Iivesi zeBhayibhile malunga nomoya

«»

• INkosi le ke nguMoya. Apho ke ukhona uMoya weNkosi kubakho inkululeko.
  2 KWABASEKORINTE 3:17 inkululeko uMoya oyiNgcwele
• Wanga ke uThixo, umthombo wethemba, angáthi ngokukholwa kwenu anivuyise kakhulu, aniphe uxolo, ukuze ithemba lenu liye lisanda ngokwanda ngamandla oMoya oyiNgcwele.
  KWABASEROMA 15:13 ukholo ithemba uMoya oyiNgcwele
• Anazi na ukuba imizimba yenu yindlu kaMoya oyiNgcwele, ahlala kuyo, evela kuThixo? Kaloku aningobenu; ningabakaThixo owanithenga ngexabiso elikhulu. Mdumiseni ke uThixo ngemizimba yenu.
  1 KWABASEKORINTE 6:19-20 unqulo ubomi impilo
• Ndiyambongoza ukuba ngobubele bakhe uSosidima anomeleze imo yenu entsha ngoMoya wakhe, khon' ukuze ngokholo uKrestu ahlale ngaphakathi kuni. Nanga ningasekelwa eluthandweni nendele.
  KWABASE-EFESE 3:16-17 ukholo uthando
• Nazi ke zona iziqhamo zoMoya: luthando, novuyo, noxolo; umonde, ububele, ukulunga, nentembeko; ubulali, nokuzeyisa. Awukho ke umthetho ochasa izinto ezinjengezi.
  KUMAGALATI 5:22-23 umthetho intsikelelo ubulali
• Ndiya kufaka uMoya wam kuni, nitsho nilulamele imimiselo yam, niyigcine ngononelelo imithetho yam.
  UHEZEKILE 36:27 umthetho ukulandela uMoya oyiNgcwele
• Kwabonakala amadangatye angathi ziilwimi, laza lalelo idangatye lahlala kumntu ngamnye kubo. Bazaliswa ke bonke nguMoya oyiNgcwele, baza bathetha ngalwimi zimbi, njengoko uMoya wabaphayo.
  UMSEBENZI WABATHUNYWA 2:3-4 ukuthetha ipentekoste uMoya oyiNgcwele
• Anazi na ukuba nina niyindlu kaThixo? Anazi na ukuba uMoya kaThixo uhlala ngaphakathi kwenu?
  1 KWABASEKORINTE 3:16 ubungcwele uMoya oyiNgcwele icawa
• Ukuba ngoko nina, nikhohlakele nje, niyakwazi ukubapha abantwana benu izipho ezilungileyo, wobeka phi yena uYihlo osezulwini ukugqithisela ukubapha uMoya oyiNgcwele abo bamcelayo?
  ULUKA 11:13 umthandazo usapho isisa
• Wena unguThixo wam,
  ngoko ke ndifundise ukuthanda kwakho.
  UMoya wakho wobubele
  makandikhokelele endleleni esisithabazi!
  INdumiso 143:10 ukufunda ukuthobela uMoya oyiNgcwele
• Ithemba ke lona alidanisi, kuba uthando lukaThixo luthululelwe ezintliziyweni zethu ngoMoya oyiNgcwele esamnikwayo.
  KWABASEROMA 5:5 ithemba intliziyo uthando
• Siyazi ukuba sihlala simanyene naye, naye uhlala emanyene nathi, kuba usinike isabelo soMoya wakhe.
  1 KAYOHANE 4:13 uThixo ukusondela
• Ukuba ke sidla ubomi ngoMoya kaThixo, masilawulwe nguye ke.
  KUMAGALATI 5:25 ubomi ukulandela
• Ke mna ndonganyelwe nguMoya woMhlekazi uNdikhoyo,
  kuba kaloku uNdikhoyo undithambisile.
  Undithume ukubhengeza iindaba ezimnandi kumahlwempu,
  ndibophe abantliziyo zingamahlwili,
  ndibhengeze ukukhululeka kwabathinjwa,
  ndazise inkululeko kumabanjwa.
  UISAYA 61:1 ithemba umhlawuleli inkululeko
• UThixo unguMoya; abo ke bamnqulayo kufuneka bamnqule ngoMoya benyanisekile.
  UYOHANE 4:24 inyaniso unqulo
• Nina niya kunikwa amandla, akufika kuni uMoya oyiNgcwele, nindingqinele ebantwini baseJerusalem, nabakulo lonke elakwaJuda, nabaseSamariya, kude kuse naseziphelweni zomhlaba.
  UMSEBENZI WABATHUNYWA 1:8 ukuvangela amandla ipentekoste
• Eli lilizwi likaNdikhoyo kuZerubhabheli: ‘Akungabukroti, kungengawo namandla, kodwa kungoMoya wam kuphela,’ utsho uNdikhoyo onamandla onke.
  UZAKARIYA 4:6 uThixo amandla uMoya oyiNgcwele
• Kuba kaloku uMoya esimnikwe nguThixo asingowobuphakuphaku, koko uvuselela isibindi, uthando, nokuzeyisa.
  2 KUTIMOTI 1:7 uthando ukuzibamba amandla
• Ngokukwanjalo noMoya uyasixhasa ekusweleni kwethu amandla, kuba kaloku asiyazi eyona ndlela singathandaza ngayo. Kodwa ke kweso singqala sethu sikhohliwe uMoya ngokwakhe uyasithethelela.
  KWABASEROMA 8:26 ukuthetha umthandazo ubuthathaka
• Kanene yintoni na emntwini ebaziyo ubume bomntu, ingenguwo umoya womntu ongaphakathi kwakhe? Ngokunjalo nobume bukaThixo akukho namnye ubaziyo, ingenguye uMoya kaThixo.
  1 KWABASEKORINTE 2:11 uMoya oyiNgcwele iingcamango ukuqonda
• Kaloku abo bakhokelwa nguMoya kaThixo, bangoonyana bakaThixo.
  KWABASEROMA 8:14 ukuthobela abantwana
• Ndingamzimela ndithini uMoya wakho?
  Ndingasabela phi apho ungekhoyo khona?
  Ukuba ndingenyukela emazulwini, ndingafika ukho;
  nokuba ndingalala kwelabafileyo, ukho nalapho.
  INdumiso 139:7-8 izulu ukufa isihogo
• Thina noMoya oyiNgcwele osisipho sikaThixo kwabo bamthobelayo, singamangqina azo ezi zinto.
  UMSEBENZI WABATHUNYWA 5:32 ukuthobela ukwamkela uMoya oyiNgcwele
• Wathi uPetros kubo: “Guqukani ezonweni zenu nonke ngabanye, nibhaptizwe egameni likaYesu Krestu, ukuze nixolelwe izono zenu, nize namkele isipho soMoya oyiNgcwele.”
  UMSEBENZI WABATHUNYWA 2:38 uxolelo ubhaptizo uguqulo
• Zihlobo, musan' ukusuka nikhokelwe nje nanguwuphi na umoya. Wonke umoya wuvavanyeni, nikhangele ukuba ngaba uvela kuThixo na. Kaloku baninzi abashumayeli abanefuthe lobuxoki abajikeleza elizweni.
  1 KAYOHANE 4:1 thembela isiprofeto