Iivesi zeBhayibhile malunga nokutya

«»

• Andithi kaloku uyamanelisa onxaniweyo,
  aze amhluthise ngokulunga olambileyo!
  INdumiso 107:9ukuthembeka
• Wathi kubo uYesu: “Ndim isonka sobomi. Ozayo kum akasoze alambe, nokholwayo kum akasoze anxanwe.”
  UYOHANE 6:35ukholoubomiisonka
• Nokuba ke nenza ntoni na, nokuba niyatya, nokuba niyasela, yenzelani udumo lukaThixo.
  1 KWABASEKORINTE 10:31ubomiunqulo
• Zonke iindidi zeentlanzi ezinamaphiko namaxolo ningazitya. Kambe ke yonke into ehlala emanzini ingenawo amaphiko namaxolo sanukuyitya, inomlaza.
  UHLAZIYO-MNQOPHISO 14:9-10
• Lowo utya konke makangamdeli ozila ukutya okuthile, nalowo uzila ukutya okuthile makangamgwebi otya konke, kuba uThixo umamkele.
  KWABASEROMA 14:3umgwebo
• Ndininika zonke izityalo ezithwala iinkozo elizweni, kunye nemithi ethwala iziqhamo. Zoba kukutya kwenu ezo zinto.
  EYEZIQALO 1:29ubomiukuba nesiqhamo
• Umntu ophayo uba nenkqubela;
  ukuba ùyabanceda abanye abantu nawe uya kuncedwa.
  IZAFOBE 11:25isisaukuphaukuzingca
• Yonke into ephilayo yoba kukutya kwenu. Njengoko ndaninikayo uhlaza, ndininika into yonke ngoku. Into eningayi kuyitya yinyama yento engophanga. Andiyivumeli loo nto, kuba igazi libubomi.
  EYEZIQALO 9:3-4igazi
• Waphendula yena wathi: “IziBhalo zithi: ‘Umntu akaphili ngasonka sodwa; uphila ngamazwi onke athethwa nguThixo.’”
  UMATEWU 4:4ILizwi likaThixoukuphulaphulaisonka
• Kaloku zange size nanto ehlabathini; ngoko ke siya kumka singaphathanga nto. Kambe ke, ukuba sinako ukutya nempahla yokunxiba masaneliswe.
  1 KUTIMOTI 6:7-8ukuthanda izinto eziphathekayoukwanelisekaumhlaba
• Kungoko ndithi kuni, musani ukubuxhalela ubomi benu nisithi notya ntoni, nisele ntoni. Kwanomzimba wenu ze ningawuxhaleli, nisithi niya kunxiba ntoni. Ubomi abungaphezulu na kokutyiwayo; wona umzimba awungaphezulu na kokunxitywayo?
  UMATEWU 6:25ubomiukukhathazekaubuhle
• Ezithathile ezo zonka zihlanu nezo ntlanzi zimbini, ukhangele ezulwini, wabulela, waziqhekeza, wamana enika abafundi bakhe ukuba babele isihlwele. Badla ke bahlutha bonke, kwaza kwaqokelelwa iingobozi ezilishumi elinambini zokutya okuseleyo.
  ULUKA 9:16-17imimangalisoumthandazoisonka
• Ngoko ke makungabikho bani unixoxisayo ngento emaniyitye, okanye niyisele, nangemisitho yokuthwasa kwenyanga neyoMhla wokuPhumla. Ezi zinto zazisisithunzi nje sento eyayilindelekile – inkqu yayo nguKrestu.
  KWABASEKOLOSE 2:16-17isabathaumgweboUYesu
• Hayi ke, yitya isonka sakho wonwabile, usele iwayini yakho uchwayitile entliziyweni, kuba ngoku lithuba elikholekileyo kuThixo lokuba wenze oko.
  AMAVA ENGQONDI 9:7uvuyoubomiintliziyo
• Ke uNehemiya wathi kubo: “Hambani niyokutya izimuncu-muncu, ukutya okumnandi neziselo, nide niphe nâbo bangenakutya. Le yimini ekhethekileyo yeNkosi yethu. Ngayo musani ukuba lusizi; kaloku uNdikhoyo uza kunomeleza ngovuyo lwakhe.”
  UNEHEMIYA 8:10ukuphauvuyo
• Uyabona, ndimi emnyango ndinkqonkqoza. Ukuba umntu uyeva aze avule, ndiya kungena ndihlale naye, sitye kunye.
  ISITYHILELO 3:20ukuthobelaukuphulaphulaizithembiso
• Sanukusebenzela ukutya okuphelayo; sebenzelani ukutya okungapheliyo, okusisondlo sobona bomi bungenasiphelo. Oko kutya niya kukunikwa nguye uNyana woLuntu, kuba uYise, uThixo, wamgunyazisela oko.
  UYOHANE 6:27ubomi obungunaphakadeUYesu
• Amazwi amyoli nqwa nobusi;
  ayanandipheka emphefumlweni, ephilisa emathanjeni.
  IZAFOBE 16:24ubulaliukuthethaumphefumlo
• Imihla ngemihla babehlangana rhoqo endlwini kaThixo, babuye batye kunye emakhaya bechwayitile bebelezelana, bembonga uThixo, bamkelekile kubantu bonke. Mihla le uThixo wayelongeza inani labo ngabo basindiswayo.
  UMSEBENZI WABATHUNYWA 2:46-47unqulouluntudumisani
• Ke uThixo obonelela umhlwayeli ngembewu nangesonka, uya kunibonelela nani ngembewu eniyisweleyo, ayikhulise inivelisele isivuno esihle ngokobubele benu.
  2 KWABASEKORINTE 9:10ubulungisaukuphaisisa
• Ndandingatyi kutya kodidi, nditsho nenyama nawayini zange ndizifake emlonyeni wam, yaye zange ndithambise nokuthambisa kwada kwadlula ezo veki zintathu.
  UDANIYELI 10:3ukuzila ukutyaisiselo somdiliya
• Banoyolo abo balambela banxanelwe ubulungisa, kuba baya kwaneliswa nguThixo bona!
  UMATEWU 5:6ubulungisaintsikeleloukwamkela
• Njengamakholwa aseziintsana langazelelani ubisi olungangxengwanga: ndixela ilizwi likaThixo eliya kunikhulisa nide nisindiswe.
  1 KAPETROS 2:2usindisoILizwi likaThixoukuzalwa ngokutsha
• Ndifumanise ukuba akukho nto iyenye angayenzayo umntu ngaphandle kokuba ahlale onwabile, enze okulungileyo lo gama esaphila, kwanokuba wonke umntu atye asele aneliseke yimigudu yakhe. Kaloku sisipho esivela kuThixo eso.
  AMAVA ENGQONDI 3:12-13uvuyoubomiukwamkela
• Wanithoba eniyekela ngendlela, waza kananjalo wanipha imana, kutya oko naningakwazi, nina ngokunjalo nooyihlo-mkhulu. Le nto ke wayenza kuba efuna niqonde nazi ukuba ubomi bomntu abuxhomekanga kutyeni kuphela, koko buxhomekeke kuwo onke amazwi kaNdikhoyo.
  UHLAZIYO-MNQOPHISO 8:3ukubandezelekaILizwi likaThixoubomi