umthandazo dumisani
• Kanene, ngaba uThixo waninika uMoya waza wenza nemiqondiso phakathi kwenu, ngenxa yokuba nina nanithobela umthetho? Okanye ezo zinto wazenza ngenxa yokuba nina nazivayo nazamkela iindaba ezimnandi?
  KUMAGALATI 3:5 umthetho Umoya
• Ndazibika kuNdikhoyo waza wandiva,
  wandikhulula kuko konke ukoyika kwam.
  INdumiso 34:4 uloyiko ukufuna
• Waphendula yena wathi: “IziBhalo zithi: ‘Umntu akaphili ngasonka sodwa; uphila ngamazwi onke athethwa nguThixo.’”
  UMATEWU 4:4 ukutya ILizwi likaThixo isonka
• Ukuba uwenu uthe wona, yiya uthethe naye ninodwa. Ukuba úthe wakuva, woba umzuzile uwenu.
  UMATEWU 18:15 isono ukuthetha uxolelwaniso