Iivesi zeBhayibhile malunga nezulu

«»

• Liya kuhlokoma ilizwi lesiphatha-zithunywa, sivakale nesandi sexilongo likaThixo, ize iNkosi ngokwayo ihle ezulwini. Bothi abo bafa bemanywe noKrestu bavuke kuqala, nathi ke baya kuba besaphila ngelo xesha sixhwilwe sidibane nabo emafini, size sihlangane neNkosi esibhakabhakeni. Ke siya kuhlala neNkosi njalo-njalo.
  1 KWABASETESALONIKA 4:16-17usindisoukufaiingelosi
• Ikho indawo kowethu. Ukuba bekungenjalo ngendingàtsho ukuthi ndiya kunilungiselela indawo.
  UYOHANE 14:2UYesuUTataukunyuka
• Iingqondo zenu zimiliseleni kwizinto zaphezulu, kungabi kwizinto zalo mhlaba.
  KWABASEKOLOSE 3:2ingqondoumhlaba
• Kanti ke thina ikomkhulu lethu lisezulwini, apho silindele ngolangazelelo ukuba uya kuvela khona uMsindisi wethu, iNkosi uYesu Krestu.
  KWABASEFILIPI 3:20usindisoUYesu
• Ndikholosa ngawe usemazulwini;
  ungowam nje ke, andilinanze nganto ihlabathi.
  INdumiso 73:25thembelauThixounqulo
• Amazulu abalisa ngobungangamsha bukaThixo,
  nesibhakabhaka sixela umsebenzi wezandla zakhe.
  Imini ixelela imin' elandelayo,
  nobusuku bubikela ubusuk' obulandelayo.
  INdumiso 19:1-2unqulo
• Yonke into inexesha layo;
  umbandela ngamnye unethuba lawo apha emhlabeni.
  AMAVA ENGQONDI 3:1ukucwangcisaubomi
• Ze ningaziqwebeli ubutyebi emhlabeni, apho konakalisa inundu nomhlwa, nalapho amasela aqhekezayo ebe. Koko ziqwebeleni ubutyebi ezulwini, apho kungonakalisi nundu namhlwa, nalapho amasela angaqhekeziyo ebe.
  UMATEWU 6:19-20ukubawaukuthanda izinto eziphathekayo
• Yondikhusela iNkosi kulo naliphi na ilinge lokundenzakalisa. Yondikhusela ndide ndifike kulawulo lwayo ezulwini. Huntshu-u-u! Mayibongwe iNkosi ngonaphakade! Amen.
  2 KUTIMOTI 4:18ukukhuselwaububiunqulo
• Liya kudlula izulu nehlabathi; ke wona amazwi am akasayi kuze adlule.
  UMATEWU 24:35ukuthembekaILizwi likaThixo
• Kuba kweli dabi lethu asilwi nabantu, kodwa silwa nemimoya ekhohlakeleyo esesibhakabhakeni, izilawuli, nabasemagunyeni, kunye nemimoya engcolileyo yeli phakade lobumnyama.
  KWABASE-EFESE 6:12Umoyaububiukuzibamba
• Akuba etshilo uYesu, wanyuselwa ezulwini, bejongile abafundi bakhe. Lamsitha ilifu, ababa sambona.
  UMSEBENZI WABATHUNYWA 1:9imimangalisoUYesuukunyuka
• Siyazi kaloku ukuba xa ithe yachithwa le ndlu yalapha emhlabeni, sinesakhiwo asilungiselele sona uThixo, esisezulwini, esiya kuhlala sihleli.
  2 KWABASEKORINTE 5:1umzimbaubomiukufa
• Waza uYesu wathi: “Bayekeni abantwana beze kum, ningabanqandi, kuba ábalawulwa nguThixo ngabanjengabo.”
  UMATEWU 19:14ubukumkaniabantwana
• Awu, Thixo, zimaseka phezulu esibhakabhakeni;
  isidima nesihomo sakho masibe phezu kwehlabathi jikelele.
  INdumiso 108:5unqulo
• Aa, Mhlekazi Ndikhoyo, wena wasolula isandla sakho, wawenza umhlaba nesibhakabhaka ngamandla akho amakhulu! Akukho nanye into ekunqabelayo wena!
  UJEREMIYA 32:17indaloamandlausomandla
• UYesu ke waphuma nabafundi bakhe, wabasa ngaseBhetani; waza waphakamisa izandla zakhe, wabasikelela. Kwathi esabasikelela, wahlukana nabo, wanyuswa wasiwa ezulwini.
  ULUKA 24:50-51UYesuintsikeleloukunyuka
• Bahlobo bam, singabantwana bakaThixo ngoku, kodwa ke into esiya kuba yiyo ayikacaci. Siyazi kambe ukuba akufika uKrestu siya kufana naye, kuba soba simbona njengoko anjalo. Wonke umntu oneli themba kuKrestu uzenza nyulu kanye njengokuba noKrestu enyulu.
  1 KAYOHANE 3:2-3ukusulungekiswausaphoabantwana
• Ulobhotwe lakhe lakhiw' ezulwini,
  amis' uphahla lwesibhakabhaka phezu komhlaba;
  ulobiz' amanz' olwandle awagalele phezu komhlaba –
  nguNdikhoyo igama lakhe.
  UAMOS 9:6indalouThixo
• Uncedo lwethu luvela kuNdikhoyo
  ongumdali wamazulu nehlabathi.
  INdumiso 124:8indalouThixo
• Kaloku zange size nanto ehlabathini; ngoko ke siya kumka singaphathanga nto. Kambe ke, ukuba sinako ukutya nempahla yokunxiba masaneliswe.
  1 KUTIMOTI 6:7-8ukutyaukuthanda izinto eziphathekayoukwaneliseka
• Njengokuphakama kwezulu emhlabeni
  ziphakamile neendlela zam kunezenu,
  kanti ke zikwanjalo neengcinga zam.
  UISAYA 55:9ukucwangcisaukuqonda
• “Ikhona na indawo efihlakeleyo apho umntu angazimela khona ukuze ndingamboni?”
  Lowo ngumlomo kaNdikhoyo.
  “Asindim na lowo ukho ngokupheleleyo ezulwini nasemhlabeni?”
  Lowo ngumlomo kaNdikhoyo.
  UJEREMIYA 23:24uThixo
• Sathi, sikwelabafileyo, saphakamisa amehlo aso sisentuthumbeni, sambona uAbraham ekude, uLazaro enaye. Samemeza ke, sathi: ‘Bawo, Abraham, ndénzele inceba, uthume uLazaro ukuba athi nkxu incam yomnwe wakhe emanzini, aphozise ulwimi lwam, kuba ndiyathuthunjelwa kweli langatye!’
  ULUKA 16:23-24isihogoukufaukubandezeleka
• Mhla wavela umntu uzalwa ngunina ezé;
  mhla andulukayo uhamba kwangolo hlobo eze ngalo.
  Kuko konke ukubulaleka kwakhe umntu apha emhlabeni
  umka engaphathanga nto ngesandla sakhe.
  AMAVA ENGQONDI 5:15ukubawaukuthanda izinto eziphathekayo