Iivesi zeBhayibhile malunga nokoyisa

«»

• Ndinixelele ezi zinto ukuze nibe noxolo, kuba nimanyene nam. Ehlabathini niya kubandezeleka; kodwa musani ukuxhalaba, kuba mna ndiloyisile ihlabathi.
  UYOHANE 16:33 ukhuthazo uxolo umhlaba
• Musa ukoyiswa bububi; boyise ububi ngokulungisa.
  KWABASEROMA 12:21 ububi ukulunga izithixo
• Kaloku akukho nanye into enokumnqabela uThixo.
  ULUKA 1:37 imimangaliso usomandla
• Kaloku wonke umntwana kaThixo uyaloyisa eli hlabathi. Ke kaloku ihlabathi siloyisa ngokukholosa ngoThixo.
  1 KAYOHANE 5:4 ukholo uThixo ukuzalwa ngokutsha
• Kanti ke, kwezi zinto zonke sisuka soyise sitshatshele ngalowo wasithandayo.
  KWABASEROMA 8:37 uThixo uthando
• Makubulelwe ke kuThixo osinika uloyiso ngayo iNkosi yethu uYesu Krestu!
  1 KWABASEKORINTE 15:57 UYesu umbulelo
• Kambe ke, wena Ndikhoyo, ulikhaka lam.
  Usisidima sam; undenza ndibe neqhayiya.
  INdumiso 3:3 ukuxhomekeka ukukhuselwa
• Ngoko ke, thina siphahlwe ngamangqina amaninzi kangaka nje, masiyilahle ke yonke into enokusibambezela, ingakumbi isono, kuba sona siyarhintyela. Masingene kolu gqatso luphambi kwethu sizimisele.
  KUMAHEBHERE 12:1 isono ubomi
• Olu khanyiso lukhanya ebumnyameni; kwaye ubumnyama abuzange bukoyise ukukhanya kwalo.
  UYOHANE 1:5 ububi ukukhanya
• Kolu gqatso lokholo yenza konke okusemandleni ukuze ubufumane ubomi obungonaphakade. Ewe, kaloku wabizelwa yona le njongo, ngokuya wawusenza isivumo sokholo phambi kwamangqina amaninzi.
  1 KUTIMOTI 6:12 ubomi obungunaphakade ukholo ukuvuma
• Ke nina, zihlobo zam, ningabantwana bakaThixo. Ninamandla kunabashumayeli abaxokayo. Kaloku lowo ninefuthe lakhe mkhulu kunalowo linefuthe lakhe ihlabathi.
  1 KAYOHANE 4:4 usindiso usomandla isiprofeto
• Hlalani nithe qwa, nilumke! Kaloku ummangaleli wenu umtyholi ugquma njengengonyama. Uyajikeleza; uzingela umntu angamqwengayo.
  1 KAPETROS 5:8 iminqweno intshutshiso umtyholi
• Akukho mntu unokuloyisa ihlabathi ngaphandle kwalowo ukholwayo ukuba uYesu nguNyana kaThixo.
  1 KAYOHANE 5:5 ukholo UYesu umhlaba
• Lowo woyisileyo uya kuba nenxaxheba ebhotwe. Kaloku nam ndoyisa ndaza ndafumana inxaxheba yokungqendeva noBawo ebhotwe.
  ISITYHILELO 3:21 ibuyiselo izulu UYesu
• Lowo woyisileyo wovatha ezimhlophe. Andisoze ndilicime igama lakhe kuludwe lwamagama abo baphilayo. Kaloku ndiya kumvuma ukuba ungowam phambi kukaBawo nezithunywa zakhe.
  ISITYHILELO 3:5 izithembiso izulu ukuvuma
• Sisindise, siyakubongoza, Ndikhoyo!
  Awu, siyatarhuzisa, Ndikhoyo; masiphumelele ngawe!
  Banoyolo abangena ngegama likaNdikhoyo;
  siyanithamsanqela thina sisendlwini kaNdikhoyo.
  INdumiso 118:25-26 ipasika intsikelelo usindiso
• Vuya ngenene, ntombindini inguZiyon!
  Danduluka, wena ntombi inguJerusalem!
  Khangela, ukumkani wakho uza kuwe enobulungisa, engumoyisi,
  ethobekile, ekhwele idonki,
  nditsho ithole, inkonyane yedonki.
  UZAKARIYA 9:9 isiprofeto ipasika ukuthobeka