Iivesi zeBhayibhile malunga nokuthanda izinto eziphathekayo

«»

• Kaloku zange size nanto ehlabathini; ngoko ke siya kumka singaphathanga nto. Kambe ke, ukuba sinako ukutya nempahla yokunxiba masaneliswe.
  1 KUTIMOTI 6:7-8ukutyaukwanelisekaumhlaba
• Umntu oyinyolukeleyo imali soze imanelise;
  kanti ke noxhinele ubutyebi akaze aneliswe yingeniso yakhe.
  Nale ke into ngamampunge.
  AMAVA ENGQONDI 5:10imaliukubawa
• Ze ningaziqwebeli ubutyebi emhlabeni, apho konakalisa inundu nomhlwa, nalapho amasela aqhekezayo ebe. Koko ziqwebeleni ubutyebi ezulwini, apho kungonakalisi nundu namhlwa, nalapho amasela angaqhekeziyo ebe.
  UMATEWU 6:19-20ukubawaizulu
• Kuba kaloku komnceda ntoni umntu, ukuba uthe walizuza ihlabathi liphela, kodwa walahlekelwa bubomi bakhe?
  UMARKO 8:36ukubawaubomiumhlaba
• Wathi kubo: “Kulumkeleni konke ukubawa, kuba ubomi bomntu abuxhomekekanga ebuninzini bezinto anazo.”
  ULUKA 12:15imaliukubawaukwaneliseka
• Musani ukuba ngamathandamali. Yanelani yinto eninayo. Kaloku uThixo uthi: “Andiyi kukuyekela; ndingayi kukufulathela.”
  KUMAHEBHERE 13:5thembelaimaliityala
• Ngoko ke asilangazeleli zinto zibonwayo, silangazelela ezingabonwayo. Kaloku ezibonwayo izinto zezexeshana nje, kanti ezingabonakaliyo ziya kuhlala zihleli.
  2 KWABASEKORINTE 4:18ubomi obungunaphakadeukuqonda
• Kubhetele ukuba lihlwempu elihlonela uNdikhoyo
  kunokuba sisinhanha esiphethwe ngamaxhala.
  IZAFOBE 15:16imaliukumoyika uthixo
• Abo baxhinele ubutyebi beyela kwizilingo nemigibe, bathi bexinwe yiminqweno yobudenge eyingozi, batshone ebundlavinini nasekutshabalaleni.
  1 KUTIMOTI 6:9imaliukubawa
• Mhla wavela umntu uzalwa ngunina ezé;
  mhla andulukayo uhamba kwangolo hlobo eze ngalo.
  Kuko konke ukubulaleka kwakhe umntu apha emhlabeni
  umka engaphathanga nto ngesandla sakhe.
  AMAVA ENGQONDI 5:15ukubawaizulu
• Kaloku apho bukhoyo ubutyebi benu, yoba lapho nentliziyo yenu.
  UMATEWU 6:21imaliintliziyoiminqweno
• Kulungile ukuzuza ubulumko kunokufumana igolide;
  kungcono ukukhetha ulwazi kunokwamkela isiliva.
  IZAFOBE 16:16imaliubulumko
• UYesu wathi kuye: “Ukuba ufuna ukufeza konke ngokupheleleyo, hamba uye kuzithengisa zonke izinto onazo, wabele amahlwempu imali leyo; woba nobutyebi ezulwini; uze kum ke, undilandele.”
  UMATEWU 19:21ngokungenatyalaukuphaizulu
• Abafazi bona mabandileke, banxibe ngesidima, bathozame; iinwele bangazihombisi ngokugqithisileyo. Mabangayokozeli ngamaso egolide, nawamatye exabiso, bawunduzelise ngeelokhwe zeendleko. Ndaweni yaloo nto mababe nemisebenzi emihle efanele amakhosikazi abanga igama lobuKrestu.
  1 KUTIMOTI 2:9-10ubuhleunquloukulunga
• Bayale abantu abanobutyebi beli hlabathi bangaziphakamisi baqamele ngento engaqinisekanga njengemali, koko mabathembele kuThixo, kuba yena unezinwe, unako ukusenza sixhamle zonke izinto sonwabile.
  1 KUTIMOTI 6:17imaliuvuyoikratshi
• Ndikhwebule kubuqhetseba nokuxoka;
  mandingade ndibe sisityebi okanye ndihlwempuzeke,
  nto nje ndiqhekezele isonka sam semihla ngemihla.
  IZAFOBE 30:8ukutyaimaliukuthembeka
• Ngoko ke yitshitshiseni iphele kuni imikhwa yeli hlabathi: ukurheletya, ukungcola, ukutshiseka, iinkanuko, nokunyoluka okukwalunqulo-zithixo.
  KWABASEKOLOSE 3:5isonoiminqwenoizithixo
• Kaloku komnceda ntoni na umntu, ukuba uthe walizuza ihlabathi liphela, kodwa walahlekelwa bubomi bakhe? Okanye umntu angakhupha ntoni na exabisekileyo ukuze angàlahlekelwa bubomi bakhe?
  UMATEWU 16:26ubomiumphefumloumhlaba
• Ewe kambe, unqulo luyamtyebisa umntu ukuba uyaneliswa zezo zinto anazo.
  1 KUTIMOTI 6:6ukholouvuyoukwaneliseka
• Igama elihle lilungile ngaphezu kwentabalala yobutyebi;
  ukuba nesidima kungaphezu kwayo isiliva negolide.
  IZAFOBE 22:1imaliubudlelwane
• Umntu onjalo ulibala imini yonke kukucinga ngezinto azifunayo;
  kanti ke yena umntu olungileyo unezinwe uyapha.
  IZAFOBE 21:26ukubawaukuphaiminqweno
• Ubutyebi bomntu abumsindisi kwingqumbo kaThixo;
  sisimo esisulungekileyo kuphela esimhlangulayo umntu ekufeni.
  IZAFOBE 11:4imaliubulungisaisohlwayo
• Ewonke amakholwa ayevana entliziyo-nye. Akukho bani wayekubanga oko anako, kuba babesabelana ngezinto zonke abanazo.
  UMSEBENZI WABATHUNYWA 4:32uluntu
• Kaloku ubutyebi busuka buthi shwaka ngephanyazo;
  ungáde ucinge ukuba busuke bantshula amaphiko bantinga njengokhozi.
  IZAFOBE 23:5imaliiminqweno
• Izinhanha zicinga ukuba ubutyebi yinqaba yazo;
  kuzo ngathi buludonga oluphakamileyo lokuzifihla.
  IZAFOBE 18:11imali