Iivesi zeBhayibhile malunga nobuhlobo

«»

• Umhlobo unothando ngamaxesha onke;
  ke yena umntakwenu uzalelwe ukuba nawe kwiimbandezelo.
  IZAFOBE 17:17usaphoubudlelwane
• Iitshomi ezininzi ziyamvuthulula umntu;
  kanti ke sikho sona isihlobo esithembekayo kunomntakwenu.
  IZAFOBE 18:24usapho
• Olona thando lukhulu umntu anokuzithanda ngalo izihlobo zakhe kukuba ubomi bakhe abuncamele zona.
  UYOHANE 15:13uthandoumbingelelo
• Kaloku xa omnye ethe wawa omnye unokuphakamisa ugxa wakhe. Mawoo ke lowo uyedwa xa athe wawa! Akukho bani unokumphakamisa.
  AMAVA ENGQONDI 4:10ubudlelwaneummelwane
• Khawukhangele ukubukeka nomkhitha
  wokuhlala kwezalamane ngemvano!
  INdumiso 133:1uluntuusapho
• Obugubungelayo ubugwenxa uzicengezelela ukuthandwa,
  kodwa lowo umana ewunokoza umcimbi uchitha ubuhlobo.
  IZAFOBE 17:9uxolelo
• Zihlobo zam ezithandekayo, masithandane; kuba kaloku uthando luvela kuThixo. Nawuphi na umntu onalo uthando uzelwe nguThixo, futhi uyamazi uThixo.
  1 KAYOHANE 4:7uthandoummelwaneukuzalwa ngokutsha
• Oyedwa uyagaganyelwa, kodwa ababini banako ukumelana nohlaselo. Intsontelo ephindwe kathathu iqhawuka nzima.
  AMAVA ENGQONDI 4:12ubudlelwaneamandla
• Umntu onobugwenxa udala ingxabano;
  umntu ohlebayo wahlukanisa izihlobo.
  IZAFOBE 16:28ukunyanisekaukuhlebaukuxoka
• Iintsimbi ziyalolana;
  ngokunjalo ke nezihlobo ziyakhuthazana.
  IZAFOBE 27:17ubudlelwaneingqondo
• Intlungu yomntu imelwe kukukhathalelwa zizihlobo zakhe,
  nditsho nokuba yena selekutyeshele ukumhlonela uSomandla.
  UYOBI 6:14ukumoyika uthixoummelwane
• Nguwo lo umyalelo esiwunikwe nguKrestu ngenkqu: Ukuba umntu uyamthanda uThixo, makamthande nowabo.
  1 KAYOHANE 4:21umthethouthando
• Kungcono abasebenzi babe babini kunokuba abe mnye, kuba baba nengeniso eyiyo ngomsebenzi wabo.
  AMAVA ENGQONDI 4:9ubudlelwaneumsebenzi
• Musani ukuphazama: “Incoko embi iyasonakalisa isimilo esihle.”
  1 KWABASEKORINTE 15:33ububiukulunga
• Ungaze wahlukane nezihlobo zakho, ungazilibali nezakowenu.
  Xa usengxakini sukubalekela kumntakwenu –
  isenokuba ngummelwane osondeleyo onokukunceda ngaphezulu komntakwenu okude.
  IZAFOBE 27:10usaphoummelwane
• Kaloku ndilangazelela ukunibona, ukuze ndinabele siphiwo sithile kwezoMoya, ukuze nomelezeke. Ndithetha ukuthi nina kunye nam sivuseleleke: nina ngokholo lwam, nam ke ngokholo lwenu.
  KWABASEROMA 1:11-12amandlaukhuthazoukholo
• Bantundini abangathembekanga, anazi kakade ukuba ngokuhlobana neli hlabathi nizenza iintshaba zikaThixo? Ewe, nabani na okhetha ukuvana neli hlabathi ulutshaba lukaThixo.
  EKAYAKOBI 4:4isonouThixoumhlaba
• Abangenabani ubenzela izihlobo.
  Amabanjwa uwakhokelela enyhwebeni;
  ke bona abavukeli bohlala kwelingumqwebedu.
  INdumiso 68:6inkululekoukuthobelaisohlwayo