Iivesi zeBhayibhile malunga nokukhanya

«»

• Khawuvuke! Vuka, Jerusalem!
  Khanya! Ukhanyiso lwakho luthwasile;
  isihomo sikaNdikhoyo sikujikelezile.
  UISAYA 60:1 ixabisekile uThixo ubuhle
• UYesu waphinda wabhekisa ebantwini wathi: “Ndim ukhanyiso lwehlabathi. Lowo undilandelayo soze ahambe ebumnyameni; woba nokhanyiselo olunika ubomi.”
  UYOHANE 8:12 UYesu ubomi ukulandela
• Ilizwi lakho sisibane sendlela yam;
  liyandikhanyisela eluhambeni.
  INdumiso 119:105 ILizwi likaThixo
• Olu khanyiso lukhanya ebumnyameni; kwaye ubumnyama abuzange bukoyise ukukhanya kwalo.
  UYOHANE 1:5 ububi ukoyisa
• Nina nilukhanyiso lwehlabathi. Umzi omi phezu kwentaba awunakufihlakala.
  UMATEWU 5:14 ubulungisa ukuvangela ubomi
• Wanga angakuthi jize ngamathamsanqa uNdikhoyo,
  akulondoloze.
  Wanga angayindlezane kuwe uNdikhoyo,
  usixhamle isisa sakhe.
  Wanga angakwazelelela uNdikhoyo,
  akwambathise uxolo.
  EYASENTLANGO 6:24-26 ubabalo intsikelelo uxolo
• InguNdikhoyo nje ondikhanyiselayo,
  inguye nje ondisindisayo, ndingoyika ntoni?
  InguNdikhoyo nje inqaba yam, ndingoyika bani?
  INdumiso 27:1 ukhuseleko uloyiko
• Thina kaloku sanikwa lo myalelo yiNkosi:
  “ ‘Ndikumisele ukuba ube sisibane sokukhanyisela iintlanga,
  ube yindlela yokusindiswa kwalo lonke elimiweyo.’”
  UMSEBENZI WABATHUNYWA 13:47 ukuvangela usindiso
• Kananjalo isibane asilunyekwa siqutyudelwe ngethunga; koko sixhonywa endaweni yaso, sikhanyisele bonke abasendlwini. Makukhanye ngokukwanjalo ukukhanya kwenu phambi kwabantu, ukuze bayibone imisebenzi yenu elungileyo, bamdumise uYihlo osezulwini.
  UMATEWU 5:15-16 ukuvangela unqulo ukulunga
• Nguye umtyhili weentsonkotha ezifihlakeleyo;
  nezisemnyameni izinto yena uyazazi.
  Ngenene yena ulikhaya lokukhanya.
  UDANIYELI 2:22 usomandla isono ububi
• Nalu ke udaba endaluva ngoNyana kaThixo, nendinixelela lona: UThixo ukukukhanya; abukho konke kuye ubumnyama.
  1 KAYOHANE 1:5 isono uThixo
• Lithi lakuchazwa ilizwi lakho kutsho kuthi qwenge;
  abangazi nto libanika ukuqonda.
  INdumiso 119:130 ILizwi likaThixo ukuqonda
• Nani benifudula nihleli ebumnyameni. Nithe ke nakuba ngamaKrestu, nasekukhanyeni. Ngoko ke ziphatheni ngokwabantu abaqheleneyo nokukhanya.
  KWABASE-EFESE 5:8 abantwana ubomi
• Zilahlele kuNdikhoyo, ukholose ngaye;
  yena ke wokwenzelelela.
  Wobutyhila bukhanye njengelanga ubulungisa bakho,
  kucace mhlophe ukulunga kwakho.
  INdumiso 37:5-6 thembela ubulungisa ubomi
• Kodwa ke ukuba sihleli ekukhanyeni njengaye uThixo, siba nobudlelane. Ke lona igazi likaYesu uNyana wakhe lisihlambulula kuso sonke isono.
  1 KAYOHANE 1:7 ukusulungekiswa umbingelelo uluntu
• Wathi uThixo makubekho ukukhanya. Kwabakho ukukhanya.
  EYEZIQALO 1:3 indalo ukuthetha
• Kambe ke nina niluhlanga olukhethekileyo, ababingeleli basebhotwe, isizwe esinyulu, imilowo yakwaThixo. UThixo unikhethele ukuze nivakalise isidima nesihomo sakhe. Kaloku wanibiza nisebumnyameni, wanizisa ekukhanyeni okumangalisayo.
  1 KAPETROS 2:9 ukuvangela usindiso ubungcwele
• Ndiyamcela ukuba anikhanyisele nibe nokuqonda, khon' ukuze nilazi ithemba anibizele kulo, niziqonde iintsikelelo ezingaka ezililifa lemilowo yakhe.
  KWABASE-EFESE 1:18 ukuqonda ithemba ukwamkela
• Akukho bani uthi, esilumekile isibane, asigqume ngesitya, okanye asifake ngaphantsi kwebhedi. Usixhoma endaweni yaso, ukuze abangenayo bakhanyiselwe.
  ULUKA 8:16 ukunyaniseka ubungcwele
• Kaloku apho kukhoyo ukukhanya, kulapho kuntshula khona konke ukulunga, nabo bonke ubulungisa, nenyaniso.
  KWABASE-EFESE 5:9 ukulunga ubulungisa inyaniso
• Musani ukuzilinganisa nizifanise nabantu abangakholwayo, kuba àyenziwa loo nto. Ingádibana njani into elungileyo nengalunganga? Kungahlala njani ukukhanya ndawonye nobumnyama?
  2 KWABASEKORINTE 6:14 umthetho ubulungisa ubudlelwane
• Usisibane sokundikhanyisela, wena Ndikhoyo;
  undigxothela ubumnyama, wena Thixo.
  INdumiso 18:28 ukuxhomekeka ukukhuselwa
• Ndisisicaka sakho, Ndikhoyo, ndikhangele ngobubele;
  ndihlangule ezintshabeni zam ngenxa yezibele zakho.
  INdumiso 31:16 intsikelelo uthando usindiso
• Konke ukupha naso sonke isipho esifezekileyo sivela phezulu kuThixo, umdali wezikhanyiso zesibhakabhaka. Yena akaguqu-guquki aphinzi-phinzize.
  EKAYAKOBI 1:17 ukuthembeka UTata ngokungenatyala
• Awu, Thixo Somandla, yiba nebuyambo;
  velana nathi usisindise!
  INdumiso 80:19 usindiso ukuxhomekeka usomandla