Iivesi zeBhayibhile malunga nezithembiso

«»

• Ngoko ke ndinawe, sukoyika;
  ndinguThixo wakho, sukuphakuzela.
  Ndiza kukomeleza ndikusize,
  amandla am asindisayo akuxhase akukhusele.
  UISAYA 41:10uloyikoamandlaukukhathazeka
• “Kaloku zisekuhleni kum izicwangciso zam ngani zokuba ndininike intlala-kahle ingabi bububi, ndinidalele ikamva nethemba.” Lowo ngumlomo kaNdikhoyo.
  UJEREMIYA 29:11ukucwangcisaintsikeleloithemba
• Masithi nca kwisivumo seli themba sinalo; kaloku unyanisekile lowo usithembisileyo.
  KUMAHEBHERE 10:23ukuthembekaithembaukuvuma
• Kambe ke bona abakholosa ngoNdikhoyo
  bosuka bahlaziyeke bomelele.
  Bosuka bantinge baxel' ukhozi;
  noba sebebaleka, soze badinwe;
  ewe, baya kuhamba bangaze batyhafe.
  UISAYA 40:31ithembaukhuthazoamandla
• Noba sewucand' emanzini,
  mna ndiya kuba nawe;
  noba sowuwela imilambo,
  ayisoze ibe nako ukukukhukulisa;
  nditsho sowucand' emlilweni, soze urhawuke;
  amadangatye akanakukutshisa wena.
  UISAYA 43:2thembelaukhuthazo
• Uthembekile lo unibizayo; uya kuyenza yonke le nto.
  1 KWABASETESALONIKA 5:24ubizouthembekileILizwi likaThixo
• Kodwa ke, emva kwezo mbandezelo zomzuzwana, uThixo umthombo wesisa owanibizayo ngokumanywa kwenu noKrestu, khon' ukuze nibe nenxaxheba kubuqaqawuli bakhe obungapheliyo, uya kunihlaziya anomeleze, anixhobise, nime ngxishi.
  1 KAPETROS 5:10ubabaloubomi obungunaphakadeukubandezeleka
• Celani nophiwa, funani nofumana, nkqonkqozani novulelwa.
  UMATEWU 7:7ibuyiseloukufunaukwamkela
• Ke iNkosi ayikubambezeli ukuzalisekiswa kwesithembiso esenzileyo, njengoko abanye baba kunjalo. Nto nje ininyamezele kuba ingafuni kutshabalale mntu. Koko ifuna wonke ubani afumane ithuba lokuguquka.
  2 KAPETROS 3:9usindisoumondeuguqulo
• Khumbulani kaloku ukuba uNdikhoyo uThixo wenu lo nguThixo ekukuphela kwakhe, kungekho wumbi ngaphaya; futhi ke uthembekile. Uyawugcina umnqophiso wakhe, futhi izibele zakhe ziphuphumela kwâbo bamthandayo beyigcina imiyalelo yakhe kuse kumawaka ezizukulwana.
  UHLAZIYO-MNQOPHISO 7:9ukuthembekaumthethouThixo
• Waza wathi kuye uYesu: “Ndim uvuko; ndim ubomi. Lowo ukholwayo kum wodla ubomi nokuba ebefile. Wonke odla ubomi ekholwa kum, soze afe naphakade. Ke wena ngaba uyakholwa koku?”
  UYOHANE 11:25-26ukholoukufauvuko
• Xa ke kanti, mawethu, izithembiso ezinje zenzelwa thina, masizenze sibe nyulu emzimbeni nasemphefumlweni, sibe ngcwele ngokuhlala simoyika uThixo.
  2 KWABASEKORINTE 7:1ukusulungekiswaubungcweleukumoyika uthixo
• UThixo yena akamntu;
  akaxoki, akaguqu-guquki okomntu.
  Akakufezekisi na akuthembisileyo?
  Akakuphumelelisi na akuthethileyo?
