Iivesi zeBhayibhile malunga nomelwane

«»

• Owesibini ke ngulo: ‘Uze umthande ummelwane wakho kanye ngale ndlela uzithanda ngayo nawe.’ Akukho myalelo wumbi ubalulekileyo kunalé mibini.
  UMARKO 12:31 umthetho uthando ukuzingca
• Ndiphetha ngelithi: Velanani, nibe moya mnye. Thandanani, nenzelane ububele, nilulamelane.
  1 KAPETROS 3:8 ukuthobeka uluntu uvelwano
• Makungabikho bani ufuna ukulungelwa yedwa; elowo makakhathalele nokwabanye.
  1 KWABASEKORINTE 10:24 ukuzingca uthando
• Ngoko ke, njengoko senenjenjalo kakade, khuthazanani, nakhane omnye nomnye.
  1 KWABASETESALONIKA 5:11 ukhuthazo ukufunda
• Thwalisanani ubunzima; xa nenjenjalo ke nithobela umyalelo kaKrestu.
  KUMAGALATI 6:2 umthetho ukubandezeleka
• Hlalani nithandana okwabantu abazalanayo. Zenzeleni ububele emakhaya iindwendwe. Ngokwenjenjalo abanye abantu kwathi kanti babuka izithunywa zezulu bengaqondi.
  KUMAHEBHERE 13:1-2 uthando ubulali iingelosi
• Kaloku umthetho xa uwonke ushwankathelwa ngomyalelo omnye othi: “Mthande ummelwane wakho kanye ngale ndlela uzithanda ngayo nawe.”
  KUMAGALATI 5:14 umthetho uthando
• Zonke izinto ke enifuna ukuba abantu bazenze kuni, yenzani ezikwanjalo nani kubo. Yiyo leyo ke intsingiselo yomthetho kaMosis nomyalelo wabashumayeli bamandulo.
  UMATEWU 7:12 umthetho ubudlelwane isiprofeto
• Musani ukusunduzana. Izinto sanukuzenza ngokuzigwagwisa nangokuqhayisa. Ndaweni yaloo nto zithobeni, nibaphakamise kunani abanye abantu.
  KWABASEFILIPI 2:3 ukuzingca ukuthobeka
• Koko masithi sonke ngabanye sikholise abamelwane bethu ezintweni ezilungileyo ezinokulukhulisa ukholo lwabo.
  KWABASEROMA 15:2 ukuzingca ukhuthazo
• Ngoko ke masisebenzele ukulungelwa komntu wonke, ngalo lonke ixesha esinethuba ngalo, ngokukodwa usapho lwamakholwa.
  KUMAGALATI 6:10 ubulali ukulunga ukholo
• Masingabi sagwebana ke – ndaweni yaloo nto masizimisele ukungenzi nanye into enokumkhubekisa imwise esonweni umwethu.
  KWABASEROMA 14:13 ubulali umgwebo
• Nyamezelanani, nixolelane. Ukuba omnye ukhalazela omnye xolelanani kwanjengokuba nayo iNkosi yanixolelayo.
  KWABASEKOLOSE 3:13 uxolelo uxolo uxolelwaniso
• Ndiniwisela umthetho omtsha, ndithi: Thandanani! Njengoko ndinithandileyo mna, nani thandanani kanye ngolo hlobo.
  UYOHANE 13:34 umthetho uthando
• Khanifunde ukwenza okusesikweni;
  zonke izinto zenzeni ngokomthetho.
  Khaninyenyise ngakubantu abacinezelekileyo;
  kanti neenkedama zilungiseleleni;
  ngokunjalo nimbonelele nomhlolokazi.
  UISAYA 1:17 ubulungisa abahlolokazi iinkedama
• Olu thando ke alunakuze lone mntu. Ngoko ke ukuthanda kukuwuthobela ngokupheleleyo umthetho.
  KWABASEROMA 13:10 umthetho uthando
• Nakuwe ke mntundini ugwebayo, nokuba ungubani, amatyholo aphelile. Ewe, ngokugweba omnye, uzigweba ngokwakho. Kaloku wena ugwebayo, wenza kwaezo zinto ugweba omnye ngazo.
  KWABASEROMA 2:1 ubulungisa umgwebo
• Yanga ingalukhulisa iNkosi uthando eninalo luphuphume, nithandane, nithande naye wonke ubani, kanye ngale ndlela ndinithanda ngayo mna.
  1 KWABASETESALONIKA 3:12 uthando ubudlelwane
• Ngaphezu koko ke hlalani nithandana, kuba kaloku uthando luyazingcwaba izono.
  1 KAPETROS 4:8 isono uthando
• Imiyalelo ethi: “Uze ungakrexezi, uze ungabulali, uze ungebi, uze ungangqini buxoki, uze unganqweneli,” nokuba nguwuphi umyalelo ongomnye, ushwankathelwa ngelithi: “Uze umthande ummelwane wakho kanye ngale ndlela uzithanda ngayo nawe.”
  KWABASEROMA 13:9 umthetho uthando
• Thandanani ngokwabazalanayo. Shiyiselanani ngokwenzelana imbeko.
  KWABASEROMA 12:10 uthando
• Intlungu yomntu imelwe kukukhathalelwa zizihlobo zakhe,
  nditsho nokuba yena selekutyeshele ukumhlonela uSomandla.
  UYOBI 6:14 ukumoyika uthixo ubuhlobo
• Kaloku sanikwa lo myalelo wokuba sithandane kwasekuqaleni.
  1 KAYOHANE 3:11 umthetho uthando
• Omnye okunene uthi umhla othile ubalulekile kunomnye umhla, wumbi ke uthi imihla iyafana. Elowo ke makaqiniseke kweyakhe ingqiqo.
  KWABASEROMA 14:5 ukuthobela ubulumko isabatha
• Inkolo enyanisekileyo nengenachaphaza kuThixo uBawo yile: kukubonelela iinkedama nabahlolokazi abahluphekileyo, nokuphepha ukudyojwa lihlabathi.
  EKAYAKOBI 1:27 isono ngokungenatyala abahlolokazi