Iivesi zeBhayibhile malunga nesohlwayo

«»

• Mfo wam, musa ukuyidela ingqeqesho kaNdikhoyo,
  ungasicekisi isiluleko sakhe.
  Kaloku uNdikhoyo uyamluleka umntu amthandayo,
  kwanjengokuba uyise emohlwaya unyana anebhongo ngaye.
  IZAFOBE 3:11-12uthandoUTataukufunda
• Abo ndibathandayo ndiyabakhalimela ndibohlwaye. Ngoko ke zimisele, uguquke.
  ISITYHILELO 3:19uthandoubomiuguqulo
• Umntu ondwebileyo uthi akuyibona ayicezele ingozi,
  kanti ke yena ongaqiqiyo uphoseka kuyo enzakale.
  IZAFOBE 27:12ingqondoukhuselekoukukhuselwa
• Bonke abonileyo bengekho phantsi komthetho kaMosis, baya kutshabalala bengaphandle kwawo; nabo bonke abonileyo bephantsi komthetho kaMosis, baya kugwetywa ngawo.
  KWABASEROMA 2:12isonoumthethoumgwebo
• Kambe ke, xa sisephantsi kwayo, ingqeqesho ayivakali iluyolo, koko ibuhlungu; kodwa ke abo bayinyamezelayo baba nobomi obusulungekileyo obuyondeleleneyo.
  KUMAHEBHERE 12:11ubulungisauxoloabantwana
• Xa umntu one engaqondanga ngokwaphula nayiphi na imimiselo kaNdikhoyo, loo mntu unetyala, yaye uya kuluthwala olo xanduva.
  EYONQULO 5:17isonoumthetho
• Ke isicaka esingaqondiyo sisuke senze okufanelwe yimivumbo, siya kubethwa ibe mbalwa. Kubo bonke abanikwe okuninzi, kuya kufunwa okuninzi; nakulowo unikwe ngokungaphezulu, kuya kubizwa ngokungaphezulu.
  ULUKA 12:48ubulungisaukuthobela
• Guqukani! Rhoxani kuzo zonke izikreqo enizenzayo, ukuze ningatshabalali ngenxa yenkohlakalo yenu.
  UHEZEKILE 18:30buguquloisono
• Alukho uloyiko apho kukho uthando, kuba uthando oluyondeleleneyo luyakugxotha ukoyika. Kaloku emntwini owoyikayo uthando alukayondelelani, kuba ukoyika kuhambisana nesohlwayo.
  1 KAYOHANE 4:18uthandouloyiko
• Ewe, unenyhweba umntu olulekwa nguThixo;
  ngoko ke sukuyidela ingqeqesho kaSomandla!
  UYOBI 5:17ukubandezelekaintsikelelo
• Ungaze ulikhankanye ngelize igama lam; mna Ndikhoyo Thixo wakho andiyi kumxolela ofumana alibize igama lam.
  UHLAZIYO-MNQOPHISO 5:11umthetho
• Qondani kaloku nizikise ukuba uNdikhoyo uThixo wenu uyaniqeqesha njengomzali eqeqesha abantwana bakhe.
  UHLAZIYO-MNQOPHISO 8:5UTataukufunda
• Lowo ukholwayo abhaptizwe wosindiswa; ke yena ongakholwayo wogwetywa.
  UMARKO 16:16ukholousindisoubhaptizo
• Umntu ovana nezilumko naye uba sisilumko;
  ke yena otshomana nezityhakala uyenzakala.
  IZAFOBE 13:20ubulumko
• Nakanye! Inene, nani ukuba anithanga niguquke, notshabalala kwangokunjalo nonke.
  ULUKA 13:3uguquloinguquko
• Ngaphezu koko ke, mawethu, musani ukufunga xa nisenza isithembiso; nditsho nangezulu, umhlaba, nangantoni na. Xa nivuma yithini: “Ewe,” nithi: “Hayi,” xa nisala, kube kuphela, ukuze ningabi sesichengeni sokugwetywa.
  EKAYAKOBI 5:12ukunyanisekainyanisoukuthetha
• Ngoko ke àbagwetywa abo bamanywe noKrestu Yesu. Kaloku ngokumanywa kwam noKrestu Yesu, uMoya umniki-bomi undikhulule ekulawulweni sisono nakukufa.
  KWABASEROMA 8:1-2umthethoumgweboumhlawuleli
• Kodwa ke iNkosi iyabahlangula ezilingweni abantu abayithobelayo. Ke bona abangayithobeliyo ibagcinele ukubohlwaya ngomhla womgwebo.
  2 KAPETROS 2:9isilingoumgwebousindiso
• Lushumayele udaba, zingisa ukuluvakalisa ngamathuba alungileyo naxakileyo. Baqononondise abantu, ukhalime, ubakhuthaze, ufundisa ngomonde.
  2 KUTIMOTI 4:2ukuvangelaumonde
• Abangenabani ubenzela izihlobo.
  Amabanjwa uwakhokelela enyhwebeni;
  ke bona abavukeli bohlala kwelingumqwebedu.
  INdumiso 68:6inkululekoukuthobelaubuhlobo
• UNdikhoyo ngumkhuseli wabahambi nabangeneleli,
  umxhasi wabahlolokazi neenkedama.
  Ke bona abakhohlakeleyo uyabatshabalalisa.
  INdumiso 146:9ukukhuselwaiinkedamaabahlolokazi
• Kodwa isono sika-Adam asinakulinganiswa nesisa sikaThixo. Kaloku naxa kwafa abantu abaninzi nje ngenxa yesono salowo mnye unguAdam, lona ubabalo lukaThixo esalufumana ngaloo mntu mnye unguKrestu, lwaphuphumela kubantu abaninzi ngakumbi.
  KWABASEROMA 5:15isonoubabaloUYesu
• Ke ngoko, ndithi kuni, zonke izono nezinyeliso baya kuzixolelwa abantu, kodwa kona ukunyelisa uMoya oyiNgcwele akuyi kuxolelwa.
  UMATEWU 12:31isonouxoleloUmoya
• Ubutyebi bomntu abumsindisi kwingqumbo kaThixo;
  sisimo esisulungekileyo kuphela esimhlangulayo umntu ekufeni.
  IZAFOBE 11:4imaliubulungisaukuthanda izinto eziphathekayo
• Xa isohlwayo setyala singàphunyezwa msinya abantu baqhubela phambili ukwenza ububi.
  AMAVA ENGQONDI 8:11isonointliziyoububi