Iivesi zeBhayibhile malunga nabahlolokazi

«»

• Bahlonele abahlolokazi; ndithetha abahlolokazi ngenene.
  1 KUTIMOTI 5:3ummelwaneuluntu
• Inkolo enyanisekileyo nengenachaphaza kuThixo uBawo yile: kukubonelela iinkedama nabahlolokazi abahluphekileyo, nokuphepha ukudyojwa lihlabathi.
  EKAYAKOBI 1:27isonongokungenatyalaiinkedama
• Ningaze nimphathe kakubi umhlolokazi nenkedama. Ukuba niyenzile loo nto, mna Ndikhoyo ndiya kusiva isikhalo sabo, ndikhathazeke, nina ndiniyekele nife emfazweni, ukuze abafazi benu babe ngabahlolokazi, abantwana bona babe ziinkedama.
  EYEMFUDUKO 22:22-24iinkedama
• Culelani uThixo, nibong' igama lakhe.
  Ewe, mbongeni lowo ucand' emafini.
  Igama lakhe nguNdikhoyo, vuyani ngenxa yakhe.
  UThixo usendlwini yakhe engcwele.
  Nguyise weenkedama, umthetheleli wabahlolokazi.
  INdumiso 68:4-5ubungcweleukhuselekounqulo
• Khanifunde ukwenza okusesikweni;
  zonke izinto zenzeni ngokomthetho.
  Khaninyenyise ngakubantu abacinezelekileyo;
  kanti neenkedama zilungiseleleni;
  ngokunjalo nimbonelele nomhlolokazi.
  UISAYA 1:17ubulungisaummelwaneiinkedama
• Utsho uNdikhoyo onamandla onke ukuthi: ‘Wisani izigwebo ezinyanisekileyo, nenzelane ububele nenceba omnye nomnye. Musani ukubacinezela abahlolokazi neenkedama, ngokunjalo nabangeneleli kunye namahlwempu, ningayili ububi ezintliziyweni zenu omnye komnye.’
  UZAKARIYA 7:9-10ububiubulungisaummelwane
• UNdikhoyo ngumkhuseli wabahambi nabangeneleli,
  umxhasi wabahlolokazi neenkedama.
  Ke bona abakhohlakeleyo uyabatshabalalisa.
  INdumiso 146:9ukukhuselwaiinkedamaisohlwayo
• Bamele ubabonelele ngokwasemthethweni;
  ncedisana nabo abahlelelekileyo nabasweleyo.
  IZAFOBE 31:9ubulungisaukuthethaukupha
• Kaloku ndandisabela ndiwahlangule amahlwempu esakukhala;
  ukanti ndazibonelela neenkedama ezazingenamncedi.
  Ababesindakala ndaza ndabanceda babendincoma,
  ukanti nabahlolokazi ndandibanceda batsho baba neengoma ezintliziyweni zabo.
  UYOBI 29:12-13iinkedamaubuhlwempuukucula
• Kodwa ukuba niyayilungisa ngenene ihambo yenu, ngokunjalo nezenzo zenu, naza nenza ubulungisa omnye komnye, ningabacinezeli abangeneleli, okanye iinkedama nabahlolokazi, ningaphalazi igazi elimsulwa apha, ningazenzakalisi ngokunqula izithixo, mna ndonizinzisa kule ndawo ingumhlaba endawabela ooyihlo ukuba bawume ngonaphakade.
  UJEREMIYA 7:5-7uguquloiinkedamaintsikelelo