Iivesi zeBhayibhile malunga noxolelo

«»

• Obugubungelayo ubugwenxa uzicengezelela ukuthandwa,
  kodwa lowo umana ewunokoza umcimbi uchitha ubuhlobo.
  IZAFOBE 17:9ubuhlobo
• Ndaweni yaloo nto yenzelanani ububele ninobulali, nixolelane, kwanjengokuba naye uThixo wanixolelayo ngoKrestu.
  KWABASE-EFESE 4:32uvelwanoukulungauxolelwaniso
• Kaloku xa nibaxolela abantu izigqitho zabo, uYihlo osezulwini wonixolela nani.
  UMATEWU 6:14isonoubabaloinceba
• Nyamezelanani, nixolelane. Ukuba omnye ukhalazela omnye xolelanani kwanjengokuba nayo iNkosi yanixolelayo.
  KWABASEKOLOSE 3:13uxoloummelwaneuxolelwaniso
• Ukuba abantu bam abo babizwa ngegama lam bathe bazithoba bathandaza bendikhunga befuna ubuso bam, bazilahla iindlela zabo ezikhohlakeleyo, ke mna ndiya kubaphulaphula ndibeve ndisezulwini, ndisixolele isono sabo, ndilinyange ilizwe labo.
  2 YEZIGANEKO 7:14ukuthobekaukuphilisauguqulo
• Musani ukugweba; nani ke aniyi kugwetywa nguThixo. Musani ukugxeka; nani ke aniyi kugxekwa nguThixo. Xolelani; nani ke niya kuxolelwa nguThixo.
  ULUKA 6:37umgwebo
• Weza uPetros kuYesu, wabuza esithi: “Nkosi, koda kube kangaphi na uwethu endona ndimxolela? Ngaba koba kasixhenxe na?” UYesu wathi kuye: “Hayi, akuyi kuba kasixhenxe, kuya kuba ngamashumi asixhenxe aphindwe kasixhenxe.”
  UMATEWU 18:21-22ummelwaneisonoinceba
• Umntu osifihlayo isono sakhe akabi nampumelelo;
  kambe ke yena osivumayo, ahlukane naso, wenzelwa inceba.
  IZAFOBE 28:13isonoukuvuma izonoinceba
• Kuba wena, Nkosi, ulungile, uyaxolela;
  uphuphuma luthando kwabo bakholosa ngawe.
  INdumiso 86:5ukuthembekauthando
• Naxa nithandazayo, ukuba ninendawo ngakubani, mxoleleni, ukuze noYihlo osezulwini anixolele iziphoso zenu.
  UMARKO 11:25umthandazoUTataisono
• Kodwa nguwuphi uThixo onjengawe?
  Nguwuphi oxolela ubugwenxa,
  angazihoyi iziphoso zamasalela elifa lakhe?
  Wena akuhlali uqumbile ngonaphakade;
  kaloku uyimvuze-mvuze bububele.
  UMIKA 7:18isonoinceba
• Yazini niqiniseke xa ninonke, mawethu, ukuba kungoYesu ukushunyayelwa kodaba lokuxolelwa kwezono. Ngokunjalo qondani ukuba wonke umntu ozinikelayo kuye uyakhululwa kuzo zonke izono, obungenako ukumkhulula kuzo umthetho kaMosis.
  UMSEBENZI WABATHUNYWA 13:38-39umthethoUYesuinkululeko
• Kuba kaloku uNdikhoyo uThixo wenu unesisa novelwano. Akasayi kunifulathela ukuba nibuyela kuye.
  2 YEZIGANEKO 30:9bubabaloinguqukouguqulo
• Ewe, kaloku nguye idini elicamagushela izono zethu. Phofu akacamagusheli ezethu kuphela, koko ucamagushela ezehlabathi liphela.
  1 KAYOHANE 2:2isonoUMsindisiumhlaba
• Ndithe ke ndakusivuma kuwe isono sam,
  ndabuxela ubugwenxa bam, ndisithi:
  “Ndisixela kuwe, Ndikhoyo, isono sam;”
  wandixolela wena ityala lam.
  INdumiso 32:5ukuvuma izonoisonoukuvuma
• Sikhululwe sazixolelwa izono zethu ngegazi likaKrestu. Siyaphuphuma kuthi isisa.
  KWABASE-EFESE 1:7isonoUMsindisiigazi
• Usixolele amatyala ethu,
  njengokuba nathi sibaxolela abasonayo.
  UMATEWU 6:12ityalaumthandazo
• Ndithi sanukuzikrazula izinxibo,
  koko zisoleni kukrazuk' iintliziyo.
  Buyelani kuNdikhoyo uThixo wenu;
  kaloku yena unesisa kwanemfobe,
  uza kade umsindo,
  yimvuze-mvuze ngobubele;
  ewe, unebuyambo, akananqala.
  UJOWELI 2:13intliziyoubabalouthando
• Guqukani ke ngoko, nibuyele kuThixo, ukuze zicinywe izono zenu.
  UMSEBENZI WABATHUNYWA 3:19uguquloisonoinguquko
• Wathi uPetros kubo: “Guqukani ezonweni zenu nonke ngabanye, nibhaptizwe egameni likaYesu Krestu, ukuze nixolelwe izono zenu, nize namkele isipho soMoya oyiNgcwele.”
  UMSEBENZI WABATHUNYWA 2:38Umoyaubhaptizouguqulo
• Ukuba uwenu uthe wakona, mkhalimele; ke ukuba uthe wazohlwaya, mxolele. Nokuba uthe wakona kasixhenxe ngemini, waza wabuyela kuwe kasixhenxe ngemini, esithi: ‘Ndiv' intw' embi, ndixolele;’ wena uze umxolele.
  ULUKA 17:3b-4isonoinguqukoukuthetha
• Xa umntu egula, makabize amadoda amakhulu ebandla; wona aya kumthandazela, amthambise ngeoyile egameni leNkosi. Lo mthandazo uphuma elukholweni uya kumnyanga umntu ogulayo, iNkosi imbuyisele empilweni, zithi nezono azenzileyo zixolelwe.
  EKAYAKOBI 5:14-15ukugulaumthandazoukholo
• Umntu okhohlakeleyo makahlukane nobubi,
  netshijolo maliyeke ukuyila ubutshijolo.
  Maliguquke, lize kuNdikhoyo;
  yena wosuka abe novelwano lilo.
  Malize kuThixo wethu,
  kuba yena uxolela kangangoko.
  UISAYA 55:7ubulungisauguquloubomi
• UThixo wayewayeke ngabom loo maxesha apho abantu babengazi. Kungokunje uyalela abantu bonke, ezindaweni zonke, ukuba baguquke ezindleleni zabo ezimbi.
  UMSEBENZI WABATHUNYWA 17:30inguqukouguqulo
• ‘Guquka, mkreqikazindini Sirayeli!’
  Lowo ngumlomo kaNdikhoyo.
  ‘Andizi kuba sakukhangela ngobuso obusangeneyo,
  kuba ndinenceba.’
  Lowo ngumlomo kaNdikhoyo.
  Úthi: ‘Andiyi kuhlala ndiniqumbele.’
  UJEREMIYA 3:12bincebaumsindoubabalo