Iivesi zeBhayibhile malunga nokubandezeleka

«»

• Kodwa ke, emva kwezo mbandezelo zomzuzwana, uThixo umthombo wesisa owanibizayo ngokumanywa kwenu noKrestu, khon' ukuze nibe nenxaxheba kubuqaqawuli bakhe obungapheliyo, uya kunihlaziya anomeleze, anixhobise, nime ngxishi.
  1 KAPETROS 5:10ubabaloubomi obungunaphakadeizithembiso
• Ngaphezu koko, siqhayisa nangeembandezelo ezi, sisazi nje ukuba iimbandezelo zisiqhelisa ukunyamezela. Ke ukunyamezela kubonisa ukuba sicikidekile. Ukucikideka ke kudala ithemba.
  KWABASEROMA 5:3-4ithembauvuyo
• Makabongwe uThixo, uyise weNkosi yethu uYesu Krestu, uBawo uSozinceba, uThixo umthombo wentuthuzelo. Yena uyasithuthuzela ezimbandezelweni zethu zonke, ukuze nathi sikwazi ukubathuthuzela abanye kwangaloo ntuthuzelo ivela kuye.
  2 KWABASEKORINTE 1:3-4unquloukhuthazoumthuthuzeli
• Ndigqiba kwelithi ezi ntlungu zangoku azinakufaniswa nobuncwane esiza kubuxhamla.
  KWABASEROMA 8:18ubomi obungunaphakadeusindiso
• Zininzi iingxaki ezivelela ilungisa,
  kodwa uyalikhulula kuzo zonke uNdikhoyo.
  INdumiso 34:19ubulungisaumhlawuleliinkululeko
• Ewe, ezi mbandezelo zexeshana, zincinane zinjalo, zisilungiselela iwonga laphakade, elingenakulinganiswa nazo.
  2 KWABASEKORINTE 4:17ubomi obungunaphakadeukhuthazoibuyiselo
• Ngubani ke onokusahlukanisa nothando lukaKrestu? Yimbandezelo na? Yinkxwaleko na? Yintshushiso na? Yindlala na? Bubuzé na? Yingozi na? Likrele na?
  KWABASEROMA 8:35uthandointshutshisoubuhlwempu
• Njengoko noKrestu wamelanayo nale ntlupheko yalo mhlaba, ngokunjalo ke nani zimiseleni, nifuze yena. Kaloku umntu ocikidiweyo yintlupheko uyalumleka esonweni.
  1 KAPETROS 4:1isono
• Phofu ke, nokuba ningatshutshiswa ngenxa yokwenza okulungileyo, ikwalithamsanqa naloo nto. Ze ningoyiki nina, ningaxhali nokuxhala oku.
  1 KAPETROS 3:14ubulungisauloyiko
• Kuba kaloku ilungelo lenu njengabamanywe noKrestu alipheleli ekukholweni kuye kuphela, koko lifikelela nasekubeni nive ubunzima ngenxa yakhe.
  KWABASEFILIPI 1:29ubabaloukholoinceba
• Thwalisanani ubunzima; xa nenjenjalo ke nithobela umyalelo kaKrestu.
  KUMAGALATI 6:2umthethoummelwane
• Abantu basidelile basibukula,
  saba ngumntu wenkxwaleko nentlungu.
  Saba njengalowo ufulathelwayo, engasiwa so;
  saba ngulowo udeliweyo, nathi asasikhathalela.
  UISAYA 53:3UYesuukugula
• Nalowo uthe akawuthwala umnqamlezo wakhe andilandele, akandifanelanga.
  UMATEWU 10:38UYesuukulandelaukubethelwa emnqamlezweni
• Kanti ngenene buthwelwe nguye ubuthathaka bethu,
  inkxwaleko yethu yâsemagxeni akhe.
  Ngenene thina besiba ubandezelekile,
  sisithi uyabethwa nguThixo.
