Iivesi zeBhayibhile malunga nokuvuma

«»

• Nawuphi na umntu ovumayo ukuba uYesu nguNyana kaThixo, uhlala emanyene noThixo, noThixo uhlala emanyene naye.
  1 KAYOHANE 4:15 UYesu ubomi
• Masithi nca kwisivumo seli themba sinalo; kaloku unyanisekile lowo usithembisileyo.
  KUMAHEBHERE 10:23 ukuthembeka ithemba izithembiso
• Bathi bebonke bavume bengafihlisi
  ukuba uYesu Krestu yiNkosi,
  bebonakalisa ubungangamsha bukaThixo onguBawo.
  KWABASEFILIPI 2:11 uThixo ukuthobela
• Umoya wam uthi: “Isabelo sam nguNdikhoyo;
  ngako oko ndiya kukholosa ngaye.”
  IZILILO 3:24 ithemba ukuthanda izinto eziphathekayo
• Kaloku umntu ukholwa ngentliziyo, aze abe lilungisa phambi koThixo; uvuma ngomlomo, aze asindiswe.
  KWABASEROMA 10:10 ukholo ukuthetha usindiso
• Kuba iziBhalo zithi:
  “Ndingophilayo nje, itsho iNkosi, aya kugoba kum onke amadolo,
  zimdumise uThixo zonke iilwimi.”
  KWABASEROMA 14:11 ukuthobeka unqulo dumisani
• Ukuba uthe wavuma ngomlomo ukuba uYesu yiNkosi, wakholwa nangentliziyo ukuba uThixo wamvusa kwabafileyo, wosindiswa.
  KWABASEROMA 10:9 ukholo ukuthetha UYesu
• Kolu gqatso lokholo yenza konke okusemandleni ukuze ubufumane ubomi obungonaphakade. Ewe, kaloku wabizelwa yona le njongo, ngokuya wawusenza isivumo sokholo phambi kwamangqina amaninzi.
  1 KUTIMOTI 6:12 ubomi obungunaphakade ukholo ukoyisa
• Ndithe ke ndakusivuma kuwe isono sam,
  ndabuxela ubugwenxa bam, ndisithi:
  “Ndisixela kuwe, Ndikhoyo, isono sam;”
  wandixolela wena ityala lam.
  INdumiso 32:5 ukuvuma izono isono uxolelo
• Ngubani loo Ngangalala yoKumkani?
  NguNdikhoyo onamandla onke;
  nguye uKumkani, nguye iNgangalala.
  INdumiso 24:10 unqulo ubukumkani
• Lowo woyisileyo wovatha ezimhlophe. Andisoze ndilicime igama lakhe kuludwe lwamagama abo baphilayo. Kaloku ndiya kumvuma ukuba ungowam phambi kukaBawo nezithunywa zakhe.
  ISITYHILELO 3:5 ukoyisa izithembiso izulu
• Kaloku omphikayo uNyana uyamphika kwanoYise; ukanti ke omamkelayo uNyana umamkele noYise.
  1 KAYOHANE 2:23 UYesu UTata ukuvuma izono
• Ningawuphawula ngale nto ke wona umoya ovela kuThixo: Ukuba umntu uyavuma ukuba uYesu Krestu weza engumntu, unoMoya ovela kuThixo. Kanti ke ukuba akayivumi loo nto, akanaye uMoya ovela kuThixo loo mntu unjalo. Loo moya anawo ngokamchasi-Krestu. Nanivile ukuba uya kuze afike; ukho ke ngoku ehlabathini.
  1 KAYOHANE 4:2-3 Umoya UYesu
• Kwavakala izwi, livela ezulwini, lisithi: “Lo nguNyana wam endimthandayo; ndikholisiwe nguye.”
  UMATEWU 3:17 UYesu uThixo