Iivesi zeBhayibhile malunga ngentliziyo

«»

• Eyona nto emawuyilondoloze ngaphezu kwazo zonke ezinye yintliziyo yakho,
  kuba yona ingumthombo wobomi.
  IZAFOBE 4:23 ubomi ukukhuselwa iingcamango
• Umfanekiso womntu emanzini ubonakalisa inkangeleko yakhe;
  ngokunjalo nentliziyo yomntu ibonakalisa into ayiyo.
  IZAFOBE 27:19 ubomi
• Intliziyo yomntu inenkohliso ngaphezu kweento zonke.
  Akukho nto inokuyinyanga,
  kungekho bani uyiqondayo.
  Ndim, mna Ndikhoyo, umgocagoci weentliziyo zabantu,
  nomvavanyi weengcinga zabo.
  Ulowo ndimvuza ngokuziphatha kwakhe,
  ndimdlise iziqhamo zezenzo zakhe.
  UJEREMIYA 17:9-10 ibuyiselo ubomi
• Nondifuna nindifumane, xa nindifuna ngomxhelo wonke.
  UJEREMIYA 29:13 ukufuna umphefumlo
• Ewe, Thixo, intliziyo yam yidale ngokutsha, ibe nyulu;
  wuhlaziye umoya wam, ndikhaliphe.
  INdumiso 51:10 ukusulungekiswa Umoya
• Musani ukuhombela ukubukwa ngokuluka iinwele, nitsho ngezacholo zegolide nempahla engayiwayo. Isihombo senu masibe sesangaphakathi, esingagugiyo. Umoya omhle wobulali yinto ayixabisileyo uThixo.
  1 KAPETROS 3:3-4 ukuthobeka ubuhle impahla
• Wanga angakunika umnqweno wentliziyo yakho,
  aziphumelelise zonk' iinquleqhu zakho.
  INdumiso 20:4 ukucwangcisa intsikelelo
• Kodwa uNdikhoyo wathi kuSamweli: “Musa ukujonga ubunzwana bakhe nesithomo sakhe. Asinguye endimfunayo. Kaloku mna Ndikhoyo andijongi okujongwa ngabantu. Abantu bakhangela umfaneleko; mna Ndikhoyo ndikhangela ngaphakathi entliziyweni.”
  1 KASAMWELI 16:7 ubuhle ikratshi
• Kholosa ngoNdikhoyo ngomxhelo wakho wonke,
  ungaze ungqiyame ngezakho iimbono.
  Mkhumbule uNdikhoyo kuyo yonke ihambo yakho,
  waye ke yena eya kukukhokela kuzo zonke iindlela zakho.
  IZAFOBE 3:5-6 thembela ukuxhomekeka izixhobo
• Ndiya kuninika intliziyo entsha, ndiniphe nomoya omtsha; ndiya kuyikhupha kuni intliziyo eqaqadeke okwelitye, ndininike intliziyo yentobeko.
  UHEZEKILE 36:26 Umoya usindiso
• Kaloku apho bukhoyo ubutyebi benu, yoba lapho nentliziyo yenu.
  UMATEWU 6:21 ukuthanda izinto eziphathekayo imali iminqweno
• Ungaze wahlukane nentembeko nokunyaniseka.
  Maxa onke ezi zinto mazibe sisivatho entanyeni yakho.
  Ewe, zikrole elucwecweni lwentliziyo yakho.
  Ukuba uyayenza ke loo nto uya kuhlala wamkelekile,
  ube negama elihle kuThixo nasebantwini.
  IZAFOBE 3:3-4 uthando ibuyiselo ixabisekile
• Waza uYesu wathi: “ ‘Uze uyithande iNkosi uThixo wakho ngentliziyo yakho iphela, nangomphefumlo wakho uphela, nangengqondo yakho iphela.’”
  UMATEWU 22:37 umphefumlo ingqondo
• Zonwabise ngokululamela uNdikhoyo;
  wokunika umnqweno wentliziyo yakho.
  INdumiso 37:4 ukupha ukufuna
• Umntu onentliziyo echwayitileyo uba nempilo;
  kanti ke wona umoya odakumbileyo uyimpehla emathanjeni.
  IZAFOBE 17:22 ukuphilisa ukugula ubuthathaka
• Mfo wam, sukuyilibala imfundiso yam,
  koko mayihlale ihleli imiyalelo yam engqondweni yakho.
  Kaloku imfundiso yam iya kukongezela imihla emininzi,
  ikwandisele iminyaka noxolo.
  IZAFOBE 3:1-2 umthetho ubomi uxolo
• Umnyangi wabantliziyo zenzakeleyo,
  ewe, umbophi wamanxeba abo.
  INdumiso 147:3 ukuphilisa ukugula impilo
• Elowo ke makanikele kangangoko agqibe ngako, engenasikrokro, engaziva enyanzelekile, kuba uThixo uthanda umntu opha ngobubele.
  2 KWABASEKORINTE 9:7 uvuyo ukupha isisa
• Umntu onengqondo uyayiphulaphula imiyalelo;
  kambe ke sona isityhakala esilavuzayo siya kubhanga.
  IZAFOBE 10:8 umthetho ubulumko
• Banoyolo abo bantliziyo ihlambulukileyo, kuba baya kumbona uThixo bona!
  UMATEWU 5:8 ukunyaniseka intsikelelo
• Qinani nibe nesibindi, nonke nina nithembele ngoNdikhoyo.
  INdumiso 31:24 ithemba ukhuthazo isibindi
• Ndizimisele ukukulandela ngokupheleleyo;
  ndincede ndingaze ndizidele iziyalo zakho.
  INdumiso 119:10 umthetho ubulungisa
• Sifundise ukuyiqingqa imihla yethu,
  ukuze sizuze ubulumko.
  INdumiso 90:12 ukucwangcisa ubulumko
• Ngamana angamkeleka kuwe, Ndikhoyo,
  amazwi am neengcamango zentliziyo yam,
  wena mkhuseli wam nomkhululi wam.
  INdumiso 19:14 ukuthetha umthandazo
• Ngoko ke ligxothe ixhala entliziyweni yakho,
  ukuphephe okunokwenzakalisa umzimba wakho.
  Kaloku ubutsha namandla awo ngamampunge.
  AMAVA ENGQONDI 11:10 usizi ukukhathazeka impilo