  UISAYA 53:4UYesuukugulaukubethelwa emnqamlezweni
• Inye kuphela ke into endiyifunayo: kukwazana noKrestu, ndize nam ndiweve ukusebenza kwawo amandla okuvuka kwakhe, ndibe nenxaxheba kwiimbandezelo zakhe, ndimanywe naye ekufeni kwakhe.
  KWABASEFILIPI 3:10UYesuuvuko
• Njengoko ziphuphumela kuthi iimbandezelo zikaKrestu, ngokunjalo ke, kwangaye uKrestu, iphuphumela kuni nentuthuzelo yethu.
  2 KWABASEKORINTE 1:5umthuthuzeliUYesuukhuthazo
• Kakade nabizelwa loo nto; kaloku uKrestu waphatheka kabuhlungu ngenxa yenu, waza ngaloo ndlela wanishiya nomzekelo, ukuze nina nihambe ekhondweni lakhe.
  1 KAPETROS 2:21ukulandelaubizoukuthobela
• Kwesi sithuba ke uYobi waphakama, wakrazula umnweba wakhe, wayigugula intloko yakhe, waza ke wee guqaqa wanqula, wathi:
  “Ndazalwa nguma ndizé, ndaye ke ndiya kunduluka ndikwazé.
  NguNdikhoyo onikayo, ikwanguye nothathayo.
  Malidunyiswe igama likaNdikhoyo!”
  UYOBI 1:20-21unqulousiziukukhathazeka
• Othe wabuzuza ubomi bakhe, wolahlekelwa bubo; nothe walahlekelwa bubomi bakhe ngenxa yam, wobuzuza.
  UMATEWU 10:39ubomi obungunaphakadeubomi
• Wanithoba eniyekela ngendlela, waza kananjalo wanipha imana, kutya oko naningakwazi, nina ngokunjalo nooyihlo-mkhulu. Le nto ke wayenza kuba efuna niqonde nazi ukuba ubomi bomntu abuxhomekanga kutyeni kuphela, koko buxhomekeke kuwo onke amazwi kaNdikhoyo.
  UHLAZIYO-MNQOPHISO 8:3ILizwi likaThixoubomiukutya
• Amhluba izambatho uYesu, amambathisa ezibomvu, athi, eluke isithsaba sameva, amthi jize ngaso entloko, amphathisa ingcongolo ngesandla sokunene, aza aqubuda phambi kwakhe, ahlekisa ngaye, esithi: “Aa, kumkani wamaJuda!”
  UMATEWU 27:28-29umbingeleloipasika
• Ewe, nokuba ndinganikisa ngempahla yam yonke, ndide nam ngokwam ndizinikele ukuba nditshiswe, kodwa ke ndingenalo uthando, akuncedi nto konke-konke.
  1 KWABASEKORINTE 13:3uthandoukuphaikratshi
• Ewe, unenyhweba umntu olulekwa nguThixo;
  ngoko ke sukuyidela ingqeqesho kaSomandla!
  UYOBI 5:17isohlwayointsikelelo
• Sathi, sikwelabafileyo, saphakamisa amehlo aso sisentuthumbeni, sambona uAbraham ekude, uLazaro enaye. Samemeza ke, sathi: ‘Bawo, Abraham, ndénzele inceba, uthume uLazaro ukuba athi nkxu incam yomnwe wakhe emanzini, aphozise ulwimi lwam, kuba ndiyathuthunjelwa kweli langatye!’
  ULUKA 16:23-24isihogoukufaizulu
• Kodwa kude kwayile mini uThixo endinceda; nangoku ndimi apha ndingqina kubo bonke, abaphakamileyo nabaphantsi ngokufanayo. Le nto ndiyithethayo ikwayiloo nto bayithethayo abashumayeli bamandulo kwakunye noMosis, le yokuba uKrestu umelwe kukuva ubunzima, aze abe ngowokuqala ukuvuka kwabafileyo, avakalise ukuvela komsobomvu wosindiso kumaJuda nasezintlangeni.
  UMSEBENZI WABATHUNYWA 26:22-23ukuvangelauvukoUMsindisi