Iivesi zeBhayibhile malunga nokhuthazo

«»

• Ngoko ke, njengoko senenjenjalo kakade, khuthazanani, nakhane omnye nomnye.
  1 KWABASETESALONIKA 5:11ukufundaummelwane
• Kambe ke bona abakholosa ngoNdikhoyo
  bosuka bahlaziyeke bomelele.
  Bosuka bantinge baxel' ukhozi;
  noba sebebaleka, soze badinwe;
  ewe, baya kuhamba bangaze batyhafe.
  UISAYA 40:31ithembaamandlaizithembiso
• NguNdikhoyo ngokwakhe oza kunikhokela, ahambe nani. Soze arhoxe, engasoze anilahle; ngoko ke yomelelani ningoyiki.
  UHLAZIYO-MNQOPHISO 31:8ukulandelauloyikousizi
• Noba sewucand' emanzini,
  mna ndiya kuba nawe;
  noba sowuwela imilambo,
  ayisoze ibe nako ukukukhukulisa;
  nditsho sowucand' emlilweni, soze urhawuke;
  amadangatye akanakukutshisa wena.
  UISAYA 43:2thembelaizithembiso
• Kaloku ndim okuyalelayo. Yomelela ke, ukhaliphe. Uze ungoyiki unkwantye; kaloku mna Ndikhoyo Thixo wakho ndiya kusoloko ndisecaleni kwakho naphi na apho unyathela khona.
  UYOSHUWA 1:9uThixouloyikoisibindi
• Makabongwe uThixo, uyise weNkosi yethu uYesu Krestu, uBawo uSozinceba, uThixo umthombo wentuthuzelo. Yena uyasithuthuzela ezimbandezelweni zethu zonke, ukuze nathi sikwazi ukubathuthuzela abanye kwangaloo ntuthuzelo ivela kuye.
  2 KWABASEKORINTE 1:3-4ukubandezelekaunquloumthuthuzeli
• Yizani kum, nina nonke nisindwayo, nibulalekayo; ndoniphumza.
  UMATEWU 11:28ithembaphumlaubuthathaka
• Amehlo am ndiwajongis' enkalweni;
  yaz'ba lovela ngaphi na uncedo lwam?
  Umncedi wam nguNdikhoyo,
  yena ungumenzi wamazulu nehlabathi.
  INdumiso 121:1-2indaloukuxhomekeka
• Ngoko ke, mawethu athandekayo, yomelelani ningathandabuzi. Yisebenzeleni ngenkuthalo iNkosi ngalo lonke ixesha, kuba kakade ukubulaleka kwenu ngenxa yeNkosi akunakulambatha.
  1 KWABASEKORINTE 15:58ukuthobelaibuyiseloumsebenzi
• Ndokwazisa indlela omawuhambe ngayo,
  utsho uNdikhoyo,
  ndikufundise, ndikujonge.
  INdumiso 32:8ukuqondaukufunda
• Qinani nibe nesibindi, nonke nina nithembele ngoNdikhoyo.
  INdumiso 31:24ithembaintliziyoisibindi
• Ngoko ke masikhathalelane, sivuselelane uthando, ngokunjalo nokwenza imisebenzi emihle. Kananjalo masikuxabise ukudibana namanye amakholwa, siphefumlelane, singabi njengâbo bawutyeshelayo lo mkhwa. Ewe, masikhuthazane ngakumbi nangakumbi, kuba nani niyabona ukuba imini leyo iyasondela.
  KUMAHEBHERE 10:24-25ukuza kwesibiniuluntuizixhobo
• Phaphani, nime zinzi elukholweni! Khaliphani, nomelele!
  1 KWABASEKORINTE 16:13ukholoamandlaisibindi
• Ndinixelele ezi zinto ukuze nibe noxolo, kuba nimanyene nam. Ehlabathini niya kubandezeleka; kodwa musani ukuxhalaba, kuba mna ndiloyisile ihlabathi.
  UYOHANE 16:33uxoloukoyisaumhlaba
• Ekubulalekeni kukusebenza kukho umvuzo;
  ke yena olibala kukuncokola wambathwa bubuhlwempu kuphela.
  IZAFOBE 14:23ukuthembekaukuthethaubuhlwempu
• Ndinishiya noxolo olulolwam, olungafani nakancinane nolweli hlabathi. Ze ningakhathazeki, ningoyiki.
  UYOHANE 14:27uxoloukukhathazekaumhlaba
• Ngoko ke, nokuba ndihamba kwiingxondorha ezimnyama,
  andinadyudyu.
  Kaloku ungakum, wena Ndikhoyo;
  isagweba sakho nebhunguza lakho lixhadi lam.
  INdumiso 23:4uloyikoukufaintshutshiso
• Ewe, ezi mbandezelo zexeshana, zincinane zinjalo, zisilungiselela iwonga laphakade, elingenakulinganiswa nazo.
  2 KWABASEKORINTE 4:17ubomi obungunaphakadeukubandezelekaibuyiselo
• Kum uxabisekile ke kambe;
  yeka elo wonga, andikuthandi ngako!
  Ndincam' izizwe ngenxa yakho;
  ndinikezel' iintlanga, ndizuze wena.
  UISAYA 43:4uthandousindisoixabisekile
• Masithini na ke ngezi zinto? Ukuba uThixo ungakuthi ngubani onokusichasa?
  KWABASEROMA 8:31uThixoukukhuselwa
• Wanga ke uThixo, osinika unyamezelo nenkuthazo, anganenza nibe moya mnye ngokwentando kaKrestu Yesu.
  KWABASEROMA 15:5uluntuumondeumthuthuzeli
• Nkosi, Thixo, sithamsanqelise!
  Siphumelelise kuyo yonke imizamo yethu;
  ewe, yiphumelelise yonke imizamo yethu.
  INdumiso 90:17ubabaloumsebenziinceba
• Iintakana ezincinci azithengiswa zibe ntlanu na ngeesenti ezimbini? Kanti akukho nanye kuzo elityelweyo nguThixo. Kwaneenwele ezi zeentloko zenu zibaliwe zonke. Ke musani ukoyika: nixabisekile kuneentakana ezininzi nina.
  ULUKA 12:6-7ixabisekileuloyiko
• Kungenxa yale nto ke singethi mandla nje. Kaloku imo yethu entsha isuka ihlaziyeke ngokuhlaziyeka, nokuba imo yethu endala yona iya isonakala ngokonakala.
  2 KWABASEKORINTE 4:16ubuhleukwamkelaumzimba
• Koko masithi sonke ngabanye sikholise abamelwane bethu ezintweni ezilungileyo ezinokulukhulisa ukholo lwabo.
  KWABASEROMA 15:2ukuzingcaummelwane