  EYASENTLANGO 23:19uThixoukuthembekaukuxoka
• Uyabona, ndimi emnyango ndinkqonkqoza. Ukuba umntu uyeva aze avule, ndiya kungena ndihlale naye, sitye kunye.
  ISITYHILELO 3:20ukuthobelaukutyaukuphulaphula
• Lowo woyisileyo wovatha ezimhlophe. Andisoze ndilicime igama lakhe kuludwe lwamagama abo baphilayo. Kaloku ndiya kumvuma ukuba ungowam phambi kukaBawo nezithunywa zakhe.
  ISITYHILELO 3:5ukoyisaizuluukuvuma
• Ezi zipho zisisiqinisekiso sezinto ezinkulu nezimangalisayo asenzela zona: uThixo usenza sibe nenxaxheba kubomi bakhe, sikuphephe ukonakaliswa lihlabathi elikhohlakeleyo.
  2 KAPETROS 1:4ibuyiseloiminqwenoumhlaba
• Umqondiso walo mnqophiso endikwenzela wona kunye nazo zonke izinto eziphilayo, ngumnyama oya kubakho esibhakabhakeni. Nguwo lowo umqondiso womnqophiso ongasoze ujike endiwenzela abantu nalo lonke elimiweyo.
  EYEZIQALO 9:12-13umnqophiso
• Kaloku uThixo ihlabathi ulithande kangangokuba ude wancama uNyana okuphela kwakhe, ukuze wonke umntu ozinikele kuye ngokupheleleyo angatshabalali, koko abe nobona bomi bungenasiphelo.
  UYOHANE 3:16ubabaloubomi obungunaphakadeukholo
• Ngoku ke sendiza kufa. Nazi mhlophe ezintliziyweni zenu nasemiphefumlweni yenu ukuba akukho nanye into ayithembisileyo angayenzanga uNdikhoyo; ewe, akukho nanye into ayithethileyo angayiphumelelisanga.
  UYOSHUWA 23:14ukuthembekaintliziyoumphefumlo
• Bahlobo bam, singabantwana bakaThixo ngoku, kodwa ke into esiya kuba yiyo ayikacaci. Siyazi kambe ukuba akufika uKrestu siya kufana naye, kuba soba simbona njengoko anjalo. Wonke umntu oneli themba kuKrestu uzenza nyulu kanye njengokuba noKrestu enyulu.
  1 KAYOHANE 3:2-3ukusulungekiswausaphoizulu
• Ewe, umthàmbo owenzelwa ukolula amalungu omzimba unendawo yawo. Kodwa ke uphelele apho. Kanti kona ukukhonza uThixo kunenzuzo egqithileyo, kuba akuthembisi bomi balapha kuphela, kuthembisa nobelizayo.
  1 KUTIMOTI 4:8impiloukuthobelaubomi
• Kodwa ke iziBhalo ngokwazo zithi ihlabathi liphela lilawulwa sisono. Ngale ndlela ke isithembiso sifumaneka ngokholo kuYesu Krestu, futhi ke sizuzwa ngâbo bakholwayo bodwa.
  KUMAGALATI 3:22isonothembelaukholo
• Ngoko ke yena uKrestu ungunozakuzaku womnqophiso omtsha, ukuze abantu ababiziweyo nguThixo balizuze ilifa laphakade ababelithenjisiwe. Kaloku ngokufa kwakhe uzicimile izono ababezenzile ngexesha lomnqophiso wokuqala.
  KUMAHEBHERE 9:15umthethoUMsindisiumlamli
• Ndithi andisobe ndizitshabalalise ngemvula kwakhona izinto eziphilayo. Ilizwe alisobe liphinde lipheliswe ngemvula. Ngumnqophiso wam lowo.
  EYEZIQALO 9:11ukhuselekoumnqophiso
• Xa wenze isifungo kuThixo, khawuleza usifezekise. Kaloku yena akavani nezityhakala; ngoko ke siphumelelise isifungo sakho.
  AMAVA ENGQONDI 5:4ukuthembekaukuthobela