Iivesi zeBhayibhile malunga nobuhlwempu

«»

• UYesu wathi kuye: “Ukuba ufuna ukufeza konke ngokupheleleyo, hamba uye kuzithengisa zonke izinto onazo, wabele amahlwempu imali leyo; woba nobutyebi ezulwini; uze kum ke, undilandele.”
  UMATEWU 19:21 ngokungenatyala ukupha ukuthanda izinto eziphathekayo
• Ndiyazana nokuswela, kanti ke futhi ndikuqhelile ukuba nento yonke. Ndiwaqhelile amahlandinyuka obomi: intlutha nendlala, ubutyebi nokuswela.
  KWABASEFILIPI 4:12 ukwaneliseka ukutya ubomi
• Bamele ubabonelele ngokwasemthethweni;
  ncedisana nabo abahlelelekileyo nabasweleyo.
  IZAFOBE 31:9 ubulungisa ukuthetha ukupha
• Ekubulalekeni kukusebenza kukho umvuzo;
  ke yena olibala kukuncokola wambathwa bubuhlwempu kuphela.
  IZAFOBE 14:23 ukuthembeka ukuthetha ukhuthazo
• Nangona sineenzingo, sihlala sichwayitile. Ngathi singamahlwempu, ukanti abaninzi batyeba ngathi; ngathi singabasweleyo, kanti siphuphuma izinto zonke.
  2 KWABASEKORINTE 6:10 usizi uvuyo imali
• Khanilungiselele abaxakekileyo neenkedama,
  nibonelele iintsizana namahlwempu.
  INdumiso 82:3 iinkedama ummelwane ubulungisa
• Busesandleni sikaNdikhoyo ubutyebi nobuhlwempu,
  ngokunjalo ukuphakanyiswa nokuthotywa.
  1 KASAMWELI 2:7 imali usomandla ukuthobeka
• Waphendula wathi kuzo: “Lowo uneengubo ezimbini makanike ongenáyo. Nalowo unokutya makenjenjalo.”
  ULUKA 3:11 ukuthanda izinto eziphathekayo ukupha ummelwane
• Utsho uNdikhoyo onamandla onke ukuthi: ‘Wisani izigwebo ezinyanisekileyo, nenzelane ububele nenceba omnye nomnye. Musani ukubacinezela abahlolokazi neenkedama, ngokunjalo nabangeneleli kunye namahlwempu, ningayili ububi ezintliziyweni zenu omnye komnye.’
  UZAKARIYA 7:9-10 ububi ubulungisa ummelwane
• Umntu osisityebi uyalilawula ihlwempu;
  nalowo ubolekayo likhoboka lalowo ubolekisayo.
  IZAFOBE 22:7 imali ityala ubukhoboka
• Lwazibika udwayi, waluva uNdikhoyo,
  walukhupha kuzo zonke iinkxwaleko zalo.
  INdumiso 34:6 ukuphulaphula umthandazo usindiso
• Ngubani ke onokusahlukanisa nothando lukaKrestu? Yimbandezelo na? Yinkxwaleko na? Yintshushiso na? Yindlala na? Bubuzé na? Yingozi na? Likrele na?
  KWABASEROMA 8:35 uthando ukubandezeleka intshutshiso
• Ndikhwebule kubuqhetseba nokuxoka;
  mandingade ndibe sisityebi okanye ndihlwempuzeke,
  nto nje ndiqhekezele isonka sam semihla ngemihla.
  IZAFOBE 30:8 ukuthanda izinto eziphathekayo ukutya imali
• Kusenokwenzeka ukuba ubutyebi bomntu bube yintlawulo yobomi bakhe;
  kanti ke lona ihlwempu alazani nokugrogriswa.
  IZAFOBE 13:8 imali ukuthanda izinto eziphathekayo uloyiko
• Kaloku ndandisabela ndiwahlangule amahlwempu esakukhala;
  ukanti ndazibonelela neenkedama ezazingenamncedi.
  Ababesindakala ndaza ndabanceda babendincoma,
  ukanti nabahlolokazi ndandibanceda batsho baba neengoma ezintliziyweni zabo.
  UYOBI 29:12-13 abahlolokazi iinkedama ukucula
• Umntu uzilahlela kuloo nto ayinqwenelayo;
  phofu akunani kwaukuba lihlwempu kunokuba lixoki.
  IZAFOBE 19:22 ukuthembeka imali ukulunga
• UMoya weNkosi undongamele,
  ngoko ke indithambisile;
  indalathele ukushumayela iindaba ezimnandi kwabasweleyo.
  Yandithuma ukuvakalisa inkululeko kubathinjwa,
  nokubuyisela ukubona kwabaziimfama,
  ndibandululè bekhululekile abacinezelweyo.
  ULUKA 4:18 Umoya ukuvangela inkululeko
• Ewe, nokuba ndinganikisa ngempahla yam yonke, ndide nam ngokwam ndizinikele ukuba nditshiswe, kodwa ke ndingenalo uthando, akuncedi nto konke-konke.
  1 KWABASEKORINTE 13:3 uthando ukubandezeleka ukupha
• Ke mna ndonganyelwe nguMoya woMhlekazi uNdikhoyo,
  kuba kaloku uNdikhoyo undithambisile.
  Undithume ukubhengeza iindaba ezimnandi kumahlwempu,
  ndibophe abantliziyo zingamahlwili,
  ndibhengeze ukukhululeka kwabathinjwa,
  ndazise inkululeko kumabanjwa.
  UISAYA 61:1 Umoya ithemba umhlawuleli
• Lamla, Ndikhoyo; caca ukuba unguThixo!
  Sukubalibal' abantw' abahlelelekileyo!
  INdumiso 10:12 umthandazo ummelwane