Iivesi zeBhayibhile malunga noYesu

«»

• Ondele kubo, uYesu wathi: “Kubantu oku akunakwenzeka, kodwa kuThixo akunakungenzeki, kuba zonke izinto zinokwenzeka kuThixo.”
  UMARKO 10:27 imimangaliso usindiso
• Amehlo ethu makathi ntsho kuYesu; kaloku síxhomekeke kuye isiqalo ndawonye nekamva lokholo lwethu. Ewe kaloku, yena wathi, ngenxa yenyhweba eyayimlindele, wawunyamezela umnqamlezo, walidela nehlazo lawo; kungokunje uhleli ewongeni kwibhotwe likaThixo.
  KUMAHEBHERE 12:2 ukholo UMsindisi ukubethelwa emnqamlezweni
• UYesu wathi kuye: “Bendingatshongo na kuwe okokuba uya kuwabona amandla kaThixo ukuba uyakholwa?”
  UYOHANE 11:40 ukholo
• Nawuphi na umntu ovumayo ukuba uYesu nguNyana kaThixo, uhlala emanyene noThixo, noThixo uhlala emanyene naye.
  1 KAYOHANE 4:15 ubomi ukuvuma
• Njengoko nimanywe noYesu Krestu izimvo zenu mazifane nezakhe.
  KWABASEFILIPI 2:5 ubungcwele
• Ndizinika ubomi obungenasiphelo. Azisoze zitshabalale, kwaye akukho bani unokuzihlutha kum. Kaloku uBawo ondinike zona unamandla; noko ke akukho bani unokuhlutha nto kuye. Ke mna noBawo sibanye.
  UYOHANE 10:28-30 ubomi obungunaphakade UTata
• Phofu ke ungxwelerhwe ngenxa yokukreqa kwethu;
  ewe, ubulewe ngenxa yobugwenxa bethu.
  Ukohlwaywa kwakhe kusiphathele uxolo;
  thina sinyangwe ngamanxeba akhe.
  UISAYA 53:5 isono ukuphilisa
• Usindiso lufumaneka ngaye kuphela, kuba akukho wumbi emhlabeni ogama uThixo alinike uluntu, esingasindiswa ngalo.
  UMSEBENZI WABATHUNYWA 4:12 usindiso
• Nantsi indlela asibonise ukusithanda kwakhe ngayo uThixo: Wathumela uNyana okuphela kwakhe emhlabeni, ukuze thina sidle ubomi ngaye.
  1 KAYOHANE 4:9 uthando ubomi umhlaba
• Kuba apho bathe bahlangana khona egameni lam ababini nokuba ngabathathu, nam ndikho phakathi kwabo.
  UMATEWU 18:20 uluntu umthandazo icawa
• Waza uYesu wathi: “Oko aba umntu akunakwenzeka, kunokwenziwa nguThixo.”
  ULUKA 18:27 imimangaliso usindiso
• Makubulelwe ke kuThixo osinika uloyiso ngayo iNkosi yethu uYesu Krestu!
  1 KWABASEKORINTE 15:57 umbulelo ukoyisa
• Ukuba uthe wavuma ngomlomo ukuba uYesu yiNkosi, wakholwa nangentliziyo ukuba uThixo wamvusa kwabafileyo, wosindiswa.
  KWABASEROMA 10:9 ukholo ukuthetha ukuvuma izono
• Umyalelo endiniyala ngawo ngowokuba nithandane njengoko mna ndanithandayo.
  UYOHANE 15:12 umthetho uthando
• Nalowo uthe akawuthwala umnqamlezo wakhe andilandele, akandifanelanga.
  UMATEWU 10:38 ukubandezeleka ukulandela ukubethelwa emnqamlezweni
• Yaye uThixo wam wonibonelela kuzo zonke iintswelo zenu ngendyikityha yendyebo yakhe ekuKrestu Yesu.
  KWABASEFILIPI 4:19 thembela intsikelelo
• Kaloku mnye uThixo, ukwamnye nalowo ungumxolelanisi kaThixo nomntu. NguKrestu Yesu ongumntu ncakasana.
  1 KUTIMOTI 2:5 uThixo umlamli
• UYesu waphinda wabhekisa ebantwini wathi: “Ndim ukhanyiso lwehlabathi. Lowo undilandelayo soze ahambe ebumnyameni; woba nokhanyiselo olunika ubomi.”
  UYOHANE 8:12 ubomi ukulandela umhlaba
• Ubabalo lweNkosi uYesu Krestu maluhlale nani nonke.
  KUFILMON 1:25 ubabalo intsikelelo
• Hlalani nithandana kanye ngale ndlela wanithanda ngayo uKrestu. Yena wazincama ngenxa yenu, wazenza umnikelo nedini elivumba limnandi kuThixo.
  KWABASE-EFESE 5:2 uthando umbingelelo
• UYesu Krestu lo wayizolo, usekwanguye nanamhla, nangomso, nanini nanini.
  KUMAHEBHERE 13:8 ukuthembeka
• Ubabalo lweNkosi uYesu maluhlale kuni nonke.
  ISITYHILELO 22:21 ubabalo intsikelelo
• Hlonelani iNkosi uKrestu ehleli kuni ngaphakathi, nihlale nilungele ukuphendula nabani na onibuza ngethemba eniqamele ngalo.
  1 KAPETROS 3:15 ukuvangela ithemba
• Singumsebenzi wezandla zikaThixo ke thina. Kaloku simanywe noYesu Krestu nje, uThixo wasidalela ukuba sizinikele ekwenzeni imisebenzi emihle awasimisela yona kwangaphambili.
  KWABASE-EFESE 2:10 indalo ukulandela ubuhle
• Kanti ngenene buthwelwe nguye ubuthathaka bethu,
  inkxwaleko yethu yâsemagxeni akhe.
  Ngenene thina besiba ubandezelekile,
  sisithi uyabethwa nguThixo.
  UISAYA 53:4 ukubandezeleka ukugula ukubethelwa emnqamlezweni